附件2(a)「关爱交叉点」剧本学校友情篇.PDFVIP

附件2 (a)「關愛交叉點」劇本：學校友情篇 場地：學校操場中的水果(橙)樹旁 道具：假橙 人物：學生A、B、C 內容： A：放咗學，無無聊聊，有咩好做呀？ C：唉…不如踢波啦！ B：日日都係踢波架啦，你有冇悶D 呀！ A：咁又未必噃，我有好計，你地睇下！(手指著樹上的橙) B：橙？點玩呀？要嚟食就得啫！ A：梗係玩到啦！he he，攞D 橙落嚟當波踢咪得囉！ B：好主意！ (正當A 摘下水果之際C 突然說…) C：喂，我覺得咁樣做唔係咁好噃，校園裡面嘅花花草草，我地應該去愛護，而且踢爛個橙， 攪到橙汁四散，唔單止整到同學，又會麻煩到D 校工清潔。 B：你駛唔駛咁多道理呀！冇膽就冇膽啦！ A：咪係，係‘Friend’就一齊玩啦！ C 心想：到底應唔應該同佢地一齊摘呢？ 學校友情篇 (個案播完後) 旁白：如果你係案中既主角C，你又會點做呢？你會堅持自己嘅原則，感染你的好朋友愛惜 身邊嘅人及事物，定係做一個冇性格又冇主見嘅「應聲蟲」呢？依家就俾幾分鐘你好好諗下， 並在工作紙上寫上你嘅答案啦！ 提議方法： B：你駛唔駛咁多道理呀！ A：咪係，係‘Friend’就一齊玩啦！ C：(語重心長)我就係當你地係Friend 先唔想你地獨犯校規俾人罰，更加唔想你地變成一個唔 理人地感受，只顧滿足自己，咁自私嘅人呀！況且，做朋友唔係等於應聲蟲呀，我都要堅持 自己嘅原則！我地都係去踢波啦‧ (拿著足球與朋友一起去球場) 附件2 (b)「關愛交叉點」劇本：公眾場所爭吵篇 場地：小巷 道具：一樽飲品(內裡是水)、便服、一本雜誌、紙巾一包 演員：A、B、C、圍觀者 內容： (在士多旁，B 與C 走著，B 拿著一樽飲品，C 拿著一本雜誌) C：你支嘢好似好好味咁啵？ B：(喝了一口)都幾好飲丫！唔錯！ [B 輕輕把飲品蓋蓋上，兩人繼續向前走] C：真係，咁等我下次買返支試下先！(繼續看時裝雜誌) B：(目光放在C 的雜誌上)咦！呢件衫幾靚噃！ [此時，A 逆方向走出小巷，與B 擦身而過，B 的飲品沒有蓋好，飲料倒在A 身上] A：有無攪錯呀！ B：唔好意思噃！ A：唔好意思！你D 飲嘢整到我件衫一撻撻喇！都唔知係唔係特登嘅！ B：你份人都唔講道理架！係呀！我D 飲嘢係特登飛去D 唔講道理嘅人身上面架喇！ A：你……豈有此理丫！ [他們的爭吵引來不少人圍觀] C：你地一人少句啦！呢度係公眾地方嚟嘅！ B+A：你唔好理咁多啦！ C 感到很無奈…… 公眾場所爭吵篇 (個案播完後) 旁白：如果你係當事人C，你會唔會再勸落去呢？其實你知道你個朋友只係一時意氣先話自 己係故意，但係對方俾你朋友淋到濕哂，當然會嬲啦，不過佢地喺條街度爭吵落去，事 情又會唔會得以解決呢？用幾分鐘諗吓點做好啦，諗到就填喺工作紙度啦！ 提議方法： C：(拿出紙巾)唔好再爭吵喇，呢度係公眾場所，再嘈會好多人望住□，其實都係好小事之嘛， 大家又唔係血海深仇，而且又冇好大損傷，不如大家放開懷抱，算啦！ A：其實我有唔啱嘅，小小事我又大吵大罵… B：我唔啱就真，整到你濕哂，又唔好好咁道歉… C：嗱，咁咪好囉！ 附件2 (c)「關愛交叉點」劇本：家庭電腦會議篇 場地：家中 人物：女兒、爸爸、媽媽 道具：便服、雜誌、報紙、沙發、茶几、紅簿仔 內容： (一天女兒放學後，回到家中，媽媽在看書，爸爸在看報紙，女兒拿著雜誌跟媽媽說……) 女兒：媽咪，我想買呢部電腦呀？你睇下丫，今年最新款架！ 媽媽：嘩！成萬蚊，太貴喇，唔准買呀！ 女兒：點解喎？成班同學個個都有喇，我都想要呀！ 媽媽：依家你爸爸調咗職，人工比以前少，屋企收入少咗，邊有咁多閒錢買新電腦俾你呀！ 況且你依家個部仲好地地。 爸爸：老婆，咪買俾佢囉，最多…以後咪慳D 洗囉！ 媽媽：總之就唔准買呀，冇