电脑－阿妹仔.docVIP

斗六市溝壩國小鄉土語言教學補充資料 台灣囡仔歌佮唸謠 曲 目 分 類 目 次 佚陶 烏白想 破解 敘述 連珠 搖囝歌 數字 盤喙錦 趣味 謎猜 十一、現代 參考資料： 簡上仁、信誼、臺灣麥克出版社、母語的奶芳 和和音樂工作室、、等 王金選作品、出自馬貴仁作品、、、等 鄉土謎東石文史工作室、、等 佚陶類 1踅踅踅 踅踅踅，抈西瓜。膨一下，捺一下，切西瓜，你一塊，我一橛，看啥是矮仔冬瓜？ 2拍鐵哥 拍鐵哥，應銅鑼。丈姆厝，好佚陶。佚陶厭，提錢買甘蔗。 甘蔗園仔芳芳芳，囝婿騎馬探丈人。丈人無佇厝，姨仔呼狗咬姊夫。 姊夫叫不可，無張遲，後壁予狗咬一空。 3食桃或食李 你欲食桃抑欲食李？欲食桃，送你去佚陶；欲食李，送你去死。 4食清或食濁 你是欲食清？抑是欲食濁？欲食清，送你去媽祖宮，媽祖保庇你做好學生。 欲食濁，送你去揣嬸婆，嬸婆帶你去佚陶。 5唏咐挨 唏咐挨，挨米來飼雞。飼雞好報更，飼狗通吠暝。飼豬好來刣，飼外甥去毋來。 飼新婦，養大家。飼查某囝，別人的。 6挨豆腐 挨呀挨豆腐，刣雞請阿舅。阿舅食無了，賰一隻雞跤爪。 予嬰仔食無夠，嬰仔佇後尾門嗎嗎號。 7掩咯雞 掩咯雞，走白蛋，隨你食，哎喲隨你鑽。咯雞仔囝，哎喲覕密密，鳥鼠仔囝偷做賊。 一支刀咧一支劍，欲走毋走，毋通哮，毋通哮。 8掩咯雞 掩咯雞，走白蛋，一粒食，一粒舔。放雞囝，揣雞卵。揣若無，拍一下尻川。 9煎甜粿 煎仔煎甜粿，叨一塊，臭火焦兼火著火。 10覕姑揣（掠指頭仔） 林投、戴斗，木虱、家蚤。家蚤無覕，老公仔保庇，翁仔頭，嘰噈。 11一放雞 一放雞，二放鴨，三分開，四相疊，五搭胸，六拍手，七圍牆， 八摸鼻，九扭耳，十抾起，十一拍塗跤，十二攏總挲。 12點仔點水缸 點仔點水缸，啥人放屁爛尻川。點仔點茶甌，啥人今晚來阮兜。點仔點茶鈷，啥人今晚欲娶某。點仔點叮噹，啥人今晚欲嫁翁。點仔點仔點水缸，啥乜人放屁爛尻川。 點仔點仔點冊包，啥乜人今晚欲來阮兜。點仔點仔點鉛筆，你若是歹囝才做白賊。點仔點仔點紛紛，你是英雄好漢去做兵。 13點水缸 點仔點水缸，啥人放屁爛尻川。欲臆你著臆，毋臆尻川貼膏藥。 欲認你著認，毋認尻川爛到面。欲講你著講，毋講尻川鬥竹栱。 14一的炒米芳 一的炒米芳，二的炒韭菜，三的強強滾，四的炒米粉，五的五將軍， 六的乞食孫，七的分一半，八的爬梁山，九的九嬸婆，十的撞大鑼， 拍你千，拍你萬，拍你尻川做四瓣， 嘻嘻嘻！袂見笑，欲輸起呸面，起呸面，烏貓烏狗綴規陣。 15一的炒米芳 一的炒米香，二的炒韭菜，三的強強滾，四的炒米粉，五的五將軍， 六的六囝孫，七的蚵仔飼麵線，八的講伊欲分一半，九的九嬸婆， 十的撞大鑼。拍你千、拍你萬，拍你一千零五萬。羞羞羞袂見笑， 臆輸毋甘願，耍輸起嗄龜，毋甘願起嗄龜，我欲來去投老師，投老師。 二、烏白想 1草暝仔公 草暝仔公，穿紅褲，趕牛去買布，趁錢通娶某。 新娘仔大腹肚，正月生查甫，二月生查某，打銅鑼，撞大鼓。 2月光光 月光光，秀才郎，騎白馬，過南塘。馬爻跑，踢著狗。狗仔貢貢吠， 一個老伙仔偷遏稻穗。遏幾穗，遏三穗，一穗挨，一穗曝，一穗鳥仔食落腹。 公仔圍，婆仔縛。公仔食一碗，婆仔食一碟。公仔斷手，婆仔斷舌。 3月光光 月光光，秀才郎，騎白馬，過南塘。南塘跳袂過，掠貓仔來算歲。 十二星宿算透透，算甲貓仔走過頭。千算萬算算袂真，斡頭去探親。 大姊見笑扇遮面，小妹抱病包烏巾。牽手牽跤來做陣，叫大叫細毋承認。 阿母想著頭殼眩，無話通好說，捧茶請人客。頭鍾甜，尾鍾苦，大姊佔做姨仔某。 4天烏烏，毋落雨 天烏烏，毋落雨，蕃薯一秤兩百五。討海人真艱苦，船仔停甲規半晡。 欲去又烏影，毋去又吊鼎。阿兄講毋去，阿嫂喝著去。 大風大水來拍拚，掠著一尾三斑魚。扛到門口埕，阿兄講欲賣，阿嫂講欲食。 蕃薯簽無塊糶，魚仔一大碗，捧咧聊聊看。 5天烏烏 天烏烏，欲落雨，刣豬反豬肚，乞食走無路。頭家娘門前毋趕狗，查某女間桌頂收飯斗。 凊飯倒落水溝，溝水涔涔流，乞食走翻頭。走甲日頭烏，分無一碗蕃薯箍，枵到青草埔。 夢見何仙姑，前世是伊的某。夢見李托拐，身軀倚佇金葫蘆。 6天烏烏 天烏烏，欲落雨。舉鋤頭，清水路