大埔腔社会组-107年全国语文竞赛.DOCVIP

107年全國語文競賽客家語朗讀文章社會組（大埔腔） 編號01號 【豬腳樹豆湯】陳志寧原作 今年个過年，屋家人本本團圓，桌頂項飯菜豐足、豐沛，毋過，還少一屑麼个味瑞。想想啊咧，正知係少撇一項豬腳樹豆湯。 對??知人我以來，年三十暗晡食夜開始，到年初一个朝脣頭，屋家大大細細一概都愛食齋，直直到初一當晝開齋過後，正使得食葷。年年過年，食晝該餐飯，在吾屋家斯單淨食豬腳樹豆湯忒等。阿奶講一來較好準備，二來過年期間盡量莫使刀。 煮樹豆愛幾下點鐘來炆，因致，阿奶會在初一打早，先浸一兩斤。等到食飽朝，火炭火起著，佢斯將浸好个樹豆，同豬腳共下放落烳鏍項炆。佢講樹豆先浸便，炆个時節較遽綿。共下炆个豬腳，定著愛用前腳，使毋得用後腳；佢講，新年新頭，食前腳，下次擺正會向前行。??該下還細，哪管得佢係向前行抑係向後行，綿綿酪酪个豬腳，食起來毋單淨好食，還有阿奶惜吾這兜个心，這豬腳樹豆湯斯係過年時期盡上等个菜色。 莊下个耕種人，閒時閒節，細人个褲袋肚罕得有所費。過年該下，等到「奉公王 奉公王：音fungˋ gung＋ vongˇ；南部客家人在過年時敬拜當地守護神的一種宗教行為。。 奉公王：音fungˋ gung＋ vongˇ；南部客家人在過年時敬拜當地守護神的一種宗教行為。。 生力麵：音：sen＋ lidˋ mienˋ；早期速食麵的通稱。 該生力麵用豬腳樹豆湯來泡，等到打開蓋，愛食該下，該種餳人个味瑞，準講隔壁个伯公無分人安在神桌頂項，??想佢無定著乜會撐緊怙杖行過來，同??分兜來食。 今年个年三十暗晡，阿姆講，市場項買毋著樹豆，因致無好炆豬腳樹豆湯來食過年。??安慰佢，辛苦無閒歸年咧，今年初一食晝，??請歸屋家人來去山項行行啊嚟，順續食山產。??同阿姆講，頭擺過年，阿奶講食豬腳樹豆湯，係望吾這兜讀書、食頭路使得向前行。今年無好食，去山項食山產，斯準做係跋往上个意思。 去山項行尞該下，看著山項人家種个樹豆打花打都滿樹淰黃，實在有罅靚。等到吾等看樹豆花看去呆撇，正想著原來係大自然變亂撇咧。無照常个天時，分這兜植物也跈緊打亂撇厥等个生長程序，樹豆正無好在過年前收成，怪得市場項無好買。 伯公生過後，??同朋友討著幾粒豆仁來點。點豆仁進前，屋家人去田頭伯公該項拜喏，望得伯公來保護這兜豆仁會暴芽，日後生做一頭一頭个好樹，過開滿花、結滿子。在年下有好个收成，使得在過年該下來炆一烳鏍个豬腳樹豆湯。 ??會記得阿奶交代過个，定著愛用前腳來炆，分吾屋家項項事頭都使得向前行。 107年全國語文競賽客家語朗讀文章社會組（大埔腔） 編號02號 【兩角銀】邱坤玉原作 正五月个天時，苦楝樹恬恬開都滿山坪，樹花跈風搖散，跌落歸地泥个白花，淡淡个花香，當餳人！也餳著歸陣个糖蜂，連吾這兜也想搵來食。 天光咧，屋外背个日頭跋都竹篙恁長，正一?床，斯試著已毋自在，心肝肚早早斯有按算咧。 「阿姆，分??兩角銀，好無？」一?床斯想愛討錢。 「你愛做麼个？」吾姆聽都清清楚楚，面一橫，厥聲像刀嫲恁利，面逼逼問??。 「??、??、想愛買枝冰食啦！」 「莫恁毋堪身分！還想愛食枝冰。」厥嘴在該唸，手無停途在該同??包飯包。講著飯包，肚屎斯會疾，根本都無半粒米，單淨細番薯兩條，醬薑嫲一垤。看著連當晝个飯包都無白飯，心肝肚偷偷愐：愛哪來兩角銀呢？ 在該愐个時節，吾手伸入阿姆个藍衫褂，摸著褲袋，無抓著「希望」，單淨譴滋滋个「失望」；吾姆無罵??，佢自家窿入褲袋肚掄 掄：音lemˇ；掏。 掄：音lemˇ；掏。 阿姆半譴半笑講：「阿姆正經無銀角啦，毋會騙你！」毋過，??無討著兩角銀，實在毋甘願！哪知忍毋核个目汁嗄溚溚跌，毋知哪項借膽恁敢，??斯搵落地泥下打潑賴，緊噭緊大聲。 「仰脣啊！為著兩角銀，你斯目濫鼻串 目濫鼻串：音mug^ lamˇ piˋ chonˋ 目濫鼻串：音mug^ lamˇ piˋ chonˋ；淚流滿面。 「日求三餐，夜求一宿」个日，毋單淨肚屎愛弓緪，皮乜愛弓緪，因致輒輒愛「食竹修」。看著阿姆轉身去壁角，??想這下死皺咧，遽遽跋?來，走都尾瀉屎，緊噭、緊走對學校去，吂知阿姆也無停手，跈核在尾項逐緊來，??越驚斯走越遽，走越遽吾姆斯逐越緪，一路走到三百公尺外个伯公下，腳步都毋敢停落來。 「細猴，毋好過走咧，阿姆走毋贏你啦。」聽著阿姆大氣轟天 大氣轟天：音taiˋ 大氣轟天：音taiˋkiˋpangˋ tien+；上氣不接下氣的樣子。 「你會擊 擊：音gidˋ；教訓、處罰。此特別指用竹子修理。??！」??半信半疑。「毋會啦！你愛帶大手巾去，係無，愛仰脣讀書呢？」??斡頭，看著阿姆擐核包好幾本書同番薯飯包个大手巾， 擊：音gidˋ；教訓、處罰。此特別指用竹子修理。 五月个日頭烈都人當毋著，福利社前長長个人龍，苦楝樹下跳格个細人，人人一枝枝冰，享受該枝冰涼涼、甜甜个味瑞，單淨??無枝冰。吾个