台湾闽南语.PDFVIP

教 師 組 臺灣閩南語 小說戲劇 佳作 樹伯公講古 　　籃球場邊，一欉愛睏樹陷眠拄精神，煞看著一个熟似囡仔跍(kû)佇樹跤耍草仔枝。 　　樹伯公：小朋友，最近你哪會常在來我遮趖來趖去？ 　　丁丁：因為樹蔭遮日較涼啊，而且風常在一絲仔一絲吹來，鳥仔閣會飛來唱歌，真濟 古錐的昆蟲嘛會佇遮爬來爬去。 部 育 教 　　樹伯公：囡仔你常在來 迌，我煞毋知你叫啥物名？ 　　丁丁：人攏叫我「丁丁」。 　 　　樹伯公：「丁丁」是啥物意思？ ９７ 學 文 个 兜 恩 寫 語 母 个 兜 恩 用 ／ 學 文 的 咱 寫 語 母 的 咱 用 年 　　丁丁：就是笑我「戇戇」。 　　樹伯公：按呢閣笑咪咪，天公會疼戇人ooh ！ 　　丁丁：樹伯公你是屬佇啥物樹種啊？ 　　樹伯公：愛睏樹。 　　丁丁：莫怪常在看你咧盹龜！ 　　樹伯公：若是日頭出來，溫度差不多維持佇二十二～三十度，我就會精神百倍，葉仔 就會展開。 　　丁丁：也就是講若烏陰、落雨抑是暗時你就開始oonn-oonn睏。 　　樹伯公：看起來你是假戇，「大隻雞慢啼」。 　　丁丁：歹勢啦！毋過校園裡親像你這款的樹身有十五欉特別少年是為啥物？ 　　樹伯公：你是講升旗場邊仔彼十五欉幼齒的是無？ 　　丁丁：是啦！幼秀幼秀，瘦抽瘦抽。 　　樹伯公：彼是舊年欲畢業的十五班的學生種的，因為校長鼓勵畢業生「十年樹木，百 年樹人。」 　　丁丁：就是講雖然畢業嘛會留下一个美麗的記持。 　　樹伯公：彼日有足濟貴賓佮厝邊隔壁的長輩來講好話祝福，想袂到雄雄落大雨，大人 囡仔走閃袂赴加減沃有著。 　　丁丁：天公伯仔真趣味，落雨水來鬥跤手，逐家省工就毋免鬆塗！ 　　樹伯公：若落傷(siunn)濟嘛起煩惱，歇熱彼陣透(thàu)風颱吹倒三欉，生物老師佮拄 好轉來的學長四个人毋驚風雨佮雷公爍爁(sih-nah) ，姑不而將，趕緊揣童子軍索仔將樹仔 扶起重新栽種，等到安頓好勢已經是兩點鐘了後的代誌looh ！逐家攏沃甲澹