第九课尪仔上天.doc

PAGE 49 - 尪仔上天 吳正任 你敢捌去過「月世界」迌？彼个所在 ,是咱台灣上有名的塗礫仔1惡地 ,尤其是高雄縣田寮鄉崇德佮古亭地區 ,這箍籬仔2二十外公里範圍 ,屬「古亭坑層」;遮是全台灣分佈上闊 ,塗質透濫3石頭礫仔上少 ,發育上完整 ,嘛是上正範4(pān)的塗礫仔惡地。 「惡地」主要的生態,著是塗礫仔,現出佇塗跤面,僫5 (oh)得發草,山脈尖塕塕6,利劍劍;毋管日時抑暗暝,看去規片光映映7 (iānn),因為按呢,才予人號作「月世界」。 這款「海仁土」8,塗肉火灰9(hué-hu)色,無啥肥底,干但佇山的跤脊,會發淡薄仔疏疏的相思仔欉,遐的作穡人,會佇塗礫仔山谷 ,坉(thūn)土10圍作水埤仔; 踮溪埔種一寡仔芎蕉 ,檨仔(suāinn á),抑是棗仔,那菝仔等的農作物。 「尪仔上天」是指高雄縣內門鄉內東村,「安南宮」四箍籬仔,惡地山脈的特殊景致;惡地塗面,是由「塗指」(tsáinn)組成的,伊是附稠11( tiau )佇惡地外表彼層塗肉,受著風吹雨沃,年久月深的侵蝕12(tshim-st)作用,自然雕刻出來的。 「塗指」假若是天然的「塗尪仔」,幾仔千仙13,幾仔萬仙塗尪仔,黏佇塗殼,一仙疊一仙,挨挨陣陣,從(u?)山谷列排,一直疊上去,上山尾溜,親像欲跁上天頂仝(kang)款。 遮著是離「月世界」無偌遠,內門「尪仔上