闽南语演说稿.doc

一張相片 各位評審、各位參賽者逐家好，我是 號，我今仔日欲演說的題目是：一張相片、一張相片。 頂禮拜拜四，第二節下課，我欲去圖書室借冊，行到圖書室外口，看著真濟同學??佇公佈欄頭前呲母呲嗟毋知佇講啥物？我就趕緊行倚去看覓咧！原來逐家是佇看相片，斟酌一下看，是阮班去參加「愛家—逐家做伙來跳舞」比賽的相片，看著相片內底逐家認真自信的模樣，予我想起準備比賽的辛苦佮比賽彼一工的情形… 這學期拄仔開始，老師共阮講，二個月後有一個跳舞比賽，阮這班欲代表學校去參加縣賽。一聽著這個消息，全班攏歡喜甲????跳。 紲落來逐禮拜三下晡，學校就請舞蹈老師來教阮跳舞，頭起先逐家舞步猶無熟，定定綴袂著節奏，毋過逐家攏誠認真練習，有時閣會相招利用中晝時練習，跳甲大粒汗細粒汗，雖然人真忝，毋過心內真歡喜！ 比賽的前一暝，我緊張甲睏袂去，歸暝反來反去。一透早去到學校，看著逐家嘛攏來啊！志工媽媽幫阮畫妝、換衫、綁頭毛尾仔，共阮逐个妝甲媠噹噹！坐起去遊覽車頂準備欲出發。佇車頂老師愛阮安靜歇睏，比賽的時才有體力。毋過這個時陣，逐家心內又閣歡喜又閣緊張，哪有法度安靜落來咧！ 來到比賽場地，一落車阮著揣位坐落來，看著一組一組佇台仔頂精彩的表演，予阮看甲心肝噼噗彩，毋過阮猶是互相鼓勵。輪到阮上台的時，每一個人攏帶著自信的笑容出場，音樂一下出來，阮誠有精神大聲唱歌，閣好膽共跳落去，共上媠的舞步展出來。比賽結束了後，阮