閩南語演講稿-----黃美華.docVIP

上思念的一個人 民和國小 黃美華撰稿 各位評審先生、各位老師、各位同學，大家好。我今仔日要講的題目是「上思念的一個人」，我上思念的一個人，就是佇五年前我住台北內湖的時陣，一個做資源回收的老阿伯。伊生作矮矮的黑乾瘦黑乾瘦，駝背駝背，慈祥的面容已經誠濟皺紋。 每工日頭落山進前，攏會看到好心的老阿伯。伊戴著ㄧ頂斗笠佇空地遐做資源回收的工作，腳手聊聊仔，看到熟識的人，伊會好喙共人相借問，所以大家那有回收的紙箱、報紙、簿仔紙、塑膠罐仔、歹銅古錫啦，攏會拿來給伊，伊就會笑笑阿舉一手講：「多謝喔！魯力喔！」阿爸阿母常在吩咐我和小弟拿回收的物件去給伊，伊攏會笑笑仔講：「妹妹很乖哦！弟弟很乖哦！」伊做代誌誠頂真，一袋一袋、一綑一綑，隨項仔分類綁佮好勢溜溜，有時陣疊佮高高高一堆佮若山咧，一車一車慢慢仔推，一步一步慢慢仔行，從日時做到暗時，從暗時搁做到三更半暝，「做牛著拖，做人著磨