母亲节台语念谣.ppt

母親節台語唸謠 1.媽媽你是我的世界 2.搖嬰仔歌 3.十二生肖 4.金針花 5.你疼我我愛你 1.媽媽你是我的世界 嬰仔的時代 佇你腹肚內 媽媽你是我的世界 自細漢以來 佇我心肝內 媽媽你是我的最愛 2.搖嬰仔歌 嬰啊嬰嬰睏 一眠大一吋 嬰啊嬰嬰惜 一眠大一呎 搖囝日落山 抱囝金金看 囝是阮心肝 驚你受風寒 3.十二生肖 一鼠暗偷食 二牛會拖車 三虎滯深山 四兔目珠赤 五龍無影隻 六蛇免跤行 七馬人愛騎 八羊草作伴 九猴身咩掠 十雞叫透早 十一狗守門埕 十二豬上好命 4.金針花 五月風微微仔吹 我予阿母一張批 批頂閣畫一束花 啥乜花 金針花 金針花 畫六蕊 雖然畫了無真水 毋過代表我愛阿母伊 5.你疼我 我愛你 好日子 歹日子 媽媽攏咧關心你 離遠遠 離近近 媽媽攏是遐爾親 媽媽了解我心意 伊上知影我脾氣 媽媽你是我知己 你疼我我愛你 * * *