儿童话剧.DOC

全國創意偶劇比賽：豬事光采 重光國小 ~山豬仔囝起厝 【團長】： 【劇本來源】：童話「三隻小豬」【劇本】【戲偶來源】老師指導學生製作 【指導老師】：【演出名單】：陳怡君、謝金佑、葉翔偉、黃致盛、吳宜潔 【演出構想】 本劇是取材自小朋友耳熟能詳的「三隻小豬」的故事，再藉由老師與小朋友不斷反覆討論中，引導小朋友融入近期社會時事，讓小朋友一步一步的激發出新的發想，集眾人的創意加以改編而成的。……等等問題，皆加入故事元素中一一呈現。故事結局，小朋友喜歡皆大歡喜的大團圓，大野狼與小狐狸終究是邪不勝正。小豬也學到團結力量大，「樹頭徛予在，毋驚樹尾做風颱」腳踏實地的道理。 【】…拄食飽飽，才想欲來去睏一下仔爾，阮阿爸、阿母就手機仔kok kok催，毋知咧催啥貨？ Δ（一面伸懶腰一面打哈欠） 山豬二兄：大兄！你歸工食飽睏睏飽食，莫怪人攏叫你[啃…老…豬] 山豬大兄：哈!莫咧龜笑鱉無尾!你家己毋是仝款，歸工覕厝內咧耍手機仔拍電腦的『宅…男…豬』。 山豬小妹：大兄、二兄，我看恁是黑心油佮『垃圾食物』食傷濟矣，才會垃圾肥閣厚一工到暗就咧冤家。 山豬小弟：阿妹仔，毋通無大無細!緊共大兄佮二兄會失禮。 山豬小妹：三兄!是in先做歹sthua7頭，歸工鬥來鬥去。 山豬大兄：抑是老三仔較捌事誌。 山豬小弟：毋知阿爸阿母揣咱有啥事誌？ Δ（鈴…手機響起，小弟拿起手機喂……Δ（三兄弟一溜煙走掉了，獨留小妹一人） 山豬小妹：啊、…！… 第二幕：分家 人：山豬老爸、山豬老母、山豬大兄、山豬二兄、山豬小弟、山豬小妹。 時：上午。 景：山豬家客廳。 Δ（家後歌聲響起…） 山豬老爸：媠某仔，慢慢仔行，來這坐。 山豬老母：咱彼三个囡仔哪會遮久猶無看影？ 山豬兄弟：來啊！來啊！ 山豬二兄：阿爸、阿母恁揣阮有啥事誌咧？ 山豬老母：閣無外久恁的小弟小妹若出世，咱兜著會無夠蹛。 山豬老爸：恁兄弟仔已經大漢矣，從今仔日開始，著愛各人去獨立了。 山豬老母：是啦，樹仔大欉愛分椏，兄弟仔若大漢著愛分家。 山豬三兄弟：分家？ 山豬大兄：按呢，阮是欲去蹛佗位咧？ 山豬老爸：恁大漢的第一項事誌，就是愛各人出去起一間家己的厝。 山豬老母：恁兄弟仔著愛照步來，共厝起予較勇咧。 山豬三兄弟：阮知啦！ 山豬小妹：起厝，哇!一定足好耍的，阿爸、阿母，人嘛欲去… 山豬老母：阿妹仔，妳猶細漢，留踮阮的身邊阮才會放心。 山豬小弟：是啦！阿妹仔，妳愛留落來替阮陪阿爸、阿母才對。 山豬小妹：喔… 山豬三兄弟：阿爸、阿母、阿妹仔恁嘛愛保重哦！ 山豬老爸：厝若起好就愛緊敲電話轉來予阮安心。 山豬老母：著較細膩咧嘿! 山豬小妹：阿兄愛傳Line予我哦! 山豬三兄弟：好啦! 再會！ 豬爸母: 再會！ 幕下… 第三幕：大野狼佮小狐狸 人：大野狼、小狐狸。 時：黃昏。 景 :大野狼的巢穴。 大野狼：順我生，逆我亡啊(唱)…，哈！哈！哈！我是轟動武林，驚動萬教，萬惡罪魁的「野狼老大的」啦！」 喔！腹肚足枵矣!頂站仔流行『狂犬病』佮『禽流感』，害我真久毋敢出去拍獵，阿娘喂…枵甲「滿天全金條，欲捎（ㄙㄚ）無半條。」 小狐狸：『號外!』『號外！』好消息！好消息！ 大野狼：枵甲跤酸手軟，是有啥好消息咧？ 小狐狸：啥!大的，你枵甲跤川去手袖(ng2)喔？ Δ（小狐狸對著大野狼上下打量） 大野狼：臭耳人閣翻話！是跤酸手軟啦！ 小狐狸：免軟啊，免軟啊！我拄仔經過鵝牢，看一陣鵝仔欲死…欲死我著順…欲死，你掠轉來欲予我食? 小狐狸：嘿嘿! 大的…我是想講…你先食看覓咧，若食無死…Δ(說快)就會當換我穩心仔食 矣哩! 大野狼：食你去死啦！煞毋知彼是著著『禽流感』喔!欲食你家己去食啦! 小狐狸：我想講你較勇較會勘哩。 大野狼：啥物好消息，緊講啦! 小狐狸：喔！天大地大的好消息!蹛佇三光里彼岫豬仔囝，已經欲分家矣。 大野狼：in欲分家佮我有啥治事？ 小狐狸：大的，你毋是腹肚枵? 大野狼：枵罔枵，『狂犬病』佮『禽流感』害我今仔攏改食素的。 小狐狸：hoo4『沒知識也要看電視』政府全面注疫苗，早就無事誌矣。 大野狼：敢有影？ 小狐狸：騙你，你會死！ Δ(說快一點) 大野狼：此事當真？ 小狐狸：hoo4！我誰?我是『天下第一狗仔呢，』你敢知影…彼阿基師佮『九把刀』是我piang3 出來才繃孔的呢。 Δ（小狐狸得意洋洋） 大野狼：噓…我賣「烏心油」的事誌…你…你……。 小狐狸：三八兄弟啊！咱誰？咱是一个童乩一个桌頭呢，安啦! 安啦!。 大野狼：哇…哈哈哈!今仔無亻因 山豬爸仔母的保護，咱就會當來去…共亻因…嘿！嘿！嘿！。 小狐狸：講到山豬肉，我的喙涎水…就強欲流落來！ 大野