100年全国语文竞赛台湾客家语朗读稿（北四县腔）.docVIP

101年全國語文競賽客家語朗讀文章國中學生組（海陸腔） 編號1號 【臺灣欒樹】江昀 原作 秋天个面貌當多，有溫度个變化、心情个起落，還有季節个變換。 逐年秋天一到，臺灣欒樹就在寶島滿哪綻放，無論公園、學校、植物園，尤其係高速公路兩片，滿哪都做得看著青里里个樹椏頂，掛等細細圓圓黃色星仔型个花蕊，特別餳人看。細黃花謝忒後，黏時就結成一串一串三角粽仔型磚紅色个果子，膨到像雞胲仔樣，又像千萬隻細燈籠吊在樹頂，盡生趣。跈等果子又轉變暗紅色，樹頂同時出現黃花、磚紅色果子摎暗紅色果子，吊到樹尾頂紅羅花色當鬧熱，暗紅色个果子又變到燥絲絲轉淺豬肝色，樹葉仔乜因為燥黃來離枝，風一吹就像係落黃金水樣，靚靚个落花像在該跳舞，摎樹下舖到一片金黃，害人个目珠擘就毋開、靚到奈毋得。臺灣欒樹一年四季就像舞臺頂个變裝秀，變出豐富多彩个色目，係植物界難得个特殊樹種，珍貴又稀少。聽講除忒在臺灣以外，別个所在當難看著這種樹仔，這正係臺灣秋天个色調。 臺灣欒樹，別名苦楝舅、四色樹、臺灣欒華、臺灣金雨樹等等，名列世界十大名樹之一，輒常在臺灣各地个行道樹看著。做得成為行道樹定著愛奈得起嚴條个生長條件，欒樹有防汙染、耐燥旱、吸收噪音等功能，係盡優秀个行道樹。 還細時節，對這種樹仔無麼个印象，這恁多年嗄????風在各地繁衍起來，就像係臺灣个政治、人文、科技、資訊等等，甚至生活步調、飲食文化恁樣，隨時都在該變化、在該更新。臺灣特有原生種个欒樹，怕係早就適應新个環境，乜開始出現在俚這兜个生活裡肚。 臺灣欒樹个生命韌度堅強，一年四季變化多端，還有罅長个花季，一再點著臺灣秋季个天空，代表臺灣欣欣向榮个燒暖色調，成為秋天最本土个色彩。 101年全國語文競賽客家語朗讀文章國中學生組（海陸腔） 編號2號 【百善孝為先】黃詩婷 原作 頭擺人講：「一等人忠臣孝子，兩件事讀書耕田。」昔時賢文講「千萬經典，孝義為先。」俚這兜從細讀个三字經裡肚乜有講：「首孝悌，次見聞。」還過，青年守則第二條：「孝順為齊家之本。」這兜全部都係提醒俚「百善孝為先！」做人最基本个就係做一個賢孝个子女。 「食水愛念水源頭，食果子愛拜樹頭！」係摎俚講，愛做一個知得感恩个人。「感恩」係盡重要个，知得感恩个人，就定著係一個知好有孝爺哀个人。該愛仰般形做，正係有孝呢？俚除忒愛煞猛讀書、照顧好自家个身體健康、莫分爺哀愁慮以外，平常時一定愛多??手做屋下事，像洗碗、撿揫、掃地泥、抺地泥、晾衫，還過摎自家个書桌摎間房整理淨俐，都係俚這兜細人仔做得著个輕可事，毋好推懶，毋好摎兄弟姊妹監來監去。人講个：「家和萬事興！」毋會差，共屋下人毋好冤家羅債，毋好動啊著就惡擎擎仔，愛聽阿爸阿姆个話，乜毋好摎爺哀堵堵撐撐！恁樣，家庭就會和和挼挼，也正會幸福！ 記得有一日，??婆在亭仔下摎鄰舍譫哆，突然間，??聽著阿婆敨大氣講：「唉！枉費??恁惜??个孫仔孫女，佢兜緊大嗄緊毋講客家話，佢這兜講个話??又聽無麼个識，這下啊，兩子阿婆嗄變到無麼个話好講了！」??聽了後，目汁差一息跌出來！續等，??又想著阿爸長透咄??講：「細人仔毋講客家話，阿公婆都會?起來罵！」??知自家實在不應該！過後，??就盡量用客家話去摎??公??婆打嘴鼓。漸漸仔，看著佢兜緊來緊有笑容，??正知，只愛開口多講客家話，就會緊講緊滑溜，就做得摎阿公阿婆溝通，摎佢兜變到較有話好講了。原來，講客家話乜係有孝个一種表現哦！ 老古人講：「千跪萬拜一爐香，毋當生前一碗湯。」無毋著，俚毋使等下二擺大了賺錢正來有孝，驚怕該當時，想愛有孝就來毋掣了！愛做一個有孝个子女，毋係用嘴講講啊就做得，係愛從平常時个生活裡肚做起，愛從這下開始做起正著！ 101年全國語文競賽客家語朗讀文章國中學生組（海陸腔） 編號３號 【老崎】黃詩婷 原作 ??戴在苗栗縣頭份鎮个東北片，一位安到「老崎」个社區肚，社區後背係一層層青溜溜个矮山仔，面頭前个山腳下，有一條又大又彎个「中港溪」，青山綠水，十分个靚。 ??个社區會安到「老崎」，係因為該搭仔有一條當竳个崎。該條崎嶇到斷真會「上崎揬鼻公，下崎磨髻鬃」呢！蹶崎盡得人畏，??逐擺都蹶到氣急急仔，強強會挷氣毋上頸了！莊肚，不管老嫩大細，大家上上下下全部都愛在該條崎出入，所以，社區肚儕儕人个「腳力」都特別好，特別个砸磳！ 社區个後背，有兜水果園，種已多水梨樹摎柿仔樹，除忒果園，大部分都係茶園，像??屋下个四圍，做下就係青里里个茶樹。莊肚个人家大體都係做茶，雖然這下較少聽著山歌唉天了，毋過，做茶時節，滿山都係戴等笠嫲、揹等?公、背痀痀在茶園肚摘茶个叔婆、伯姆，滿哪仔都鼻得著叔公、阿伯煞猛做茶焙出个陣陣香味，非常餳人！莊肚出个「膨風茶」，食了會回甘又耐泡，銷路一等好哦！ 社區背係頭份鎮盡有名个「後花園」，毋單淨空氣好，風景還較靚，係一位盡值得遶尞个好所在！人講：「飯後百步行，壽