语文竞赛客家语朗读文章高中学生组海陆腔.DOC

語文競賽客家語朗讀文章高中學生組（海陸腔） 【恁靚个臺灣】部編版客家語分級教材第九冊 臺灣島就像太平洋脣个一粒珍珠。在這細細个島項，看得著高山、平洋、峽谷、海岸，地形多樣，景致美麗；寒、溫、熱帶林相完整，生態豐富，葡萄牙人摎佢安到「福爾摩沙(Formosa)」。自古以來，原住民、客家人、學老人摎新住民，在這位安身立命，開枝散葉，相扶相融，產生多元文化。 陽明山个火山地形、硫磺溫泉，係生活活个地質教室；冷天時節，雪霸群峰白雪雪一遍；墾丁五彩个海底世界，展現熱帶風情；企在玉山頂，臨風遠眺，所有煩愁都煙消雲散。太魯閣峽谷雄偉壯觀、鬼斧神工；阿里山神木插入天穹，日月潭个湖光山色，美景天成，遶尞个遊客弛崗打陣。 各族原住民跈等大自然个腳步來生活，也透過祭典來表達對天地鬼神个崇敬。蘭嶼雅美族(Yami)有「飛魚祭」，佢兜相信飛魚係神明个賞賜；賽夏族(Saisiyat)有「矮靈祭」，祈求族群和諧；卑南族(Puyuma)个「猴祭」，係少年个成年禮儀……。這兜傳統祭典展現出原住民豐富个文化內涵。 行到街路項，大江南北个美食，看著就會流口水，一粒粒个新竹貢丸食咧還會尋尾，一圈圈个萬巒豬腳承牙又好食，臺中太陽餅遠近有名，係當好个等路，在北埔石坊路行悿咧，食一碗客家擂茶，歸嘴个地豆、麻仔、綠茶香。「蚵仔煎」清甜好味緒、「蝦卷」緊食緊熱嘴、「粢粑」又軟又虬，連外國人就食到舐嘴擸鼻！臺灣正經係美食个天堂。 在臺灣逢年過節就當鬧熱，逐年个正月半，北天燈、中火旁龍、南蜂炮、東寒單，還有燈會，來參觀个人烏麻戰笪。正月二十尞天穿，三月迎媽祖，五月划龍船，七月放水燈、搶孤、普渡好兄弟，還有臺灣客家人特有个義民祭，這兜民俗節慶展現出臺灣人敬天愛人个情誼。 彩虹之美在多色共存，文化之美在多族共榮。臺灣个自然人文，風土民情，各各呈現出自家特有个風情，做得在這垤土地項生活，俚愛珍惜這難得个緣分，儆惜這美麗个寶島。 五月時節滿山蓬白，行到古道个石碫仔項，油桐花隨風飄舞，像仙女散花，又像該白雪落滿坪，企在樹下，當想大聲喊：臺灣還靚哪！ 語文競賽客家語朗讀文章高中學生組（南四縣腔） 【恁靚个臺灣】部編版客家語分級教材第九冊 臺灣島就像太平洋脣个一粒珍珠。在這細細个島項，看得著高山、平洋、峽谷、海岸，地形多樣，景致美麗；寒、溫、熱帶林相完整，生態豐富，葡萄牙人同佢安到「福爾摩沙(Formosa)」。自古以來，原住民、客家人、學老人同新住民，在這位安身立命，開枝散葉，相扶相融，產生多元文化。 陽明山个火山地形、硫磺溫泉，係活生个地質教室；寒天時節，雪霸群峰白雪雪一片；墾丁五彩个海底世界，展現熱帶風情；企在玉山頂，臨風遠眺，所有煩愁都煙消雲散。太魯閣峽谷雄偉壯觀、鬼斧神工；阿里山神木插入天穹，日月潭个湖光山色，美景天成，遶尞个遊客弛崗打陣。 各族原住民跈等大自然个腳步來生活，也透過祭典來表達對天地鬼神个崇敬。蘭嶼雅美族(Yami)有「飛魚祭」，佢等相信飛魚係神明个賞賜；賽夏族(Saisiyat)有「矮靈祭」，祈求族群和諧；卑南族(Puyuma)个「猴祭」，係少年个成年禮儀……。這兜傳統祭典展現出原住民豐富个文化內涵。 行到街路項，大江南北个美食，看著就會流口涎水，一粒粒个新竹貢丸食吔還會尋尾，一圈圈个萬巒豬腳承牙又好食，臺中太陽餅遠近有名，係蓋好个浪想，在北埔石枋路行吔，食一碗客家擂茶，歸嘴个番豆、麻仔、綠茶香。「蚵仔煎」清甜好味緒、「蝦卷」緊食緊熱嘴、「粢粑仔」又軟又虬，連外國人就食到舐嘴擸鼻！臺灣正經係美食个天堂。 在臺灣逢年過節蓋鬧熱，逐年个正月半，北天燈、中火旁龍、南蜂炮、東寒單，還有燈會，來參觀个人掖蔴掖米。正月二十尞天穿，三月迎媽祖，五月划龍船，七月放水燈、搶孤、普渡好兄弟，還有臺灣客家人特有个義民祭，這兜民俗節慶展現出臺灣人敬天愛人个情誼。 天弓之美在多色共存，文化之美在多族共榮。臺灣个自然人文，風土民情，各各呈現出自家特有个風情，做得在這垤土地項生活，??等愛珍惜這難得个緣分，儆惜這美麗个寶島。 五月時節滿山蓬白，行到古道个石碫仔項，油桐花隨風飄舞，像仙女散花，又像該白雪落滿坪，企在樹下，真想大聲喊：臺灣還靚哪！ 語文競賽客家語朗讀文章高中學生組（四縣腔） 【恁靚个臺灣】部編版客家語分級教材第九冊 臺灣島就像太平洋脣个一粒珍珠。在這細細个島項，看得著高山、平洋、峽谷、海岸，地形多樣，景致美麗；寒、溫、熱帶林相完整，生態豐富，葡萄牙人摎佢安到「福爾摩沙(Formosa)」。自古以來，原住民、客家人、學老人同新住民，在這位安身立命，開枝散葉，相扶相融，產生多元文化。 陽明山个火山地形、硫磺溫泉，係活生个地質教室；寒天時節，雪霸群峰白雪雪一片；墾丁五彩个海底世界，展現熱帶風情；企在玉山頂，臨風遠眺，所有煩愁都煙消雲散。太魯閣峽谷雄偉壯觀、鬼斧神工；阿里山神木插入天穹