台湾囡仔歌.docVIP

台灣囡仔歌 羞羞羞羞羞，羞羞羞，提籃仔抾雨鰡。羞羞，羞羞羞，提籃仔抾雨鰡。攏總抾幾尾，哎喲，攏總抾兩尾啦，攏總抾兩尾。一尾煮來食啊嘖嘖，一尾糊目睭啍啍，羞羞，羞羞羞。 貧憚仙一天過了又一天，身軀無洗全全鉎，走去溪仔洗三遍，毒死烏魚數萬千。 土地公 土地公，土地婆，許你蟶，許你蠔，到時攏總無。 秀才騎馬弄弄來秀才、秀才，騎馬弄弄來，佇馬頂跋落來，跋一下真厲害。喙齒疼，糊下頷。目睭疼，糊目眉。腹肚疼，糊肚臍。嘿！真厲害。 天烏烏天烏烏，欲落雨，阿公仔夯鋤頭欲掘芋。掘啊掘，掘啊掘，掘著一尾辿鰡鼓，咿呀嘿叨真正趣味。天烏烏，欲落雨，阿公仔夯鋤頭欲掘芋。掘啊掘，掘啊掘，掘著一尾辿鰡鼓，咿呀嘿都真正趣味。阿公仔欲煮鹹，阿媽仔欲煮汫，二個相拍撞破鼎，咿呀嘿叨啷噹叱噹嗆，哇哈哈。阿公仔欲煮鹹，阿媽仔欲煮汫。二個相拍撞破鼎，咿呀嘿都啷噹叱噹嗆，哇哈哈。撞破鼎，撞破鼎，撞破鼎，咿呀嘿都啷噹叱噹嗆，哇哈哈，哇哈哈，哇哈哈，哇哈哈。 烏面祖師公烏面祖師公，白目眉。無人請，家己來。一個面仔笑咳咳，笑甲喙仔離獅獅。到底笑啥代，舉椅頭仔加看麥。椅仔踏無在，跋落來，跋一個有喙齒無下頦，真厲害，大聲細聲哀，無人知。 西北雨直直落 西北雨直直落，鯽仔魚欲娶某。鮕鮐兄拍鑼鼓，媒人婆仔土虱嫂，日頭暗揣無路，趕緊來火金姑，做好心來照路，西北雨直直落。西北雨直直落，白鴒鷥來趕路。