5943客家语朗读文章＿学生(四县腔).docVIP

104年全國語文競賽客家語朗讀文章國小學生組（四縣腔） 編號1號 【姐公个屋】羅中慧原作 講著搞、講著尞，??最好！這下个交通恁利便，總愛有錢、愛有閒，愛去哪仔尞都做得。毋過，對??來講，??試著老湖口山頂个羊屎窩最好尞。 吾姐婆乜歇在羊屎窩，該窩肚有異多伙房屋，上家下屋有當多細人仔伴，大家共下搞、共下尞盡生趣。吾姐婆屋脣有一頭又高又大个榕樹，屋面前係闊闊个禾埕，屋後背有茶園摎一大片个柑仔園，該位係??童年生活个好地方。 講著該大禾埕，係??兜最輒去搞个位所。逐暗晡食飽夜，細人仔就會擠共下，圍一隻圓圈仔，你出剪刀??出布，贏个人做王，帶頭搞囥人尋、份家啦飯仔，無就比賽打極樂仔、揇腰跤，鬧熱煎煎。 柑仔園乜盡餳人。園肚種有當多海梨摎桶柑，柑仔樹頂个柑仔打忒結了，因為養分有限，柑仔毋會粒粒恁大、粒粒恁靚，故所愛摎忒結个細柑子刪減兜仔，伸个正會大。??兜細人仔乜盡無閒、會??手摎摘下來个細柑子擲到遠遠去，逐擺都比賽麼人擲最遠，最遠个人正做得分吾姐公背等轉，這係最好个獎賞哦！ 吾表哥摎表姊一放學，書包一拂就拉等??，三步做兩步走到茶園去搞囥人尋，吾表姊做鬼愛捉??兜，大家一儕走一片囥起來分佢尋。吾表哥最高大，淨會囥頭毋會囥尾，屎朏翹翹，一下仔就分人尋著；??較細隻，儘採鑽到茶樹下，就囥到塞塞，硬尋都尋毋著。吂知有一擺，??毋堵好嗄溜落水窟肚，手腳搉到烏青，轉到屋下，吾姐婆看著當毋盼得，黏時煠鴨卵摎??輾烏青个腳髀。這下愐起來，實在還感心。 ??從細就分吾姐婆渡大，故所吾姐公摎姐婆歇个羊屎窩，對??來講係帶有乳臊摎老人臊个好所在。一到放尞日，??就盡想愛去羊屎窩，該就像毋識去過个位所，當餳人！逐擺都分??有溫暖、快樂个感覺哦！ 104年全國語文競賽客家語朗讀文章國小學生組（四縣腔） 編號2號 【一枝草一點露】曾勤妹原作 ??還記得，舊年學校舉辦吔一場盡有意義个演講－－生命教育。邀請著臺灣盡有名个畫家來演講，佢係一位用腳畫圖个畫家－－楊恩典小姐，這一堂課分??盡感動，到這下，還清清楚楚記得，永久毋會添放忒……。 在楊恩典小姐演講之前，學校个校長、先生既經事前宣佈，這係一場精采又難得个一堂課，先生乜教??兜先上網，查詢楊恩典有關个資料，??心肝肚愐：一個無手个人，單淨靠一雙腳，敢有可能畫出靚靚个圖畫？ 演講个日仔到了，全校个先生、同學集合在活動中心，楊恩典小姐坐在舞臺个中央，著等一身水紅色个洋裝，佢雖然無手，毋過自家打扮到伶伶俐俐，佢現場表演用腳趾著襪仔，全部人都看到嘴勺勺仔緊搭手。楊恩典小姐開始演講：佢馴馴仔講出還細時節無手，仰般用腳趾夾等鉛筆學寫字、食飯，到後尾佢用行路个腳趾夾等畫筆，畫出一幅一幅盡靚个圖畫。 楊恩典小姐安然自在，柔柔仔講出童年个點點滴滴，續等在一排畫筆肚用腳趾拿出一枝來，用腳趾夾緪，蘸顏料，佢用楊恩典式个微笑，信心滿滿畫出一對鴛鴦，又定定仔畫出紅紅个牡丹花，愛畫青色个葉仔个時節，楊恩典像變奇術樣仔，用腳趾撙開另外一罐玻璃盎仔！??感動到流出目汁，心肝肚愐：還細時節識學過畫圖，毋過讀書心花花，畫个狗仔像貓仔，三日打魚，四日晒網，無幾久就畢業了！ 楊恩典該日畫个「恩恩愛愛」个鴛鴦國畫，分學校先生買去，義賣著一萬個銀，佢捐分六龜孤兒院，感謝栽培佢个阿爸阿姆，天公爺添放忒分佢雙手，毋過送分恩典全天下最偉大、最有愛心个爺哀－－楊牧師兩公婆，天公爺送分恩典萬能个雙腳，佢用該雙腳寫毛筆字、畫圖，畫出一片靚靚个世界。 老古人講：「一枝草，一點露。」一息仔都無爭差。這擺个生命教育課程分??深深感受著：楊恩典小姐毋向命運低頭，毋會怨天怪地。兜有好手好腳，堵著困難愛勇敢面對，肯打拚就會出頭天。 104年全國語文競賽客家語朗讀文章國小學生組（四縣腔） 編號3號 【落雨个時節】鄒瑞梅原作 論真來講，落雨天就係吾个救星。 ??當喜歡落雨天，因為落雨个時節，做學生仔个??，就毋使到運動坪升旗，乜毋使聽校長、主任講到一拖拉牯，你就毋知了，逐擺日頭當烈个時節，??這瘦挾挾仔个圓身，就分日頭晒到險險昏忒，晒到毋知人，實在當艱苦。 記得，有一日个下晝頭，??聽著響雷公，過一下仔，大雨放勢落。??企在窗門脣，聽著雨水滴滴咑咑个聲，就像一首一首快樂个交響曲；看著雨水像仙女樣仔在樹葉頂跳舞，跳過來、跳過去，將樹葉仔洗到青溜溜仔，地泥乜洗到當淨俐。 ??看吾姆在該無閒屋下个事，無時間好搭??，??就摎吾姊偷偷仔擎等遮仔、著等水靴筒走到外背搞水，涿到歸身潦潦。吾姆??轉頭看著??摎吾姊歸身溼溚溚仔，氣嗙氣鼓，??兜分佢刻到臭頭，免不了也分佢請一盤「竹筍炒肉絲」。該暗晡，??隨等就寒著、發燒、打哈啾，害吾姆愁到歸夜無睡，照顧??到天光，這下想起來，實在當不孝。 ??該班有一個鬼頭鬼腦个搞頭王－－阿明仔，佢一下課就走到無看著影。阿明仔盡惱落雨天，因為佢當好打球仔，