104年全国语文竞赛客家语朗读文章教育校院学生组（四县腔）.docVIP

107年全國語文競賽客家語朗讀文章教育校院學生組（四縣腔） 編號01號 【生活從省儉做起】湛榮源原作 「家無噥哢公，樣樣空；家無噥哢婆，項項無。」這句諺語係老祖宗个智慧。屋下係有一個會噥人个噥哢公也好、噥哢婆也好，屋下就撿揫到較好著，麼个東西毋會這放該放，愛用時節，拿啊著就有好用，毋使又愛買過新个，這就係省儉。 吾屋下係三代同堂，吾公、吾婆八十零歲了 表完成的語尾助詞。四縣腔有leˊ、le 表完成的語尾助詞。四縣腔有leˊ、leˋ、lioˊ、lioˋ......等不同讀音，讀者可依文章情境，自由詮釋發揮。以下同此注釋說明。 從細，??三姊妹就係吾公摎吾婆渡大个。到這下，??兜都還記得，還細時節，搞个東西，搞過忒係無收揫，跈等就會分吾婆罵：「若爸、若姆啊，毋得錢忒了，買分你這兜搞！無愛搞了乜毋收起來，下二擺想著愛搞，尋無，又再過嘺 嘺：音 嘺：音kieuˇ；吵鬧糾纏。 這下較大了，正知敗家係麼个意思。在??三姊妹个頭那肚，吾婆教??兜愛隨手撿揫，這隻觀念斯當好，就係想毋著，毋係異多錢个東西，仰會吾婆乜講愛省儉？有一擺就摎吾婆詏起來講：「阿婆，該東西??拈毋著了，無愛了啦，喊吾爸買過就好吔啊！」吾話正講啊忒，壞蹄了！好天好時響大雷公了！吾婆摎棚仔絞起來罵：「恁毋做家啊？該毋係錢買个哦？若爸、若姆日合夜做事，你這兜恁毋知佢兜个辛苦，恁敗家。買！買！買！總係知愛買，??同若公在若太手頭分家到這下，哪項毋係省儉來个？毋盼得食、毋盼得著，就係愛省起來留分子孫，你這兜嗄毋知好省儉。」 吾爸講：「若婆罵个無毋著，東西跌落地泥下，也係壁角肚，愛跈等拈起來鬥到轉去，下二擺愛用也好、愛搞也好，就本本係好好，毋使又愛買過新个。若婆噥你，係愛你兜從細就愛養成省儉个好習慣，係有養成著省儉个習慣，對你一生人總有較好、無較壞。」 還讀小學時節，同學毋知對哪仔傳來个，用捽仔來鑪桌仔，將鑪出來个?，刮共下，挼到歸條在該搞。同學喊??共樣恁樣搞，??想著吾婆个話，就毋敢搞，再過看佢兜，一垤捽仔，鑪無幾久，就鑪忒了，又愛買過了。吾婆个話，永遠在吾心肝肚，正經係生活從省儉做起，還愛從細做起，早早就好養成省儉个生活習慣，將來正做得過安然自在、幸福个生活。 107年全國語文競賽客家語朗讀文章教育校院學生組（四縣腔） 編號02號 【牛仔】黃士蔚原作 還細个時節，上家下屋大體就有畜牛仔。記得??兜總係知好搞該央時，滿叔就愛負責牽做忒田事个牛仔去陂塘搵水。臨暗仔，老人家就會交代好去牽牛仔?起來了。逐擺滿叔坐在洗好身个牛背頂，定定仔行轉去牛欄，??就目望望仔等佢看肯分??蹶上去坐一站仔無。毋知係??忒細，抑係細妹人做毋得坐，一直到屋下个牛仔賣忒，牛欄都拆忒，??還吂識坐過牛仔。 其實坐毋坐得著牛仔，毋係盡要緊个事情，??主要係想摎佢搞。打早佢就分阿公，抑係叔公牽去田項做事，轉來歸身就係泥，大人毋會分??凴兼，盡多就係餵佢食草个時節，??正做得在脣項??手逐烏蠅。看佢做歸日事，正愛樹下尞一下，烏蠅就跈上跈下，密密拑佢，看著盡毋盼得。逐擺??就會想，做麼个你愛做牛仔？恁衰過！ 當晝頭，日頭盡烈該下，所有叔伯阿公个牛仔就會牽到陂塘肚浸等。有成時??無聽大人个話睡當晝，就會偷偷仔走去屋背後个陂塘脣，看該兜牛仔。有兜牛仔無法度全身浸著水，背囊燥到像會裂忒樣仔。??就會跍下來，用手承水戽到厥背囊項，分佢較涼兜仔。可能牛皮忒賁，也可能水忒少，??潑幾下到，佢兜像無麼个感覺。有時大大粒个牛目珠??啊??吔，毋知佢在該愐麼个。??逐擺就會想，佢兜生到恁大條，鼻公還分人用牛鼻桊桊等，索仔牽去哪就乖乖跈等，仰會恁聽話？鼻公串牛鼻桊敢毋會痛？田事敢做毋會懶？抑係驚該條牛拂仔？ 還記得有一擺三叔公个牛仔毋知發麼个脾氣，犁田犁到半爛燦嗄毋肯停動。三叔公仰般用牛拂仔修 修：音xiuˋ，以細小竹子鞭打。佢就無用，打也打吔，罵也罵吔。脾氣乜毋好个叔公最尾聽講係用嘴咬牛鼻公，佢正慢慢仔徙步。當晝牽轉到陂塘搵浴个時節，盡多細人仔走去看這條分主人咬鼻公个牛仔。有兜單單係看鬧熱，有兜想愛研究牛鼻公有出血無？有兜想愛看牛仔會噭無？看佢有流目汁無？一大群細人仔陂塘脣圍塞塞，等大人喊食晝正散忒，伸?? 修：音xiuˋ，以細小竹子鞭打。 無幾久三叔公好恬恬嗄橫落去，無交代半句話就過身。毋知厥牛仔係毋係早就胚著主人堪毋得過做田事，毋係佢在該推懶，敢怕係望主人愛顧好身體，可惜佢毋會講話，嗄分牛脾氣个主人咬鼻公，到底麼儕个脾氣較牛呢？ 107年全國語文競賽客家語朗讀文章教育校院學生組（四縣腔） 編號03號 【葵扇】張美容原作 「禎伯姆當好意，今年又送兩枝葵扇來，你愛無？擎一枝轉去。」天時轉寒，阿姆緊問??，又像收麼个寶貝樣仔，同葵扇抺到淨淨，用塑膠絡仔 塑膠絡仔 塑膠絡仔：音sogˋ gauˊ log eˋ；塑膠袋。 「好啊