(B,正坐在天台上).doc

(B,正坐在天台上) 正:我地既B哥因咩事唔開心呀? 本文档由【中文word文档库】提供，转载分发敬请保留本信息； 中文word文档库免费提供海量范文、教育、学习、政策、报告和经济类word文档。 B:唉,冇野呀！ 正:睇你都係同阿爸嘈啦！ B:無呀！ 正:都唔明你既,同阿爸講句野者,就係行過去,講句野,有幾難? B:我同你邊度同呀！ 正:有咩唔同者,都係一個阿爸一個阿媽,有咩分別？ B:你唔好再煩我啦,我想一個人靜一靜。 正:唉，理你又唔高興，你想點就點啦,我走啦! (聰入,見正離開) 聰：走啦？ 正：走啦！心情唔靚呀人地。 （正走，聰拿著兩枝野飲） 聰:阿B,你既忌廉溝鮮奶! B:B乜野呀!BB聲,就係唔係A! 聰:飲左火水咩！嬲爆爆,邊個得罪B哥!我幫你教訓佢！ B:無野! 聰:梗係又同老豆嘈啦！ B:無呀! 聰:好心你啦!有口話人無口話自己,唔知邊個叫我，阿媽岩岩落黎，要同阿媽多D傾計，溝通下既呢! B:我唔拉小提琴啦! 聰:咩話! B:我唔拉小提琴啦! 聰:你發燒呀!下個月比賽啦! B:我唔拉小提琴啦! 聰:你話你今年掂架喎,唔拉! B: 我唔拉小提琴啦!阿慧好過我,我嬴唔到。 聰:你真係唔想啦,定特登輸比佢呀! B:無D咁既事！ 聰:無D咁既事?個日唔知邊個特登拉琴比人聽呢! B:你廢話呀你!(作勢施以拳頭) 聰:哎,唔知邊個轉校過來後,B哥就神不守舍,擔天望地呀！ B:望你個頭! 聰:我講老實呀!你咁樣退出比賽，阿慧嬴左都唔開心! B:我阿爸話拉小提琴無出息。 聰:你有冇聽錯呀!你又話係你老豆叫你拉琴既! B:佢依家自己都冇拉。 聰:岩!老豆唔使有課外活動。 B:佢一係唔返屋企,一係返到黎就訓,都無理我. 聰:你仲細咩,中四啦，仲想人日日呵你哄你. B:果日佢返黎,我o羅你地送比我隻錶比阿媽睇,佢見到架,但好似就一d都唔記得個仔生日,就只係講句,生日大個仔生性喇!比心機讀書,下年會考啦,唔好出咁多街,咁我仲有咩好講呀? 聰:喂,你睇下(手指向天) B:睇咩呀？ 聰:天使呀! B:發神經! 聰:發咩神經者！我地本來就係天上的小天使,當我地想降落凡間的時候，便選擇一對夫婦作我們的父母。 B:我都唔知你想講咩! 聰:咁即係話你係天使，要守護你既父母,體諒佢地。 B:我好錫我媽咪。 聰:我真係唔明,你有咩唔開心,識得同我呻,同何sir講,就係唔同當事人你老豆講。 B:佢根本就唔理我。 聰:咁你阿爸成日都要通頂麻。 B:我都唔知佢忙乜? 聰:哈哈! B:你笑咩呀? 聰:咁講你咪你同你爸一樣,你都無理你爸!你知不知你爸返工返成點呀?老細有無質佢,d 客or唔or like佢呀… B:….(理屈辭窮) 聰:老友,在乎溝通與關懷. B:你知唔知阿慧練成點呀? 聰:唉,拉開話題,阿慧佢……….. 慧:(從旁走上)我聽到有人講緊我。 聰:噫,一講曹操,無慧就到! 慧:衰人(歡謔地),毛嘉慧呀!(打聰,察覺B有些沈默)阿B,做咩唔出聲呀? B:無野! 聰:佢話唔比賽呀！ B:阿聰! 慧:點解呀!(與B同時說出口) B:你唔好聽佢講呀! 慧:我好想有一個好對手,你個日拉….,真係好好聽！ 聰:梗係好聽啦, 人地用心拉架嗎! B:聰! 聰:我都係走先喇!反正有”毛慧”人係度,費事阻住你地啦!(從台右下) B：走你就走啦，金多野講！ 慧:個個阿聰阿!真係.(靠近B)做咩呀你,阿聰話你唔拉小提琴喎!你比賽成日羅獎架！ (另一邊,B爸媽在家中，此時家中的情境與天台的情境互動） 爸：阿B金夜都唔返！ 媽:邊個叫你講D金野俾佢聽到。做咩唔比個仔拉小提琴呀? B:阿爸話拉小提琴冇出息。 媽:點會無出息呀!記唔記得個仔細個去個個小提琴比賽呀? B:記得.不過都成四年前既事啦！ 慧:我仲記得你攞獎時報紙仲話你”英雄出少年”阿! 爸:咁又有咩關係喎. 慧:咩無關係呀?拉小提琴拉到登報紙,仲人人都識,仲話無出息? (B無語)媽:其實你有無同你個仔傾過? B:啊爸話無出息就無出息家啦,況且佢根本就唔理我。 媽:兩仔爺點會有隔夜仇架? 慧:金你知唔知你阿爸個心點諗呀？ 爸:成日見到佢,一係就無野講,一講就鬧交。 媽:咁你有無關心過佢呀? B:(呆了會,又接著說)乜你同阿聰講D野都係一擔擔架? 慧:唔係一擔擔,而係大家都睇到你個問題者! B,爸:咩問題呀? 慧,媽:在乎溝渠與關懷啊！(同步進行) B,爸:最多聽日同佢傾下羅!(眾下) 本文档由【中文word文档库】提供，转载分发敬请保留本信息； 中文word文档库免费提供海量范文、教育、学习、政策、报告和经济类word文档。 更多相关文档免费下载请登录: -中文word文档库