闽南语评量-俗语,童诗闯关做活动.pdfVIP

閩南語評量－俗語、童詩闖關活動 林園國小／吳順興 前言 ： 推動母語是文化的傳承，語言毋若是溝通的工具，抑是思考的工具， 更加是文化的依附，透過語言，我們會使了解祖先的生活佮智慧，尤其是 咱的母語，祖先到咱的父母一直使用的語言，鄉土語言推廣，雖然得著政 府的支持，上界重要，是愛有心人來投入搶救將被遺棄的語言，未來才會 生機，俗語佮童詩是囡仔上好記的文句，以此來開始，建立囡仔的趣味， 延續咱的母語。 一、常用俗語 「俗語」是台語上有特色的成分，全世界沒一個个語言親像台語，有 誠爾豐富的俗語，「俗語」毋若代表祖先的智慧，也 具備文化的內涵。 舉例： 1.流汗錢、萬萬年；僥倖錢，失德了。 2.趁錢有數，性命要顧。 3.父母疼囝長流水，囝想父母樹尾風。 4.父母飼囝無論飯，囝飼父母照算頓。 5.手抱孩兒，才知影父母時。 6.有量才有福。 7.人情留一線，日後好相看。 8.食一歲，學一學；食到老，學到老。 9.查甫也著疼，查某也著成。 10.愛拼才會贏。 11.拍斷手骨顛倒勇。 12.食苦當作食補。 13.萬貫家財三頓飯，千間房屋一張床。 14.路遙知馬力，事久見人心。 15.捷講嘴會順，捷做手袂鈍。 - 113 - 16.人情世事陪透透，無鼎抑無灶。 17.有寒就有熱，有艱苦就有快活。 18.緊紡無好紗，緊嫁無好大家。 19.有一好，無兩好。 20.腹肚飫專步數，食飽無半步。 21.賣茶講茶芳，賣花講花紅。 22.坐轎的無知仔扛轎的艱苦。 23.牛毋通爻行，人毋通出名。 24.一支草，一點露。 25.人咧做，天咧看。 26.樹頭若有在，毋驚樹尾作風颱。 27.食緊撞破碗。 28.仙人拍鼓有時錯，腳步踏差誰人無。 29.一時風，駛一時船。 30.自嘆枝無葉，莫怨太陽偏。 31.做雞著筅，做人著翻；做牛著拖，做人著磨。 32.一粒米，百粒汗。 33.食果子，拜樹頭；食米飯，拜田頭；啉泉水，思源頭。 34.歹竹出好筍。 35.艱苦頭，快活尾。 36.家治栽一叢，較贏看別人。 二、兒童詩 詩詞是用上簡單的文句，表達豐富的感情佮趣味，尤其兒童的詩詞， 趣味的成分愛放較重咧，閩南語聲調比國語較（kà）豐富，音樂性較（kah） 高，音懸無同，意思嘛無同，為著要予聽的人，直接了解詩詞的意思，樂 譜上會考慮詩詞中文字本身的音階，民俗音樂家王義雄先生指出，閩南語 童謠旋律，一開始著是佮聲調平行的，譬如：「天烏烏，欲落雨」→「５３ ５，５１３」（語言的音階），「點仔膠，黏著腳」→「５５５，３１５」（語 言的音階），咱共看，上低音到上懸音精差５度至６度，因此，每一首童謠 的懸音攏袂傷懸，真好唱。閩南語的童謠注重押韻鬥句，毋管是唸，抑是 - 114 - 唱，真緊著記起來，在文句前後的意思聯繫上毋是真正注重，當然，嘛袂 使完全無聯繫，較注重的是伊的趣味性、音樂性、心適又擱趣味，好記又 擱好唱，流傳佇逐家人的生活中，成為台灣人生活的一部分。 現代的兒童詩詞，加入真濟「創意」，嘛無離開趣味性佮音樂性，押韻 的變化較大，文句的長短，甚至是排列的方式攏有經過設計，有的製作繪 本，再編成歌曲，遮嘛是目前編寫閩南語課本的趨勢。有的原來是國語的 兒童文學作家，真早伊著兼寫著閩南語的詩詞，譬如林武憲先生，有的專 攻閩南語兒童詩詞，譬如王金選先生。早期的童謠是根據當代的生活背景， 雖然有伊的價值性，畢竟離囡仔的生活較遙遠啦，每一個時代應該愛有每 一個時代的童詩，因此，今仔日的課程較針對現代的兒童詩詞，我毋敢講 佇內容上和囡仔的生活完全符合，畢竟，作家的年紀、作家的生活背景和 現代的兒童嘛是有差別。有人用心咧寫作，相信即塊兒童詩詞的田園，會