爱惜水资源—客语朗读比赛稿南港社大客语班教材之ㄧ依照环境.PDFVIP

愛惜水資源—客語朗讀比賽稿 （南港社大客語班教材之ㄧ） 依照環境教育法實施環境教育之用 歡迎免費使用 各位評判先生，各位同學，大家好！ 今晡日愛朗讀个 題目係「愛惜水資源 」。 大家就 知，客家文化 摎環保有盡深个關係，「環境教育 法」第19條有規定，公務人員 、高中以下學生仔摎 先生逐 年愛接受著 4點鐘个環保課程，「環境基本法」第 5條也規 定，國民愛盡著環保个責任。故所，環保係當重要个議題， 這下就用客家文化 來紹介 「愛惜水資源」。 台灣面積有 3萬 6千平方公里，高度 1,000 公尺以上个 山區有百分之 31.5 ，100 公尺到1,000 公尺个山排地也有百 分之31.3 ，100 公尺以下个平地淨有百分之 37.2 ，又因為台 灣 个河壩 大部分向東 流入太平洋，向西流入台灣海峽 ，東西 向最闊正 150 公里，故所落 雨以後，水資源大部分流入海肚 ， 造成台灣雖然每年落水有 1,030億公噸，毋過淨有 117億噸 做得用，平均逐儕得到个淡水，淨有世界平均个六分之一 。 面對台灣缺水問題，客家先民利用當多進步个觀念來愛 惜水資源、保護水資源，這下就摎大家報告： 第 一、利用「省儉精神」來節省水資源。 客家諺語講 ：「有油莫點雙盞火，免得沒油打 暗摸」，又講「爛衫好遮羞 爛鼓好救月 爛銅鑼好嚇 賊」、「滴水成河 粒米成籮」、「食不窮 著不窮 浪費 一世窮」、「食水愛惜水源頭 」，也全部代表省儉个精神 ， 故所大家曉得 愛惜水資源，毋會浪費，會 摎屋家洗菜个 水，用來抹地泥、淋花、淋菜園，又會使用有「省水標 章」个洗衫機、省水馬桶、省水个水龍頭 …等等，來節 省當多 个水資源 摎水錢。 第二、利用「客家夥房」个「半月池」來開發水資源： 頭擺「客家夥房」面前大部分有「半月池」，將 天公落下來个雨水，蓄起來，當像「平地水庫」，做得 利用雨水來灌溉農田 、畜魚、畜鴨、種蓮花，變成當靚 个「水資源觀光景點」；「半月池」也做得作為消防用水 ， 變到緊急使用个水源 ；又因為山頂落下來个水，有一部 分蓄在「半月池」裡肚，毋會全部流入大河霸，當像「滯 洪池」个功能，故所也做得減少下游發大水个風險；還 有，「半月池」就像 「熱交換器」，做得吸收熱能，分熱 天天時毋會恁熱。 第 三、利用「埤塘」來開發水資源： 桃園係客家人口最多个縣市，因為地泥 三到 五公尺較毋會漏水，故所桃園个先民為了利用雨水、河 壩水，從 1741 年開始，就 挖「埤塘 」來蓄水，變成「平 地水銀行」。 根據 1963 年个調查，桃園埤塘有8846個，1995 年調查時節，伸 到1450個 ，恁好个埤塘，在 2008 年得 到內政部認定 為國家 1級溼地 ，厥个功能佬「半月池」 共樣，做得灌溉、降低溫度 、防止水災、觀光、蓄魚、 蓄鴨 ，也做得做為「落雨時節，河壩污泥凝底池 」，係 目前保護水資源 个好方法。 因為桃園埤塘當多，故所桃園佬埤塘有關个地 名也當多，像：觀音鄉个塘頭、塘尾、塘背、新塘。中 壢市个平坡、北坡。平鎮市个八角塘。新屋鄉个下北湖、 中北湖。楊梅市个下四湖、上四湖、頭湖、二湖、三湖、 四湖…等。龍潭个黃泥塘 …等等。 第四、利用「頓水亭」來提醒大家愛惜水資源： 客家諺語講：「食水拜源頭 食米拜田頭 」，這 係鼓勵大 家愛有感恩个心，有了感恩个心，就會自動來 愛惜水資源。 為了提醒大家愛惜水資源，屏東縣內埔鄉和興 村就有一座 「頓水亭」，有四公尺高 ，一共有三層，係 「坐南向 北」个八角形建築。 做麼介愛起「頓水亭」呢？這係因為頭擺內埔 个客家人，在清朝該時節 ，利用東港溪 摎龍頸溪 个水 來 灌溉禾田，內埔鄉和興村 个先民認為「開圳做埤」實在 辛苦，為