〈石头遇上苏眉〉剧本.PDFVIP

〈石頭遇上蘇眉〉劇本 When Stone Meets His Soul-Mate 場一 時：日 地：船上 人：阿石，石父，眾船員 ※風和日麗，石與父出海，漁穫比平常多。石父一聲不發的工作，阿石一一看在眼內。由 於經常出海關係，彼此有一種說不出的默契；未幾，石父捕獲貴價蘇眉。 船員甲︰唐叔，蘇眉喎！ ※眾船員起哄。 船員乙︰今次發達囉！ 唐叔：做人唔一定講錢，珊瑚魚受保護！ 船員乙︰唐叔，你唔係又諗住放生話？ ※唐叔行前拾起仍在網中的蘇眉，行到船邊並呼喚他的兒子。 唐叔︰石仔，你過呀！(阿石走近父旁) ※石眼裡盡是疑惑。 唐叔︰如果你覺得自己做係，你就要堅持落去，知唔知呀！ ※石父在兒子面前將手中蘇眉放生。 ※當石轉身回崗位之際，唐叔突然眼前一黑。休克掉進水中。 眾船員︰唐叔！唐叔！ ※石得知父掉進海中，欲跳進海中但被船員阻止。 阿石︰阿爸！阿爸！ ※（Fade Out） V • O • 石母︰醫生，我老公點呀⋯⋯ 醫生︰你先生⋯⋯患係腦血管閉塞。雖然依冇咩生命危險，但我建議佢唔適宜做 粗重⋯⋯ 場二 時︰日 地︰海鮮檔 人︰石，石母，伙計甲，阿杰 ※海鮮檔，石與石母在幹活，石在整理漁穫。 石母︰石！你仲唔返學，度做咩呀? 石︰⋯⋯（裝作聽不見，繼續工作） 石母︰你已經成個月冇返學啦，一係你就搵份工啦！我講幾多次唔使你度幫手呀。 石︰⋯⋯（大力對待貨物，表現不耐煩） 石母︰成日話你就淨係識得唔出聲，書又唔讀，唔通你想好似我同你阿爸咁做死一世上 唔到岸咩？ 石︰⋯⋯（欲開口反駁） 石母︰話極都係咁⋯⋯ ※石注意到伙計甲不停將魚桶亂放。 石母︰你個衰仔一出色都冇！ ※伙計甲不小心將水濺起在石身上，石怒！ 石︰（向伙計甲）喂！你好啦喎！ 伙計甲︰咩呀！ 石︰你呀！ 伙計甲︰依家係咪唔得呀！(同時將另一桶魚大力放下) ※其他伙計開始起哄（算啦／喂／大家自己人嘈咩呀）。 ※爭執中有一青年名叫阿杰上前勸交。 杰︰喂，有事慢慢講呀⋯⋯ ※此刻圍觀的人愈來愈多，加上地面濕滑，石不小心給其中一人絆倒，繼而錯亂撲向阿 杰，二人雙雙跌進停泊在一旁的船上，混作一團漸漸演變成拳來拳往的局面。 旁人甲：阿杰又搵到練習對象呀？ ※過程中，杰架起正宗拳擊姿勢，但因船上搖擺不定，往往站不穩；相反石卻似如履平 地，能將杰的拳一一躲避開⋯⋯ ※FADE OUT ※FADE IN ※經歷好一陣子，二人筋疲力竭躺下來。 杰：（正陶醉之前的對決，回想為何對方能夠避開自己）沒理由⋯⋯ ※石正準備離開。 杰：（起身）喂，你叫咩名呀？ 石：⋯⋯ 杰：你打得咁好．你練過？ 石：⋯⋯ 杰：喂，如果你有興趣．不如一齊練拳呀！ ※杰見石不理他，正準備離開。 杰：喂，做咩唔出聲，對唔住囉頭先⋯⋯ 石：我都唔，對唔住。（悔意） 杰：（笑）我叫阿杰，蘇志杰。（伸出拳頭） 石：唐柱石，叫我阿石呀！（伸出拳頭碰了阿杰拳頭一下） ※FADE OUT 場三 時：NIL 地：拳館＋比賽場地 人：石，杰，教練，Macy ，裁判 〈不順序片段＞ ※杰介紹石給教練認識。 ※杰比賽，石在旁觀看。 ※杰與石跑步練體能，女主角MACY與其他朋友跑步迎面而過。 ※石獨自在拳館練習，教練上前傳授。 ※MACY於報紙見石的比賽。 ※於比賽場館內，擂台上阿杰比賽勝出，離開擂台。 ※於全港青年盃拳擊外圍賽的比賽場館中⋯⋯ 裁判：下一場比賽，係由紅角冠軍體育會鄭宇成，佢戰績係四戰三勝一負， 而藍角係由首次參賽唐柱石，佢係屬於第一體育會，而呢場比賽亦都係全港 青年盃選拔賽。係打三個回合，每個回合兩分鐘。 ※石正在場邊準備出賽。 教練：放鬆！照平時練習咁打就得喇！ 杰：石！（伸出拳頭）加油呀！（石與杰碰拳） 裁判：助手離場！ ※叮一聲！同時MACY進場觀看。 ※石顯得緊張，只顧護著自己身體本能地作出閃避。 教練：（大叫）集中精神！！！睇下人點出拳！！！！！ ※石在閃避了兩個循環動作之後，看準了，出了右勾拳＋左勾拳＋右直拳之連環拳，速度 之快，令對手一面茫然！石趁對手模糊之際，追加右直拳便中面部對手倒下，一分三十五 秒K.O.。 ※裁判舉起石手示意石勝。 ※除教練外，第一體育館仝人歡呼。 教練：下盤唔夠穩，返去加倍訓練。