诏安腔107年全国语文竞赛.doc

107年全國語文競賽客家語朗讀文章國中學生組（詔安腔） 編號01號 【長年菜】徐姿華原作 ??做細子个時，阿媽身體猶真勇，佢真打拚，會在屋脣、屋背掘菜園來種菜，照節氣來種青菜，蔥、葫、茄、蕹菜、韭菜、角子菜、紅菜、白菜、薍薺、苦瓜逐件有，普通時三頓个青菜即對這來。寒天時，阿媽即會種芥菜和菜頭，青溜溜个芥菜裁落來會用萋萋煮來食，嘛會用滷鹽加工做鹹菜、做覆菜，抑係炙梅干菜。阿媽總會留幾下頭芥菜過年好用，討入年假啊，即拁菜頭挷轉來炊菜頭粄，和芥菜剁轉來燜長年菜。 逐年三十暗夜食團圓飯个時，桌崠定著有燜筍乾和長年菜，燜好个筍乾金黃金黃，摻落共下燜到綿酪酪个菜頭和鹹菜，香香脆脆个筍乾合酸溓酸溓个鹹菜和菜頭，好食到舌硬硬討吞落去。長年菜嘛燜到綿綿香香，食起來猶有一兜仔苦甘苦甘个味，阿依總係用煠好頭牲个油湯來燜筍乾和長年菜，筍乾比長年菜較澀，愛油臊，用油湯來燜頭堵好。遐兩鑊大嫲鑊个筍乾和長年菜，對三十夜食到初五隔開，暖燒擱暖燒，逐頓都上桌。 細漢時个??真慼食長年菜，嫌佢菜色黃黃又苦篤苦篤，一兜仔都毋會餳人食。戇膽个??識問??依講：「遐菜恁歹食，做麼个討煮恁大鑊？又無人愛食。」??依應??講：「細子人毋好烏白講事！這係『長年菜』，過年生成愛食『長年菜』，屋下人正會長長久久、長命百歲。『長年菜』有人講係本來農業社會，農家个長工會趁收好尾冬禾了後，拁頭家贌地來種芥菜，收成个時務堵好係寒天，賣得別儕，加趁一兜仔錢好過年。因為係長工歸年做工，又加額種个菜，即喊做『長年菜』，這『長年菜』嘛表示長壽、艱難頭快活尾，過年時務家家屋屋做一下會食這『長年菜』，希望會用長命百歲。」聽著阿依恁講，不得已??正刻耐食這長年菜。 到大漢啊，??去到外頭讀書、食頭路，逐年歇寒轉屋下過年，團圓飯桌崠共款有燜到油光油光、金黃金黃个筍乾和香香綿綿个長年菜，應當係??既然知這菜代表个意思，猶有回鄉遊子个心情，伴隨爺母个笑容，團圓飯个筍乾食來特別脆，長年菜嘛少一兜苦味，正伸甘味定。 107年全國語文競賽客家語朗讀文章國中學生組（詔安腔） 編號02號 【戇狗想討食豬肝骨】張美容原作 前幾下日去市場打豬肉，豬砧个頭家???買真多款部分个肉，即真煞著割一垤豬肝送??。足久毋識食豬肝啊！??暢壞壞擐豬肝轉到屋下，後生一?著即講：「豬肝係豬解毒个器官，豬食个飼料可能有生長激素、瘦肉精，頭好毋好食。」新婦續落又講：「有年歲个人啊，腹內毋會用食忒多。」你一句，佢一句，講到??毋知討拁這垤豬肝擊莫好抑係煮來食好。 記得??細漢時務，逐儕毋係日日有肉好食，??依久久會準備一、兩件私伽菜得??媽和??公食，毋係豬肝湯，即係瘦肉湯。第一擺?著桌崠个豬肝湯，一垤一垤个豬肝足餳人个！??和阿弟、阿妹毋知天地，相爭討挾來食，??依隨即喝??人講：「恁無規矩，戇狗想討食豬肝骨共款！」細子人普通想討食豬肝，即像戇狗想討食豬肝骨共款。??媽惜孫，會挾幾下垤分孫子、孫女食，佢頭惜??，總會偷偷挾幾下垤在??碗底。對遐時起，豬肝在??心肝內係頭高貴个食物。 無想著以後，「戇狗想討食豬肝骨」這句事，恬恬在??耳空脣鳴。因為自細漢??媽即惜??、容??，愛麼个即有麼个，毋識失望過。到??媽過身了後，即無恁好空啊，尤其??頭大，下腳有五個阿弟、阿妹目珠金金?，??依對??个要求，總係用「戇狗想討食豬肝骨」來應??。毋使講「豬肝骨」這種無个物件，即和豬肝嘛高級上等，閒時白務嘛難食著，所以??依應??這句事，代表??係戇想啦！毋過，??逐擺猶係「鴨嫲嘴罔絡」，希望有一、兩擺會合意。唉！遐願豬肝个日子啊！ 成過無恁豐沛个年代，豬肝會用補血，係足有營養个食物，這滿个人山珍海味食多，營養過頭，無麼个人愛食啊！自然豬肝个價數即加真便宜，幾下十箍即買一大垤，猶捷捷得店頭家提來割送主顧用。??想若係有「豬肝骨」，無定著好命个狗嘛無愛食啊！?桌崠个豬肝，想著成過个種種，煮來食好啦，順續拁??對??媽个思念共下吞落肚。 107年全國語文競賽客家語朗讀文章國中學生組（詔安腔） 編號03號 【過年】李秉璋原作 過年啊！過年啊哦！細子在暢過年，大人嗄在擘心過年。記得做細子个時，過年前，阿依即愛真無閒。愛糴糯米做甜粄、菜頭粄、紅龜粄、菜包粄。和??嘛愛去穀倉??米，拁歸粒米缸裝到淰淰，到時務貼一張「滿」个春聯。阿依一有時間即愛絪草絪，拁灶前積滿草絪和好樵疊到屋崠。到時討炊粄正有耐火个好樵好燸。細子人嘛無法度閒，愛鬥拚掃，擎一支長棍子，?一拿禾稈，做一支長長个掃把，拁屋崠个蝲?網掃掃落來，抑係拁被、榻榻米搬到坪中央炙日頭，拁屋下內底做一下大拚掃。 毋過得??頭探長長在等个，係做紅龜粄和菜包粄。屋下後背有石磨和大粒个舂臼，到時會有真多人扛浸好个糯米來這用石磨挨粄。?大人企在遐，腳骨一前一後，屈好姿勢，雙手用一支鐵柄拁石磨??到直直迴起來，另外一個人