影子剧本大纲.PDF

学校姓名：宁波公学 NING PO COLLEGE 组 别：中学广东话 剧目名称：影子 剧本大纲： 本剧透过「影子」来反映人心内的善性和恶性——善恶两念其实是交织于人的内 心的。 剧中两个女主角的「自我保护」令到二人关系恶化，产生不和与冲突。班长卓宝 姿受人爱戴的地位因插班生施采蓝的风采而下降，心有不甘的宝姿受恶念的支配，想借 揭露采蓝阴暗的过去，夺回同学的拥护。幸好最后善念抬头，她俩互相了解而冰释前嫌。 「因为了解，所以慈悲。」——张爱玲语 影子 原著：杜绮雯 改编：黎炜婷、黎永佳、周焯峰 人物介绍： 施采蓝 —— 自小缺乏家庭温暖，曾入女童院。性格反叛但略带善良，较冷漠。 善蓝 —— 施采蓝之影子，主善。 恶蓝 —— 施采蓝之影子，主恶。 卓宝姿 —— 表面谦虚，文静，品学兼优，但内里妒忌心极强。为人较主动。 善姿 —— 卓宝姿之影子，主善。 恶姿 —— 卓宝姿之影子，主恶。 Billy —— 懂得埋堆，善擦鞋。 龙 —— 善挑拨离间。 劳历斯 —— 略带女性化的男孩，随风摆柳。 阿介 —— 学生会干事，为人热诚。 【第一幕】 地点：课室 人物：Billy、龙、历斯、宝姿、采蓝 宝姿 ：有无人未交功课呀？ Billy ：（举手） 姿 ：你成日都无交架啦！ Billy ：听讲今日有一个插班生嚟喎，大家知点做架啦！ 龙 ：唔知佢有无taste呢？好心急呀！ 历斯 ：哎啊，我都好想快啲见吓佢呀！ （姿听见他们说话，加入他们的话题） 姿 ：你哋几个㆒阵唔好当人系怪物咁望呀！会吓亲人架！ Billy ：车！新生黎唔使俾人望呀！（龙找书包） 龙 ：弊！我唔记得功课呀！不如你哋陪我去locker拎呃！ Billy ：咦，真系麻烦架你！ 历斯 ：嘢！人哋等紧个新生嚟架嘛，等阵间见唔到佢为你事问！ Billy ：得啦！得啦！ （三人离开） （灯光转暗，紫色射灯在影子上） 恶姿 ：一阵嗰个新生嚟到，会好容易抢到我慨风头嘞！ 善姿 ：你咪乱谂嘢啦，有新生嚟并唔代表咩嘢！ 恶姿 ：哼！唔代表咩嘢？你有无听过咩系新屎坑三日香呀？我唔可以咁容易俾其他人 抢左我慨地位？ 善姿 ：你唔系想乱嚟呀？ 恶姿 ：我真系想呀！不过有你喺度，我可以点呃？ 善姿 ：你知唔知你咁样做系唔啱架！ 恶姿 ：哼！你知唔知我好辛苦架！我成日都要抑压住自己慨情绪，有咩唔开心，唔满 意都要全部吞晒落肚，咁样根本都唔系我的真性情。 善姿 ：唔通同好似佢哋三只嘢咁呀，成日讲㆟是非，又乱咁发脾气！ 恶姿 ：我唔理其他人点，总之我要生活得开心。你都控制左我咁耐啦，点都轮到我控 制你喇！ 善姿 ：你……，咦，个新生好似嚟紧喇！ （灯光回复正常） 姿 ：咦？你搵边个呀？（想一想）我知喇！你系咪嗰个新生呀！你叫咩名呀？ （蓝以不友善的眼光望姿） 姿 ：不如等我自我介绍先，我叫卓姿，系呢一班慨班长，你叫咩名呀？ （蓝随便找了个位坐，把姿置诸不理） 姿 ：（有点尴尬）我无恶意架，我哋可唔可以做个朋友呀？（走近蓝，蓝不耐烦，拿 起MD听） （Billy、龙、历斯入） 历斯 ：快啲啦，快啲啦，好彩赶得切啫！（望向蓝） 龙 ：咦，佢嚟左喇！（拍Billy膊头） Billy ：咩嚟左呀？（望向蓝）系喎，嚟左喇喎。 （三人好仔细咁望看蓝，望左好耐） 蓝 ：望咩呀望，前世未见过人呀？ Billy ：哗，原来咁串架！ 龙 ：系啰！（历斯点头，表示赞同） Billy ：喂（望向蓝），望吓都唔俾呀？俾面你咋！ 姿 ：你哋咪咁啦！吓亲㆟架！ 蓝 ：（对姿）喂，我都忍左你好耐啦！一入到嚟就嘈住晒，你想识我啫，你知我都想 识你架喇？唔该你啦，班长大晒咩，自己检讨吓啦！又唔知自己鬼死咁烦！ 姿 ：我只系想同你做个朋友啫。 蓝 ：我唔想喎！ Billy ：唔好睬佢啦！同佢都唔啱key嘅！ 历斯 ：系啦！系啦！ （灯光转暗，黄色射灯在蓝的影子） 善蓝 ：唉！你又你咁嘞，都唔知我弦时先可以搵到一个真正慨朋友，过番啲正常慨生 活！ 恶蓝 ：车！有咩所谓啫！朋友之嘛，有无都罢啦！何况如果俾人知道左我哋系喺女童 院出嚟慨话，到时都无人会敢接近我哋，同我哋玩，当我哋普通人咁看待啦！ 善蓝 ：但系其实我真系好寂寞架，自小父母就离左婚，阿妈又成日挂住搵钱，一直都 无人理我，我真系好需要朋友架！ 恶蓝 ：之不过，你唔好忘记你只系得一半咋