童言童語話客家－客家童詩介創作-uschoolnet.pptVIP

童言童語話客家－客家童詩介創作 邱一帆 1、客家童詩創作介時代意義 1-1照顧客家兒童介需要；滿足客家兒童介想 像。 1-2企在台灣客家兒童文學介起頭，寫客家童 詩介歷史：頭擺介人無做過；這下介人正 開始。 1-3豐富台灣多元族群文化介內涵。客家童詩 介書寫，係當有意義、盡做得來做介事 情，大家殺猛來拼。 2、一首客家童詩愛有麼介條件 2-1關照兒童介性體 兒童介心理、兒童介發展、兒童介想望… 2-2掌握客家介特質 客家介語言、客家介生活、客家介觀點… 2-3把握詩仔介本質 詩仔介形式、詩仔介內容。 客家童詩介定義，愛從大自家介實踐開 始。 3、樣般開始客家童詩介寫作 3-1從認真生活開始－關心兒童介生活。 3-2從傳統lau現代介客家童謠吸收養分。 3-3從本國lau外國介童詩吸收養分。 寫好寫壞另外一回事，敢寫、認真寫總會 寫出好作品。 4、客家童詩欣賞介角度 4-1整體介感覺 直接、直覺介體驗同體會。 4-2分析介方法 客家介語言、觀點。 童詩介主題內容。 童詩介形式技巧。 附錄一 客家童詩舉例： 牽牛花 ◎羅紫云 牽牛花，冒險家 攀籬吊壁毋驚跌 殺猛向頂爬 爬上棚頂噴喇叭 ngai全聽毋到 日頭聽到笑哈哈 白雲 ◎謝瑞月 白雲白雲愛旅行 你在高高介天頂 從來毋出聲 白雲白雲愛旅行 天頂風恁冷 你介衫 愛記得著加一領 垃圾車 ◎廖寶玉 捱係一輛垃圾車 毋驚水涿風沙吹 有人嫌捱臭 遠遠看到就走開 有人驚捱枵 大包細包送落嘴 捱無嫌 全部愛 垃圾場講 ◎邱一帆 若个肚屎撐到飽pit pit仔 Ngai个身材就會變到大嬤牯箍 若个生活過來破費打爽 Ngai个細人仔一隻供過一隻 若个心靈係講屙糟 Ngai个奈位就係臭風 你創造了ngai Ngai塑造了你 火焰蟲 ◎葉日松 火焰蟲 火焰蟲 飛到西 飛到東 有時在花叢 有時在林中 好比記者走新聞 煞猛又盡忠 火焰蟲 火焰蟲 尋寶物 像蜜蜂 有時在草縫 有時在涵空 毋使月光來做伴 自己擎燈籠 阿啾箭 ◎鄭亦宏 阿啾箭兮阿啾箭 汝係鷂婆个剋星 汝个尖嘴像利箭 攻擊鷂婆如閃電 保護弱勢多貢獻 贏得眾鳥攏欣羨 冬瓜 ◎馮輝岳 大冬瓜有幾重 一儕搬 搬毋震動 兩儕扛 扛到肩頭痛 大冬瓜 有幾長 拿尺量 喔！足足四尺長 蕃薯 ◎馮輝岳 蕃薯蕃薯， 生到泥竇肚 寒天來哩 改起寡寡泥个蕃薯 洗淨拿來 正知 蕃薯熱情个心 包到金黃个肉肚 安安睡 ◎邱一帆 安安睡 安安睡 睡在地母做成个眠床頭 睡在天公吊起个眠帳肚 安安睡 安安睡 睡在阿姆軟軟个烏身項 睡在阿爸燒燒个心肝肚 安安睡 安安睡 在夢中 有萬千个鳥聲 為你唱出歡迎曲 在夢中 有萬千个花草 為你送來平安福 安安睡 安安睡 附錄二 國內華語童詩舉例： 月亮爬山 ◎鄭可菁 月亮真辛苦 每天晚上都要爬山 不知道要爬到什麼時候 可是他還是努力的爬呀爬 月亮終於爬到天上了 他好高興 妹妹說：「我要吃天上的那條香蕉」 月亮聽了趕快躲起來 大象 ◎張桂玲 大象 你的鼻子 像是一條水管 每當失火的時候 就可以利用到你 真是個優秀的救火員 附錄三 外國童詩舉例： 垃圾場 ◎法?菲力浦 生鏽的食品罐頭 浸在靜靜的怪水中 塑膠成品 散亂於爛泥巴裡 一隻破鞋 浮在小小的重油坑上 一個玩具娃娃 孤單的坐在汽油桶上 統轄垃圾場 令你傷心 ◎法?袁松