05年闽南语朗读比赛.DOCVIP

01佮阿媽做伴 陳美雪 阿媽，你目睭瞌瞌，乖乖緊睏喔！明仔載阿母欲??咱去看花，較早睏才有精神喔！你的尿苴仔已經換好勢，你有感覺規身軀誠焦鬆無？來，倒予好勢，毋通踢被才袂寒著。你緊睏，毋免驚！阿孫的佇邊仔讀冊佮你做伴。 聽阿爸、阿母講，你上疼我這个閬十外年才閣生的屘仔孫。因為其他的內、外孫攏大漢矣，無人欲綴你。退休遮爾濟冬，猶閣有孫通抱，你笑甲喙仔裂獅獅，共我抱咧四界去展寶，就算佮朋友去遊覽嘛一定會??我去。淡水、溪頭、阿里山、關仔嶺……真濟風景區攏有咱媽孫仔的形影。 「一放雞，二放鴨，三分開，四相疊……」阿媽，這是你教我的。逐擺看你共子仔擲過來、擲過去，連鞭摸鼻，連鞭搝耳，我干焦喙仔開開，共你拍噗仔的份爾爾。 這幾年來你一直咧退化，定定袂記得這、袂記得彼。仝款的一件代誌，你攏愛問幾若擺。有時，去一逝便所出來，看著桌頂的飯菜，又閣喝欲食飯。 這站仔，你跤手無力，行路行袂好勢，出外著愛托枴仔抑是坐輪椅。有時屎尿嘛無法度控制，只好包尿苴仔。遮的代誌攏予你誠礙虐，甚至對家己失去信心、無安全感，致使若無人佇你的身軀邊，你就睏袂去。 阿媽，你緊睏，毋免驚，我會陪佇你的身軀邊，就親像細漢的時，你陪我睏仝款。這馬我會捒你去公園看花、看雲、看風景，就親像較早，你??我四界去??迌仝款。 阿媽，你緊睏，毋免驚！阿孫的佇邊仔佮你做伴。 02愛讀暗學仔的阿母 陳秋貴 聽講較早的暗學仔，是咧予無讀冊的人欲學捌字才去讀的。這馬的暗學仔無仝囉，齣頭加誠濟款，欲學啥就有啥。愛學東學西的阿母，逐工都排甲滇滇，規禮拜攏無閒????。 拜一暗，去社區大學上「草藥班」的課。阿母講：「大自然賜予咱遮濟天然的藥草，無去共熟似誠無彩。」閣講：「青草仔捌是寶，毋捌是草。認捌青草，會予人珍惜地球的每一枝草，每一欉樹仔。」伊嘛誠反對人噴殺草劑，講按呢，會予誠濟有路用的藥草絕種去。 拜二暗，佇鄉土文學館咧讀「昔時賢文」佮「臺灣三字經」。阿母講：「昔時賢文是早前的??人留落來的智慧，咧教做人的道理，每一句的來源，攏是有典故的。」看阮讀冊無認真，就共阮講：「讀書須用心，一字值千金。」啊若「臺灣三字經」，是1900年新竹王石鵬先生所寫的，伊的寫法模仿三字經，予人較好記。 拜三暗，去學英語。聽講這位對高中退休的英語老師誠??教，阿母嘛學甲誠認真。毋管是透大風抑是落大雨，攏毋捌請假。逐工，英語講義??咧，讀甲歡頭喜面。伊講：「欲共少年時學無好的英語，好好仔閣學起來。」 拜四暗，佇社區的社團學電腦。阿母講：「這馬是資訊發達的世代，袂使佮社會脫節。」定定看伊坐佇電腦頭前咧使用「一指神功」，嘛定定咻我去共伊教。看起來，學電腦對阿母來講有較困難淡薄仔。 拜五暗，就較輕鬆矣，咧學挨絃仔。毋過，嘛是阮較艱苦的時陣。人講：「一??二簫萬世絃。」絃仔愛學一段時間才挨會好聽，拄開始學的阿母是鋸甲誠歡喜，啊阮規家伙仔是聽甲強欲擋袂牢。 論真講起來，讀暗學仔予阿母心情加誠好，逐工精神百倍。阿母講：「學問是讀冊來的，智慧是見識來的。食一歲，學一歲。」讀暗學仔毋但會當學著智識，閣會當交著朋友，人生嘛加誠有意義。 03熱天的幸福 曾菁怡 我讀國小的時，若拄著歇熱，攏會佮小弟轉去庄跤佮阿公、阿媽蹛，一寡叔伯兄弟、姊妹嘛攏會轉來。規陣囡仔絞做伙，是鬧熱滾滾。七、八月仔，拄好是稻仔當欲收成。逐工透早，阮阿媽就愛去稻埕共崁粟仔的布篷掀開，用耙柫共粟仔一逝一逝耙予齊。拄開始是耙予尖尖，等日頭曝一站仔，就愛閣攑耙柫共尖尖的粟仔耙予平平平，予日頭繼續曝。就按呢，一下仔耙尖尖、一下仔耙平平，對日頭出來，曝到日頭落山，阿媽攏佇遐無閒這件代誌。 彼陣，阮這陣囡仔猶閣細漢，無法度共阿媽鬥相共，大人的穡頭閣濟，嘛無閒工來共阮看顧，所以，大人是無閒甲汗水??滴，阮是耍甲四界硞硞傱。拈田嬰、掠蟬仔、撈魚仔、覕相揣……齣頭實在有夠濟，干焦食點心的時間才會瀳倚來。阿媽攏講我是?好鼻師?，佗位有通食，就會看著我。無法度，食點心對我來講是上重要的代誌。 我會記得阿媽上捷攢的點心是米篩目、仙草、薁蕘佮冰甲透心涼的糖水。阿媽會共遮的點心囥佇米籮內底，用扁擔擔去田裡，通予作穡的人食。阿媽行佇頭前，我就綴佇伊的尻川後，順紲去食點心。我上愛食的點心是米篩目摻冰糖水。??嗲嗲的米篩目食會著阿媽對我的疼惜佮慈愛﹔冰涼的糖水就親像阿媽對我的愛護，共熱天的刺疫趕甲離離離。我一碗食了閣一碗，阿媽是看甲喙笑目笑，點心敢若攏是刁工為我攢的。 讀國中了後，學校課業較重，逐工就愛讀冊佮準備考試，轉去庄跤歇熱，敢若是足久以前的代誌矣。自彼个時陣開始，阿媽對我的關心，不時就會對電話線彼爿傳過來。伊毋但關心我的課業，閣吩咐我??迌愛細膩、三頓愛食予飽。每一句的關懷，攏予我喉滇目箍紅，足向望家己有一對翼仔，會當隨時飛去阿媽的身軀邊，親像細漢的時，予阿媽攬牢牢，聽伊講古拍抐涼。 阿