「新形式主义」tī台语诗研究顶kanê运用.pdfVIP

「新形式主義」tī台語詩研究頂kôan ê 運用 何信翰 中山醫學大學台灣語文學系助理教授 Tī 20 世紀初期，西方 ê 文學分析有了 chin 大 ê 改變：自以前 ê 作者中心， 漸漸轉成文本中心；自以前 ê 文學批評 kap 文化學，社會學，心理學，歷史學 相結合，漸漸轉成 kap 語言學結合；自以前 ê 主觀式、評價式 ê 批評方法，漸 漸轉成客觀式 ê 批評方法。Chia-ê 改變，lóng 是 tùi Lȯ-se- a ê 形式主義開始 ê 。 身為形式主義 ê 發源地，Lȯ-se-a tī 20 世紀 ê 詩學分析，自然 bô-hoat-tō脫離伊 ê 影響。經過數十年 ê 發展，tī 20 世紀 ê 70 、80 年代，出現一種結合形式 kap 內 容 ê 詩學分析方法，咱 ē-sái 給伊 hō 作“新形式主義”研究法。 本論文分成二 ê 部份，第一部份是紹介 Lȯ-se-a “新形式主義詩學分析方法” ê 發展過程；第二部份是說明 chit 種新 ê 研究法對咱分析台語詩 ê 助益以及伊到 底 beh án 怎運用 tī台語詩 ê 分析頂面。 關鍵詞：新形式主義，研究法，形式，詩學理論，台語詩 1. 踏話頭： 1.1 研究ê 動機kap 目的 Lȯ-se-a 文學界 ê 詩學研究 tī 20 世紀 ū kùi-ê 高潮 kap kùi-ê 相對 ê 沒落時期 。Siōng-bóe-á ch…t-ê 高潮出現 tī 20 世紀 ê 後壁 3 分之 1 ê 時間（khoh-khah 詳細講，sī tī 1960-1980 年代）。 Tī- ch…t -ê 20 世紀 Lȯ-se-a 詩學研究 「最後ê 高潮」內底，Hal-se-hu-ni-kho-hu(Владислав ЕвгеньевичХолшевников）占tih chin 重要 ê 地位。 Hal-se-hu-ni-kho-hu 對當時 Lȯ-se-a 詩學界 ê tē-it-ê 重大 ê 貢獻，tih-sī 伊 tī家己精心完 成 ê 教科書 kap 補充教材1 內底，m̄-nā sī完成 liáu Lȯ-se-a 詩學 tī 19 、20 n̄g-ê 世紀 ê 重要理 論總結 kap 系統化 ê 整理，khoh 討論 tih chin-chēū爭議性 ê 詩學問題，對 chiah-ê 問題提 出 chin 完整 ê 答案。所以 Lȯ-se-a 20 世紀中期出名 ê 文學研究者 Pu-hal-khi-ni(П. Е. 2 Бухаркиным）tī講 tih Hal-se-hu-ni-kho-hu ê 教科書 「詩學論要：Lȯ-se-a ê 詩學理論」 ê sî ， 表現 liáu 對作者無比 ê 推崇，講 Hal-se-hu-ni-kho-hu 「因為家己有關詩ê 結構 ê 專冊」， 3 「成為ch…t-ê 開始用學術性 ê 方法探討詩學 ê 英雄時代 ê 總結 kap 完成者」。Iā-tih-sī講， tī Hal-se-hu-ni-kho-hu ê 教科書內底，ū整個 Lȯ-se-a kàu 20 世紀 ê 80 年代為止 ê 所有詩學 ê 重要理論。所以 it-tit kàu 21 世紀 ê chit-má ，iáu ū chin-che 大學，指定用 Hal-se-hu-ni-kho-hu 所寫 ê 教科書，chiaⁿ-chò in-ê 文學理論指定教材 iā-sī指定閱讀 ê 教材。 1 Холшевников, 1962; 1972; 1983; 1987; 1996; 2002 2 Ché sī 伊 khah 早期 ê 教科書，後來 Hal-se-hu-ni-kho-hu khoh 完成、出版 ê 教科書所得 tih ê 評價 甚至比 chit 本 khah kôan ！ 3 БухаркинП. Е., ГринбаумО.