快乐囡仔诗(9758KB).pptVIP

快樂囡仔詩 彰化縣頂番國小校長 楊振裕 01古錐囡仔兄 古錐囡仔兄 塗腳咧學行 行到門口埕 聽著粟（tshik）鳥仔聲 Tsí！tsí！tsiú！tsiú！真好聽 古錐囡仔兄 驚驚咧學行 跋一倒 哭甲真大聲 阿母講：心肝仔囝 寬寬仔（khuann-khuann-á）行 毋免驚 連鞭（Liam-mi）你就真 （gau）行 02 好朋友 好朋友 做伙來搩（kiat）球 你搩予我 我搩予你 歡喜笑微微（bi-bi） 好朋友，手牽手 相招幌（hàinn）千秋 我幌--過-來 你幌--過-去 快樂無憂愁 03 行棋 小妹佮小弟 歡喜咧行棋 你食我的馬 我食你的俥（ki） 食過來，食過去 實在真趣味 04 抽靈籤 抽靈籤，卜聖卦 祈求神明來點化 好代誌，加做寡 毋免咒重誓（tsuā） 包你輕輕鬆鬆 逐工攏快活 05 放風吹 阿兄佮小妹 仝齊放風吹 風吹飛啊飛 飛過白菜園 落落去（la?k-lo?h-khì) 田中央 06 阿爸親像山 阿爸親像一粒山 為阮日夜咧拍拼 驚阮熱，驚阮寒 一路佮阮來做伴