台语白话文学e起源kap发展资料.doc

2004台灣羅馬字國際研討會論文集Tai-oan L?-má-j? Kok-chè Gián-thó-h?e Lün-b?n-ch…p 〈 STYLEREF 論文標題 \* MERGEFORMAT 台語白話文學e起源kap發展〉 STYLEREF 論文作者 \* MERGEFORMAT 方耀乾 9 9 台語白話文學e起源kap發展 一e學界疏忽去e存在 方耀乾 台南女子技術學院通識教育中心 學界一般認為台灣e白話文運動是發生ti 1920年代，chit-e看法可能有重新討論kap稽考e空間。1885年《台灣府城教會報》ti台南創刊應該是台灣正式第一次e白話文運動。Chit份報紙目前iu-goan koh leh發行，名稱改做《台灣教會公報》，ti 1970年以後改用華語出版，進前有80幾冬e期間是用台語白話字來出刊--e，累積e資料已經超過數百萬字。受chit-e運動e影響而寫作出版e文章，雖然無刊ti《台灣府城教會報》，量iau-koh kah可觀。 到目前為止，m管是用白話字、漢字、a是漢羅合用來書寫，整個台語白話文學e發展大約有115冬e歷史。M過，ti台灣，m管是以中國做主體性思考，ia是以台灣做主體性思考e文學界，m知是有意疏忽，a是無注意tioh，對chit-pai e白話文運動，kah以後一百外冬e台語白話文學e發展，真少有學術性e論述，已經出版 e文學史ma真少會講著。本文就是針對chit-pai e白話文運動，kah以後e台語文學成就做論述，而且正式肯定台語文學ti台灣文學史上e地位。 關鍵辭：台語（白話）文學、台灣白話文運動、《台灣府城教會報》、白話字 1. 話頭 台灣e白話文／文學運動是按啥mih時陣開始--e？M管是台灣、a是中國研究台灣文學e學界，大多數long認為是發生ti 1920年代。（白少帆等 1987：36；劉登翰 1991：359；莊淑芝 1994：16-17；葉石濤 1996：19-20；游勝冠 1996：18；林瑞明 1996：4-8；彭瑞金1997：1；趙遐秋、呂正惠 2002：35；古繼堂 2003：67）Chit-e看法可能有重新討論kap稽考e必要。 Ti 這進前e 30幾冬，也就是1885年7月，巴克禮牧師（Rev. Thomas Barclay, 1849-1935）ti台南創刊《台灣府城教會報》（《Tai-Oan-Hú-sian Kàu-Hōe-Pò》），這應該才是台灣第一pai正式e白話文運動。（賴永祥 1990：17；呂興昌 2002；潘稀褀 2003：60-63）Chit份報紙使用e語言是台灣話，書寫e文字號做白話字，也就是一般人所理解e教會羅馬字。 2001年「台灣羅馬字協會」創立，確定 2001年「台灣羅馬字協會」創立，確定教會羅馬字號稱做「台灣羅馬字」，簡稱做「台灣字」。 雖然chit份報紙主要e目的是為著傳播福音、啟迪民眾kah教內聯絡而創刊--e。（《Tai-Oan-Hú-sian Kàu-Hōe-Pò》1885：te it tiun） M過，伊是按照台灣人日常所用e口語來書寫--e，也就是白話文。伊向望透過這種e白話文來予一般e民眾家己m-tan看有「教會報」kah「聖冊」，ma看有「外冊」。（1885：te it tiun） Chit份報紙目前iau-koh leh發行，名稱改做《台灣教會公報》，ti 1970年以後改用華語出版，進前有80幾冬e期間是用台語白話字來出刊e，累積e資料已經超過數百萬字。受chit-e運動直接抑是間接e影響而寫作出版e文章，量iau-koh kah可觀。 到目前為止，m管是用白話字、漢字、a是漢羅合用來書寫白話文，整個台語白話文學e發展至少有115冬e歷史，作者有數百人，出版e文學著作有一百本以上，創刊e雜誌有數十種。結果是：ti台灣，m管是以中國作主體性思考，a是以台灣做主體性思考e文學界，m知是有意疏忽，a是無注意tioh，對chit-pai e白話文運動，kah以後一百外冬e台語白話文學e成就，除了呂興昌 呂興昌ti〈白話字中的台灣文學資料〉 呂興昌ti〈白話字中的台灣文學資料〉kah〈母語書寫的正常化－白話字文學在台灣文學史上的定位〉兩篇研討會論文講著：台灣e白話文運動可能ai 提早3、40冬，到1880年代。 2. 台灣白話文e微微仔光 若按台灣e文字史來觀察，台灣e白話文書寫ti 17世紀上半葉就有零星e發展。1624年荷蘭開始統治台灣南部，宣教師為著beh予khak濟e南島語族接受教義，就用羅馬字為in設計文字，用 chit-tho文字翻譯聖經、傳教、教育台灣原住民。這是台灣歷史上第一pai正式ti教育體系內底使用e文字系統 1636年尤羅伯（Robertus Junius）ti 新港社開辦台灣有