沪语童谣 课件.pptVIP

看动物 姆妈带我到公园，交关动物真好看： 象鼻头，来喷水；小猢狲，荡秋千； 熊猫戴副黑眼镜；孔雀张开大花伞。 动物真是好白相，下趟再来看一看 沪语童谣 中国节 过年有得压岁钱，开心来 元宵要拉兔子灯，好白相 清明要吃青团子，春天到 立夏声浪套只蛋，圆滚滚 端午外婆包粽子，真好吃 中秋姆妈买月饼，团团圆 重阳送糕拔老爹，乖囡囡 中国节日交交关，阿拉才要记记牢 正月梅花香又香 正月梅花香又香，二月兰花盆里装， 三月桃花红十里，四月蔷薇靠短墙， 五月石榴红彤彤，六月荷花满池塘， 七月栀子头浪戴，八月丹桂一片黄， 九月菊花盆里栽，十月芙蓉人人爱， 十一月水仙台浪放，十二月腊梅雪里香。 小动物走路 啥末事走路跳啊跳？ 小白兔走路跳啊跳。 啥末事走路轻轻交？ 小猫咪走路轻轻交。 啥末事走路咚咚响？ 象鼻头走路咚咚响。 五官歌 面孔高头有五官，五官是我好朋友。 鼻头可以闻味道，眼睛可以看末事， 耳朵可以听声音，嘴巴可以吃末事。 人个五官用场大，才是我个好朋友。 颠倒歌 咬牛奶，喝面包， 夹着火车上皮包， 东西街，南北走， 出门看见人咬狗， 拿起狗来打砖头， 又怕砖头咬我手。 画房子 红绿蓝黄紫，彩色笔五支， 丁丁拿起笔，伊来画房子。 红笔画幢小别墅，送拨娃娃做房子。 绿笔画条小河浜，送拨青蛙做房子。 蓝笔画片大天空，送拨星星做房子。 黄笔画只大木笼，送拨小鸡做房子。 紫笔画幢蘑菇房，送拨小兔做房子。 红绿蓝黄紫，彩色小房子。 送拨好朋友，大家住房子。 自家来 自家来，自家来， 自家起床坐起来。 自家衣裳自家穿， 自家帽子自家戴。 自家被头自家叠， 自家玩具自家摆。 自家事体自家做， 我是姆妈个小乖囡。 勿让龙头落眼泪 一滴水，一个点， 一只蚂蚁吃一年。 十滴水，一条线， 两只蚂蚁好撑船。 小朋友，不浪费， 勿让龙头落眼泪。 阿拉来赛车 大马路浪车真多，来来往往真热闹。 一只轮盘独轮车，二只轮盘脚踏车， 三只轮盘黄鱼车，四只轮盘小轿车， 还有交关大卡车，看得阿拉心里痒， 拿来自家小汽车，上街沿浪来赛车。 讲文明个乖囡囡 阿拉才是乖囡囡，大家才要讲文明。 过马路，勿滥穿，横道线，看得清。 红灯亮，停下来，绿灯一亮快点走。 乖囡囡，过马路，讲究文明蛮重要。 阿拉才是乖囡囡，大家才要讲文明。 乘车子，先买票，讲闲话，轻轻交。 看到老人让个座，上下车子不抢道， 乖囡囡，乘车子，都市形象蛮重要。