《那夜．学校二楼女厕》（2016公开演出版）时间晚上地点学校2F女.PDFVIP

2016 年3 月29 日版本 《那夜．学校二楼女厕》（2016 公开演出版） 时间：晚上 地点：学校 2/F 女洗手间及走廊 （全台暗。） 主播： （幕后音）天水围一间中学发生一宗罕见嘅怀疑自杀案，一个就读该校嘅16 岁 女生被发现倒卧喺学校二楼女厕厕格之内，地下有大量血迹，该女生其后被送往 博爱医院，送院期间证实不治。有老师知道事件后表示震惊。 （环境声。拍照声。） 记者： （幕后音）请问你认唔认识死者呢？ 老师： （幕后音，哭）佢...佢系好学生嚟架年年都考第一又乖女点解会咁架？ （哭） （灯微亮。台上有三格厕格，其中一格被封锁，并挂着「暂停使用」的字句。曼芝步履 蹒跚，掩面哭泣走向另一个打开的厕格） 记者： （幕后音）会唔会系因为读书压力太大？ 老师： （幕后音）我唔知呀...我唔知呀！（泣不成声） （幕后音渐小。曼芝坐在厕板上） 芝： （大叫）呀！ （灯暗。另一灯区亮。包与茄蹑手蹑足地钻出。二人手持电筒。茄表情像若有所思，而 第1 页 2016 年3 月29 日版本 包则微微抖颤，彷佛有些害怕） 包：阿茄。不如都系走啦。 茄：惊就咪跟嚟。 包：唔系呢。夜嘛嘛偷走入嚟学校…畀人捉到好大镬架！随时记大过。 茄：唓！我冇返学咁耐，乜过都记匀啦！同埋我都冇叫过你跟住嚟。系你成只吊靴鬼咁 赖死唔走咋嘛。 包：唔好提嗰个字呀！听讲真系好猛架！自从单嘢发生咗之后，连出事嗰格厕格都封埋 喇。头先我都同你讲啦，有人夜晚听到二楼女厕有喊声添。讲真，我真系宁愿畀人 记大过都唔好撞到嗰味嘢…… 茄：我就系想见吓…… 芝： （突然尖叫）唔好呀！（饮泣） 包：哗！（吓得拉着阿茄退后） 茄： （挣开包）你留喺度，我入去睇吓。 包：唔好去呀，阿茄！ （茄不理。以电筒照着前路慢慢走近厕所） 包：阿茄！（不敢向前。前后张望。）你…你等埋我呀！我去擸架罉！（快步离开） （灯亮。芝仍在饮泣。茄慢慢走近厕格，以电筒照着芝。） 芝： （被光线吓到）呀～ 茄： （也吓一跳）哗！（倒退几步） 芝： （惊魂稍定）你…你系边个？ 茄： （把手电筒慢慢照向曼芝，看见了对方的容貌。带点失望）系你？ 芝： （这时看到对方容貌）张映雪？ 茄： （自言自语）点解会系你…… 第2 页 2016 年3 月29 日版本 芝：张映雪，你做乜会喺度嘅？仲有…你头先做乜搵电筒照住我呀？ 茄： （没精打采）你叫番我做阿茄喇。（没好气）同埋…你仲好讲？你夜麻麻匿埋喺厕所 吓人我都未话你！ 芝：夜麻麻？ （一顿，抬头望望）系喎！做…做乜咁黑嘅？ 茄：咁夜，校工熄咗灯紧系黑啦！ 芝： （惊觉）吓？宜家几点呀？ 茄： （用电筒照照手表）十点半。 芝： （又想哭）死喇！爸爸妈妈见我咁夜都唔返实好担心喇！（找手提电话，却找不着） 弊！部电话漏咗喺自学中心添！（想走出去找电话） 茄：唔洗去喇。自学中心锁咗喇。 芝： （慌张地）吓？我啲书同银包锁匙都系哂里面喎。我冇钱点返屋企？ 茄： （随口询问）你住好远？ 芝： （想哭的声音）屯门码头附近啰。（顿足）死喇！又通知唔到屋企，咁点呀？（想起） 你有冇手提呀？可唔可以借我打返屋企？ 茄： （冷淡地）冇呀。 芝： （慌张得有点语无伦次）点会冇架？屋企人唔洗搵你架咩？ 茄： （有点动气）我唔同你。我死去边都冇人会理我！ 芝： （觉得自己有点说错话）呃… （冷静了点）咁…唔知学校锁门未呢？ 茄： （带点冷酷）锁埋喇。 （曼芝既彷徨又失望，想到伤心处，又开始抽泣） 茄： （不耐烦，感到讨厌）你喊够未呀？返唔到咪咪返啰！平时以为你系斯文啫，原来 仲咁麻烦架！ 芝： （渐渐止住哭泣）唔…唔好意思。 茄： （见曼芝反而道歉，也有点不好意思。搔了搔头）咁又唔使…… （大家都静了一会，不知道再可以说甚么）