细汉姑--仔.PDFVIP

細漢姑仔 細漢姑仔袂細漢，阮阿爸有 10 个兄弟姊妹，其中有 4 个查 某的，佇阮庄仔底，逐家攏講 是洪家的四大金釵。細漢姑仔是 四大金釵內底排咧上尾仔的一个，10 个兄弟姊妹，伊干焦管一个 屘叔仔，所以我攏叫伊細漢姑仔。佇咧民國四、五十年彼个時陣， 金瓜石仔金礦的開採已經無較早遐好賺食，阮阿公因為仝款承包 著所有台金的生理，嘛算是地方的仕紳 ，四大金釵的名號，一直 是庄仔內庄頭庄尾猶未娶某的少年家聽著會面紅紅、心擽擽的名 號。細漢姑仔身懸 178 生做瘦抽瘦抽，佇咧四大金釵內底是上濟 人逐的對象，嘛因為按呢生，身為洪家大孫的我，就變做是眾人 烏西的對象。 細漢姑仔人媠閣 讀冊，佇咧高中的時陣，代表瑞芳鎮參加 全國毛筆比賽，得到全國第 2名，伊的毛筆字寫來佮伊的人仝款 瘦抽瘦抽。轉來庄跤的彼工，鎮長專工來阮兜放炮仔，彼工透早 阮兜敢若咧娶新娘，自透早無閒到暗瞑 ，閣有電視台來採訪。細 漢姑仔穿著真有古味的旗袍，親像曆日紙頂的明星，阮規家族仔 攏感覺足光榮，自彼工開始，阮兜的尪 架桌頂，花煞愈來愈紅， 連葉仔鼻起來嘛攏會芳。阿媽講：「豬毋肥，肥去狗」，生著 勥 查某囝，較好生著了尾仔囝。細漢姑仔沿路讀大學沿路共厝內鬥 相共扞數，公司的數目若交予伊，絕對 攏袂差錯，三姑共我講： 「若是去郵便局，無論是辦啥物代誌，只要細漢姑仔一出面，攏 總無代誌，郵便局的職員規大半都是伊的愛慕者。」逐个人攏講， 若會當娶著四大金釵其中 1 个，會使減拍拚 20 年，閣著愛祖公 有保庇。娶會著洪家的屘查某囝，若親像去挖到金脈，一世人攏 359 98 年教育部臺灣閩客語文學獎作品集 免煩惱。我自細漢就真幸福，逐工倚佇金脈的邊仔，提無金仔角 煞食到真濟糖含仔。 大伯的大漢查某囝，比細漢姑仔大 2 歲，逐擺看到這个情形， 攏不只仔怨妒，伊會趁無人看見的時陣 共我欺負，愈是按呢，有 啥物好空的，我就愈毋分伊，伊愈慼 ，我就愈歡喜。伊的性地若 是夯起來，就會用五筋枷共我枷落去，我就走去揣細漢姑仔，細 漢姑仔就會為我。阿姊見笑轉受氣，走去投阿媽，我佮細漢姑仔 覕去阿公的尻脊後，哈！哈！逐擺阮攏嘛贏。只要有細漢姑仔佇 咧，我啥物攏毋驚。細漢姑仔生媠名聲透京城，大學的時陣予選 做樂隊的隊長，歕 仔就真好聽，連指導的先生一知影伊愛食拄 才烘出來的 pháng ，逐工透早攏會去排隊，共伊攢便便，偷偷仔 共大家講，彼 pháng的滋味幼綿綿、軟 㽎㽎 ，恁一定真好奇我哪 會知？人講：「過五關斬六將」，無過 我這關哪會當過美人關， 抽稅是一定愛的嘛！莫誤會，我毋是自細漢就咧共人牽猴仔，人 阮阿公有交代，人品好、家世清白 ，愛認予真看予明。較袂千揀 萬揀，揀著一个賣龍眼的。這張王牌哪通遮爾緊就出手。 細漢姑仔每一禮拜，攏會做 1項代誌是伊愛做的，彼就是共 阮遮所有的囡仔集合起來，佇咧戶 橂跤撚耳仔。我的面輕輕仔倚 佇細漢姑仔的大腿，耳扒仔輕輕仔撚佇 耳空內，親像微微風吹著 海湧，我是湧內的船隻，佇咧阿母的腹肚內，真舒適。綴著細漢 姑仔腹肚的浮沉，沓沓仔落眠……小弟 小妹的吵叫聲共我拍醒， 歹勢！我猶未換爿咧，細漢姑仔猶是我的，莫吵恬恬仔等，後回 趁早。等到所有的囡仔，攏發落煞，日頭嘛漸漸欲落山，紅霞伴 著厝角鳥仔漸失的形影，覕入去雞籠山的影跡。 耳屎哪會生著遮爾慢，唉！閣愛等 1禮拜。恁一定會想講， 細漢姑仔文的遮利，較按怎講嘛是一个軟弱的查某囡仔。歹勢， 請你跤步徛予在，毋通看查某囡仔無目 地。阮阿公是溫州行過烏 水溝的拳頭師，彼个年代，為著欲防海賊，阿公佇庄仔內訓練一 360 團拳頭師父，阮阿伯是老蔣的金牌保鏢 。細漢姑仔的洪拳，佇阮 洪家班是無人拍會贏伊。人講學武的人有霸氣，有一擺伊坐火車 拄到剪綹仔，當逐家毋知欲按怎，伊 三二下手就予伊好看，剪綹 仔講伊做這行，今年上歹年冬。查埔 人看著伊的漢草是會挫咧 等，今仔日煞去惹到虎頭蜂。報紙頂頭刊幾若工，廣告公司猶未 散工，倩伊