社会领域融入本土语言教学学习单.DOCVIP

教學檔案 泡麵是我的麻吉 --台語打油詩作者李蕙娟-- （一）哪講著我的過去，目屎強要撥袂離，性命險險玩無去， 詳細聽我來講起。 （二）哪想袂作木乃伊，三頓著要食泡麵，一工二工小代誌， 牛肉豬肉隨在你，有薟有酸真濟味，保證食著真 HYPERLINK .tw/holodict_new/result_detail.jsp?n_no=7786curpage=1sample=%E5%90%88%E5%8F%A3%E5%91%B3radiobutton=1querytarget=2limit=20pagenum=1rowcount=1 紲喙。 （三）泡麵實在好氣味，食著心內誠歡喜，管他身體來抗議， 腰子嘛攏歹歹去，袂換聽講等三年，目屎只好吞落去。 （四）阿母不是無講起，三頓唸閣誠生氣，我哪攏聽袂入去， 這馬才著來受累，閣擋敢也有三年，閻王敢會我去。 （五）阿母的話著愛記，叫咱毋通食泡麵，千萬毋通忘袂記， 最後受累是自己。 講好話 麥銷貪 好品行 好底地 大家才會呷意 甲：來來來 看看看 緊來緊看 慢來你就減看一半。※很誇張又跳又叫的神情 乙：阿 你是在著猴ㄛ 甲：唉 汝拄則哪會講西哩歹聽的話 乙：我白衫膏著打馬膠啦！ 甲：我知影汝講臺語有兩把七阿 ，嘛呣通按爾共我食豆腐。 乙：嘿！嘿！嘿！我是咧共汝講痞勢、會失禮啦。 甲：卜（要）講痞勢就直接講，講徦躼躼長，麥輸阿婆阿ㄟ綁腳布。 乙：好矣！好矣！ 佫佇茲練痟話，趕緊就來進主題，若無臺骹的觀眾 　　就走徦無半个。 甲：今仔日咱來茲是卜講啥貨？ 乙： 講好話 麥銷貪 好品行 大家才會呷意 甲：人講：「好話一句若璇石，痞話一句若毒藥。」 乙：璇石人人愛，毒藥共人害。 甲：規叢好好－無錯。 乙：講好話有啥麼好？ 甲：好處則是濟，較早阮阿媽去人兜，逐家攏開大門共伊迎接。 乙：恁阿媽一定是做大官，無逐家那會開大門共伊迎接？ 甲：阮阿媽是一个庄骹的作穡人。 乙：呣是做官，按爾一定是好額人。 甲：阮兜散徦大門開開，賊仔就行骹過。 乙：無到底是啥麼情形，汝嘛講來鼻芳。 甲：我阿媽若去人兜，入門開喙就講：行??（到）門口埕，予恁一家好名聲。 乙：來福姆，緊入來奉茶。來，喝茶。 甲：阿媽就講：茶甌捀高高，子孫中狀元。 乙：來福姆，食糖仔啦！ 甲：阿媽糖仔擘開就講：食予甜甜甜，予汝福氣規年透天。 乙：聽了奇檬子實在是su pu ling giang1，講好話讚啦！不過 什麼是銷貪？ 甲： 汝著耳空挖予伊利，骹尾煞予伊在，聽我講予汝知：我抽著別莊一大幢，， 呣過愛先納一筆大費用，匯去則會當辦手續。 乙：呰款的劇情誠熟似，親像頂個月迄一每，講汝抽著進口車一臺，幾 　　十萬的錢沉落大海，目屎吞落腹肚裡，泡麵食咧幾偌禮拜，悽慘落 　　魄呣敢哀。 甲：迄款見笑代，汝若無講無人知，呰回一定是實在，相信我的運氣無 　　赫痞，抽著別莊無挈著真無採。 乙：汝誠實是七月半鴨仔－呣知死活，汝卜貪人的利息，人卜愛汝的母 　　錢，頂禮拜退稅予人騙的代誌敢講汝已經放??記？ 甲：若我是好事記牢牢，痞事放水流，迄款代誌??記得也罷。 乙：你就甭通痟貪愣雞籠 ※接著甲的臉色要很難看 乙：(緊張緊張，無意無意偷看乙)啊汝今嗎那會雖面漚面臭？說你銷貪你生氣 喔？ 甲：無啦、無啦！ 乙：敢有影？頭拄仔看汝「兩粒目睭狺惡惡，一个面腔膨腮腮，頭毛強 　　卜著火」，若像卜佮人輸贏，那有可能無代誌！ 甲：好啦好啦！佇「真人面頭前」，我嘛呣敢講假話。 乙：汝嘛講來予阮聽看??咧？ 甲：搜甭知中晝，我綴阮母去食辦桌。 乙：「食辦桌」，有腥臊通食應該足歡喜的則著啊！ (懷疑的表情) 甲：問題就是去拄著迄个「枵鬼的」啊！ 乙：汝起毛?佮拄著「枵鬼的」，有啥麼牽連？恁兩个較早呣是「司公仔想桮」，「一个童乩，一个桌頭」，「死忠兼換帖」的，當時佫咧「門扇板鬪??峇」？ 甲：伊根本就是「橫柴舉入灶」，存辦卜食我夠夠！我佮伊以後是「田 　　無溝，水無流」矣啦！ 乙：看汝呰个扮勢強卜共伊拆食落腹，到底發生啥麼代誌？ 甲：今仔中晝食辦桌的時陣，有一盤「沙西米」（日本話，生魚片）！ 乙：我知我知！汝上愛食「沙西米」！(理所當然的表情) 甲：盤仔裡底賰最後一桗的時，「枵鬼的」倏一下就自按爾( chuann5)共挾挾去。 乙：拜託咧，伊若會無讓汝食，伊敢呣知影汝上興呰味？ 甲：就是講呣！竟然敢予我(唱) 「目睭金金，看伊挾去」！ 乙：伊有影是「目睭皮無漿泔」，為著一桗「沙西米」來得失汝？ 甲：汝敢無感覺伊足過份的！ 乙：呰个「枵鬼的」正港是「七月半鴨仔，呣知影死活」，攏無共汝　 　　「存勻」一下。(小想一下) 　　是講汝那會無骹手較緊的，揭箸共迄桗「沙西米」挾起來？ 甲：我知啦！呣佫我箸頂