摇啊摇 - 青山国小.docVIP

台灣囡仔歌佮唸謠 鄭安住整理於92.06.15 曲 目 分 類 目 次 佚佗 02烏白想 03 破解 07敘述 08連珠 16搖囝歌 23數字 24盤喙錦 25 趣味 26 謎猜 30現代 31 一、佚佗類 1踅踅踅 踅踅踅，抈西瓜。膨一下，捺一下，切西瓜，汝一塊，我一橛，看啥是矮仔冬瓜？ 2拍鐵哥 拍鐵哥，應銅鑼。丈姆厝，好佚佗。佚佗厭，提錢買甘蔗。 甘蔗園仔芳芳芳，囝婿騎馬探丈人。丈人無佇厝，姨仔呼狗咬姊夫。 姊夫叫不可，無張遲，後壁互狗咬一空。 3食桃或食李汝欲食桃欲食李？欲食桃，送汝去佚；欲食李，送汝去死。4食清或食濁汝食清？欲食濁？欲食清，送汝去媽祖宮，欲食濁，送汝去。5唏挨唏挨，挨米來飼雞。飼雞好報更，飼狗吠暝。飼豬好來，飼外甥去來。飼新婦，養大家。飼查某，別人的。 6挨豆腐挨呀挨豆腐，雞請阿舅。阿舅食無了，一支雞跤爪。嬰仔食無夠，嬰仔後尾門。 7掩咯雞。8掩咯雞9煎甜粿 煎仔煎甜粿，叨一塊，臭火焦兼著火。 10宓姑揣 11一放雞 一放雞，二放鴨，三分開，四相疊，五搭胸，六拍手，七圍牆， 八摸鼻，九拉耳，十抾起，十一拍塗跤，十二攏總捎。 12點仔點水缸點仔點茶鈷，啥人今晚欲娶某。點仔點叮噹，啥人今晚欲嫁尪。點仔點仔點水缸，啥乜人放屁爛尻川。 點仔點仔點冊包，啥乜人今晚欲來阮兜。點仔點仔點鉛筆，汝若是歹囝才做白賊。點仔點仔點紛紛，汝是英雄好漢去做軍。 13點水缸14一的炒米芳 一的炒米芳，二的炒韭菜，三的強強滾，四的炒米粉，五的五將軍， 六的乞食孫，七的分一半，八的爬梁山，九的九嬸婆，十的撞大鑼， 拍汝千，拍汝萬，拍汝尻川做四瓣， 嘻嘻嘻！袂見笑，欲輸起呸面，起呸面，烏貓烏狗綴歸陣。 15一的米 1草暝仔公 草暝仔公，穿紅褲，趕牛去買布，趁錢通娶某。 新娘仔大腹肚，正月生查晡，二月生查某，打銅鑼，拼大鼓。 2月光光 月光光，秀才郎，騎白馬，過南塘。馬爻跑，踢著狗。狗仔貢貢吠， 一個老伙仔偷遏稻穗。遏幾穗，遏三穗，一穗挨，一穗曝，一穗鳥仔食落腹。 公仔圍，婆仔縛。公仔食一碗，婆仔食一碟。公仔斷手，婆仔斷舌。 3月光光 月光光，秀才郎，騎白馬，過南塘。南塘跳袂過，掠貓仔來算歲。 十二星宿算透透，算甲貓仔走過頭。千算萬算算袂真，越頭去探親。 大姊見笑扇遮面，小妹抱病包烏巾。牽手牽跤來做陣，叫大叫細毋承認。 阿母想著頭殼眩，無話通好說，捧茶請人客。頭鍾甜，尾鍾苦，大姊佔做姨仔某。 4天烏烏，毋落雨 天烏烏，毋落雨，蕃薯一秤兩百五。討海人真艱苦，船仔停甲規半晡。 欲去又烏影，毋去又吊鼎。阿兄講毋去，阿嫂喝著去。 大風大水來拍拚，掠著一尾三斑魚。扛到門口埕，阿兄講欲賣，阿嫂講欲食。 蕃薯簽無塊糶，魚仔一大碗，捧咧聊聊看。 5天烏烏 天烏烏，欲落雨，豬反豬肚，乞食走無路。頭家娘門前毋趕狗，查某女間桌頂收飯斗。 凊飯倒落水溝，溝水涔涔流，乞食走翻頭。走甲日頭烏，分無一碗蕃薯箍，枵到青草埔。 夢見何仙姑，前世是伊的某。夢見李托拐，身軀倚佇金葫蘆。 6天烏烏天烏烏，欲落雨。舉鋤頭，清水路，清著一尾鯽仔魚欲娶某。龜擔燈，鱉拍鼓， 舉旗叫艱苦。毛蟹擔燈雙目吐，水扛轎大腹肚，一碗圓仔湯給汝補。7天烏烏 天烏烏，欲落雨。舉鋤頭，清水路，囡仔褪褲走無路。拄著一陣鯽仔魚，欲娶某。 龜擔燈，鱉拍鼓，田嬰舉旗叫艱苦，水雞扛轎大腹肚，蟾蜍擔盤目睭突。 8天烏烏天烏烏，欲落雨，鯽仔魚，欲娶某。水扛轎大腹肚，舉旗叫艱。龜擔燈，鱉拍鼓，鯽仔魚做媒人，土虱做查某。仔，白魯，白魯。拄著四嬸婆，食一碗白米飯，配鹹魚脯。魚脯，魚脯，儉錢買雞公。雞公跋落水，舉竹篙，拍水鬼。水鬼面，舉拍石。石走去，龜咬鱉。鱉伸頭，龜咬猴，粿，老猴爻爬樹。爬呀，爬一下無拄好，跋一倒。跋一倒，痛痛痛，投掛目鏡。投仔愛，投仔嬸婆。嬸婆開窗仔，買粗紙。有買伊，無買我，害我心肝彈，雞母娶雞雞走去店，龜咬劍。劍金金，老婆仔拋車輪。車去車去南塘拉大索。大索拉一下輸，老婆仔帶嗄龜。嗄龜醫一下好，老婆仔無煩惱，身體真正好，老婆仔長生不老。9目虱目虱欲嫁家，欲抓蚊仔做媒人。虱母搖手喝毋通，家毋是妥當人。牛蜱大隻兼厚重，嫁伊會親像人。10月仔光映映 月仔光映映，拄著一個死賊仔