字幕-搬遷沙田污水處理廠往岩洞.docVIP

搬遷沙田污水處理廠往岩洞 渠務署正就搬遷沙田污水處理廠往岩洞計劃進行詳細勘測同埋設計，工程完成後，將可以騰空污水處理廠現址，作重新發展同其他有利民生用途，同時提升社區嘅生活環境。 現時嘅沙田污水處理廠，佔地28公頃，服務60多萬沙田同馬鞍山區居民，係全港最大嘅二級污水處理廠，亦係一項非常重要嘅基建設施，保障住吐露港同維多利亞港嘅水質。 將來嘅岩洞污水處理廠會位於現址旁邊嘅亞公?女婆山。呢個位置不但地質堅固，非常適合建造大型岩洞，更加係最能滿足其他各方面考慮，包括交通、環境、配套工程等等嘅一個妥善方案。 為咗令岩洞污水處理廠係功能運作等等各個方面都有良好嘅表現，渠務署嘅工程團隊正積極研究採用先進技術，並進行相關測試，致力優化項目嘅設計。 日後嘅岩洞污水處理廠，將會係一個配備精良同先進嘅設施。 家庭問： 搬遷計劃會唔會影響我哋嘅日常生活？ 答： 渠務署已經依據環境影響評估條例，就搬遷計劃完成咗環境影響評估，並且制定咗相關嘅緩解措施; 當中主要嘅課題，包括空氣質素、氣味、噪音、水質、廢物管理、生態、景觀及視覺、潛在安全風險、文化遺產同健康影響等等。 環境影響評估報告預計可以係2016上半年供公眾查閱。配合環境影響評估，渠務署亦都已經訂定咗詳細嘅環境監察同審核計劃，確保會有效咁減免同控制所有潛在嘅環境影響，居民嘅日常生活可以如常進行。 單車手 (黃蘊瑤) 問： 將來嘅污水處理廠會唔會傳