写伫云顶的名.DOC

歌詩滿街巷 講者： 路寒袖 春雨 路寒袖／詞 陳明章／曲 潘麗麗／唱 東風起，春雨滴 阮的心情像花蕊 一蕊一蕊開佇深夜的窗墘 東風起，春花開 阮的心情像露水 一滴一滴滴佇深夜的窗墘 陣陣清香為何無儂來追隨 是按怎春花著愛望露水 愛人無來，失望路燈 冷冷淡淡看一生 心門啊，若是欲關欲開據在伊 寫佇雲頂的名 路寒袖／詞 陳明章／曲 鳳飛飛／唱 汝的名，寫佇水中央，寫佇雲頂 漂東漂西，無時無陣 這是命嘛是運 定定孤單 目睭金金等天光 我的聲，吹著風，凍著霜 盤山過嶺，一村一莊 心會酸嘛會軟 夜夜等待 腳手冷冷尸眠床 汝的名，汝的聲，水雲一過無留痕 我的名，我的聲，風霜絕情啥儂問 啊，咱前世天注定 一生空等，無情無恨 花開毋對時 路寒袖／詞 陳明章／曲 潘麗麗／唱 舊衫一領過了期 崎嶇世路佗位去 飛來飛去汝撿起 穿佇身軀不再拆分離 求天求地予阮照顧汝 寫出人生的傳奇 阮的深愛像茶米 捲甲密密袂透氣 汝的恩情若滾水 沖出阮的人生好滋味 一葉一葉勻勻漸漸開 清芳透入咱心脾 明明一欉桃花枝 怎樣蒼天放袂記 害阮開花毋對時 結果煞來墜落黑暗池 宛然春蠶秋天吐無絲 肝腸寸斷哮駕死 畫眉 路寒袖／詞 詹宏達／曲 潘麗麗／唱 天星伐過小山溝 伊的影綴著泉水流 流到咱兜的門腳口 咱捧著星光啉落喉 啊，冰冰涼涼感情相透 雲為山咧畫目眉 有時淺淺有時厚厚 雲雖然定定真爻走 山永遠佇遐咧等候 啊，兩個注定作夥到老 我是雲，汝就是，汝就是彼座山 顧著汝驚汝受風寒 我畫目眉汝斟酌看 逐筆攏是海礁石爛 啊，一生汝是，汝是我的心肝 山路 路寒袖／詞 詹宏達／曲 潘麗麗／唱 佰崎的山路，彎彎閣翹翹 盤佇山坡，盤佇咱的心頭 汝的情牽著我的愛 我的愛牽著咱的將來 咱勻勻啊行來山頂看大海 寂靜的山路，雙邊相思栽 栽佇心內，栽佇眼前世界 山頂生活無啥感慨 干礁聽著咱喘氣的愛 咱勻勻啊行來山頂看大海 山路啊山路 越過來聽著風 山路啊山路 越過去看著雲 野草含著露水 像雲遐呢厚 濕入夢中，濕入夢中 夢浮上山的肩胛頭 往事如影 路寒袖／詞 詹宏達／曲 潘麗麗／唱 坐佇鏡前歸暝，往事如影 鏡中幻影迷濛，流轉歌聲 流來轉去像風，吹散形影 暗夜月娘失神，林鳥著驚 想起過去彼段，心肝痛疼 青春年少懵懂，烈火是名 烈火緊燒緊烕，煙中揣伴 雖然雙儂相倚，愈來愈寒 為情為愛為理，半生獨行 人生幾座山嶺，我攏欲看 看盡繁花流水，行過風寒 天地唱出我的聲 坐佇鏡前歸暝，往事如影 越頭路途遙遠，腳步孤單 踏著沉重腳步，認分認命 追著家己的影，家己的聲 四月望雨 路寒袖／詞 詹宏達／曲 潘麗麗／唱 滿天天星滿天光 想自己暗淡無儂問 問家己未來怎按算 親像月娘照田園 街路路燈街路光 看自己形影拖長長 啊，沉重孤單欲佗囥 四月雨水替阮問 扑開風的門 予悲情去流浪 行佇暗暝中 無月無影，冷冷四月風作伴 四月望雨水 雨水滴心寒 意志溢海岸 遙遠世路家己自由行 阿媽的白頭鬃 路寒袖／詞 詹宏達／曲 潘麗麗／唱 清朝出世日據嫁尪 如今守寡幾偌十冬 改朝換代遐濟款 攏是查甫揣麻煩 阮的阿媽啥儂管 孤單一個查某儂 清朝出世日據嫁尪 如今守寡幾偌十冬 教囝養孫歸世儂 拖磨生命強欲空 心中只有一個夢 囝孫大漢會輕鬆 阿媽的白頭鬃 教阮清白在人間 阿媽的白頭鬃 輕輕綁著伊的夢 生活影印機 路寒袖／詞 陳小霞／曲 蔡秋鳳／唱 醒來身邊已經是無儂 日頭照入鋁門窗 昨暝浸著燒酒的頭鬃 猶原鼻著陣陣的酒芳 身軀甲一領褪色的夢 雙手揪椆毋願放 啊，又閣是共款的一工 生活親像影印機 昨昏印的是記持 今仔日印的是昨暝 有時烏駕心稀微 有時淺駕毋知啥麼是日子 逐工還是揣無汝 烏白的未來，烏白的過去 生活親像一檯影印機 揣無汝，借伊來COPY 印出千千萬萬的汝 人生逐位會開花 路寒袖／詞 詹宏達／曲 潘麗麗／唱 一葩燈火有外光 點佇暗夜照百丈 燈火若烕免悲哀 總有天光日頭來 生命到底有外長 若無理想偆半寸 理想藏佇黑暗內 宛然暗夜的等待 白雲啊，白雲飄散 江水啊，江水流東 雲飛天啊，水流地 雲佇水底天地相揣 天地無心烏影消退 毋免苦苦貪戀一切 只要世路家己行過 人生逐位攏會開花 1