一、思念-斗南高中.pdfVIP

斗南高中 104 年度校內語文競賽 閩南語朗讀 高中組 一 、思念 林炤慧 行佇十二月天 ，風飛沙颺颺飛的街路上 ，除了寒 、閣有一種孤單的感覺 。 經過文具店門口 ，看著展示架頂懸排甲滿滿是 ，紅帕帕的賀年卡片 ，好親 像猶佇咧等待最後一个憐惜 的眼神¹ ！雄雄有淡薄仔衝動 ，想欲買一張仔寄予久 年無相揣的你 。揀啊揀 ，揀啊揀 ，到尾仔猶是閣共囥轉去 ，因為我無你的住址 ， 想講不如敲一通電話直接用講的就好矣 。毋過 ，終其尾我猶是共家己跳票無去 兌現 。原來孤單毋是無原因的 ，啥人[ ](siáng)叫你逐擺攏是暗時全步數 ，天光 無半步咧 ！ 有人講 「思念 」是神聖的悲劇 ，因為無地相見 ，甚至是永遠袂得相見才著 思 念 。只是這款酸甘甜仔酸甘甜的滋味 ，煞著愛經歷失去一个 捌 真心疼痛的愛 人 、親人 、抑是朋友的時陣才體會會著 ，這个代價實在傷過傷重矣 ！毋過遮濟 年來我猶是偷偷仔思念你 ，忍受見袂著你的苦楚 ，嘛沉醉佇美麗往事的記持內 底 。只會當講時間無情 ，偏偏我又閣傷過多情 。二 、三十冬矣 ！到今我猶原向 望有一工會當將咱的友情 揣轉來 。嘛明其知影這比天落紅雨馬發角閣較困難 ， 我就是心甘情願守佇這个悲劇的舞台 ，繼續忠實搬演彼个神聖而且孤單的角 色 。這一切攏是因為你講的彼句話 ：「欲永遠做伙 ！」 每一遍若轉去後頭厝 ，故鄉的街路熟似的景緻 ，咱少女時代做 伙行過的跤 跡宛然 猶留咧 ；歡喜的歌聲佮笑聲 ，嘛一幕一幕親像電影閣佇心內重搬 。我自 來毋捌放袂記得 ，相信你嘛仝款 ，敢毋是咧 ？毋過佇這个遮爾熟似 ，而且是現 此時你蹛的城市 ，是按怎 我煞揣袂著你 ？連你的電話號碼嘛是別人予我的 ！我 欲敲毋是 ，毋敲嘛干焦暗暗 佇咧傷悲 。 真想欲問你這馬好無 ？嘛親像當年佇我出嫁的時 ，你予我深深的祝福仝 款 ，想欲還你這份情 。哪會知影這个應該是天公地道 、小小的心願 ，煞因為一 場莫名其妙的誤會 ，變甲遐爾遙遠 。若準人生是一齣戲 ，我足想欲要求導演予 我一个佮你重逢的機會 ，通好將我多年來 、深深的思念 ，當面講予你知 ！只是 毋知導演敢會共我講 ：「人生的劇本是五百年前就註定矣 ，僫改囉 ！」 ¹憐惜 (lîn/liân-sioh) 斗南高中 104 年度校內語文競賽 閩南語朗讀 高中組 二 、故鄉的滋味 蔡連真 逐擺若聽著 「走遍了天涯海角 ，也是故鄉的月較圓 ，食遍了山珍海味 ，也 是阿娘煮的較有滋味 ……」這條歌的時陣 ，阿爸就喙笑目笑 ，攏會講甲喙角全 波 。講起佇下港咧食的早頓 ，佮佇市內緊張的生活所食的物件有真大的無仝 。 若講著北港這个所在 ，真正是頂港有名聲 ，下港有出名 ，毋但逐冬咱人的 正月到三月 ，有千千萬萬的媽祖信徒 ，挨挨陣陣規家大細來咧參拜 。尤其是 舊曆的三月十九 、二十 ，這兩工的媽祖出巡 ，閣較是予政府列入去國家的宗教 文化活動資產 。彼鬧熱的場面就毋是三 、兩句話就講會清楚的代誌囉 ！這猶是 著愛請咱逐家會當撥時間親身來體驗 。當然啦 ！來到北港除了參拜媽祖以外 ， 上歡喜的目的就是欲食出名的北港點心 。 講著北港的點心佮其他的所在較無仝款的特色 ，我就簡單紹介幾項仔來予 逐家鼻芳一下 。嘛予恁知影 ，是按怎阮阿爸佮阮規口灶的大大細細 ，攏會來數 念故鄉的滋味 。早起時仔食的物件比較較傳統的 ，是滷肉飯抑是炕肉飯配燖筒 仔湯 。閣較特別的是煎盤粿 ，這是出外趁食的北港人思思念念的早頓 。煎盤粿 就是咱一般所講的菜頭粿 ，伊較特別的所在就是煎好欲食的時陣 ，著愛摻米漿 、 滷湯 、芫荽 、蒜仔 、蒜茸 、抑是薟椒仔做配料來食 。當然啦 ！咱