散文：雨水.PDFVIP

雨水 雨水 ，就親像大自然的蓮蓬頭 仝款，若是樹仔、花和草仔，規 身 軀攏予垃圾的空氣，噴甲烏趖趖的時， 拄仔好有一陣強閣有力的 大雨 tshiâng落來 ，共這片土地裡所有的植物，出大力的一直攄、一直洗， 予花 、草仔和樹仔，攏會當好好仔 洗身軀，一定會共身軀頂的 垃圾， 洗甲清氣噹噹，還予花、草仔和樹仔，原本青翠、鮮沢的美麗色緻。 雨水，嘛是 打擊樂器的高手，有時 ，佇熱天的下晡，雄雄來一陣 西北雨，乒乒乓乓的落雨聲 ，就親像「萬馬奔騰 」的交響樂仝款，予 所有當佇街仔路的人 ，兇兇狂狂的 趕緊走去砛簷跤覕雨 ，抑是停佇亭 仔跤咧欣賞這場大雨的 表演；有當時仔，雨 ，嘛會歡喜演奏一首簡單 閣趣味的 流行歌 ，親像我愛唱的「小蘋果」，一下緊，一下慢，閣有 「咚咚! 咚! !」抑是「滴滴答答!」的重疊詞，輕輕的拍佇樹葉仔的頂 懸，若是 「淅瀝嘩啦!」的 siáng 大雨，就會予行路人的雨傘，開做一 蕊一蕊五花十色的雨傘花。 雖然，雨，罕罕仔會作孽 ，做大水的時 ，會造成山崩地裂、家破 人亡的不幸，毋過，無水的後果閣較嚴重，毋但植物無法度生存，連 動物嘛袂當活 --落去 。所以，水，就是大自然的寶貝，嘛是萬物性命