转妹家.docVIP

轉妹家 感覺著歇在台灣个人,正經係幸福个,因為轉去姐婆屋家个路程,最長最遠个,也是一天就到吔。還後生个時節,就想離開家鄉,到越遠越鬧熱个地方越好,等到年紀越來越老,就想倒轉去童年所在个地方,希望等个細人仔,做得同等共樣,有一個快樂个童年。一個有蟬仔唧唧叫,揚尾仔飛來飛去个所在,落雨過後,就會看到蓋多公趖上趖下,還有該兜大仔、小仔跳來跳去避人尋。 還記得還細時節,常常同阿哥、阿姊去田唇个細河壩、大圳溝肚捉魚仔、釣仔。該時節家鄉內埔仔,還有盡多人種禾仔,還有蓋多个田園風光做得欣賞。有一擺,一隻受傷个鳥仔,跌到屋家个花園肚,等同伊捉起來畜。阿爸查字典講伊係一種水鳥,名安到「魚狗」,藍色个羽毛,專門食魚仔。後來等伊傷好吔,雖然心肝肚毋盼得,毋過對這種野生个動物,還係同伊帶去田項个河壩脣放生,分伊自由較好! 雖然下後家鄉變到越來越鬧熱,毋過對个老公,伊這个都市項出世个人來講,還係充滿仔新鮮感。每一年个寒假、暑假,等帶等兩個妹仔轉去妹家,看伊等个姐婆同姐公。每一擺歸去,姐公姐婆看著這兩個細阿妹仔就當暢,就像接待兩個細公主樣仔,異無閒又異歡喜!伊等兩個細阿妹仔也盡歡喜看著姐公姐婆。伊等兩儕最好姐婆个花園,因為花園肚有蓋多蓋鬧个花,還有細石頭好搞。伊兩儕在花園肚,就像飛出鳥籠仔个鳥仔樣仔恁雀躍,又像靚靚个搖蝶仔一樣恁悠閒!故所,伊等兩儕輒常會想歸姐婆屋家。伊等也知得「阿公」、「阿婆」講个話,同「阿嬤」講个話無共樣。毋過無要求伊等一定愛會講,但係一定愛聽得識,因為客話正正經係伊等个「阿姆」話,同伊等講:「愛記得喔!你等係有一半血統个客家人」。 舊年暑假照樣歸去屏東个妹家內埔仔,同每一擺共樣去尋个同學尞,兩個妹仔跈等去。伊等最好个豆豆阿姨係小學、國中、高中个同學,去伊屋家最好搞个事情,係做得看山豬,尤其係降出來無幾久个細山豬子,當得人惜。豆豆阿姨个老公堵好有閒,就駛車仔載等去山地門看星仔。準備一堆紙箱仔、細凳頭,尋一個有平平个大石板个所在坐下來,一面食塩酥雞;一面看夜景。山頂个涼風吹來,一息仔燒熱个感覺都無,感覺著盡爽快! 這擺歸去,有一隻暗晡,个同學豆豆阿姨同伊个老公又帶等去夜遊,係去吾姆打早出去運動个河堤公園看水牛。烏烏介水牛浸水肚,頭那在水面項動一下,動一下,總共有兩隻大隻个,一隻細隻个 。等个車仔慢慢駛近,關忒電火慢慢仔溜過去,停下車後全部人恬恬仔在車肚,正毋會吵到該兜水牛。看忒水牛歸去个時節,車仔駛對河堤个另外一片。一隻貓頭鳥擋在路中央,等个車子等仔一下添,正射光同伊趜走。等到車仔行到又光又鬧熱个大路項該下,等正想到愛繞過去,牛埔下該條中興路項个大樹屋,去吃茶、打嘴鼓! 在中興路項个大樹屋,係後來正有个,原旦暗so so仔个牛埔下,無人敢去。還記得小學一年生个時節,有一擺尞日,日時頭帶等隔壁鄰舍个細人仔伴,走去吾公个塚地搞尞,好彩無分吾爸吾姆知!下後吾公个骨灰也遷徒走吔。牛埔下變做公園,大樹屋在公園肚偎大路脣,無論熱天頭抑係寒天頭,南台灣个好天氣,分這位个暗晡,變到異鬧熱,大人細人來到這位,做得吊晃槓,又有樹屋好跋,還有現下流行个,在露天吃咖啡、淋花茶,大家坐等尞涼、打鬥敍!有一擺看電視新聞,講著等這內埔仔有一間蓋好食个豆腐花店仔,就係在這位斜對面,毋過暗晡夜無賣啦! 每擺轉去妹家,就尞到毋想歸!毋過開學吔,細人仔愛歸來讀書,同老公還係愛歸來上背工作賺錢。吾兩個妹仔輒輒問講:「奈久正做得搬來去內埔仔歇?」,也毋知!淨同伊等講:「等到阿爸工作退休,就做得熱天頭歇基隆,寒天頭歇屏東吔!」,想這就係等一家人个願望! zonˋ moi gaˊ ngaiˇ gamˋ gotˋ doˋ hetˋ caiˊ toiˇ vonˇ ge nginˇ, ziin ginˊ he hen fukˋ ge ,inˇ vi zonˋ hi ziaˋ poˇ lukˋ kaˊ ge lu cangˇ , zuiˋ congˇ zuiˋ ienˋ ge ,iaˇ he itˋ ngitˋ ziu do leˇ! vanˇ heu sangˊ ge siiˇ zietˋ ,ziu siongˋ li ti koiˇ gaˇ hiongˊ ,do iet ienˋ iet nau ngietˋ ge ti fongˊ iet hoˋ,denˋ do iet loiˇ iet loˋ ,ziu siongˋdo zonˋ hi tungˇ ngienˇ soˋ cai ge ti fongˊ, hiˇ mong ngaiˇ deˇ ge se nginˇ eˋ ,zo detˋ tungˇ ngaiˇ denˇ kiung iong iuˊ itˋ