粤语版搞笑婚礼誓词.docxVIP

粤语版搞笑婚礼誓词 （一） 粤语搞笑结婚誓言：老婆老婆嫁畀我 老婆老婆嫁畀我， 今生只爱你一个。 每月家用任你攞， 你话企我唔敢坐。 若然我有乜做错， 激到老婆把几火。 罚我跪地顶菠萝， 冇饭食兼挨肚饿。 老婆老婆嫁畀我， 婚后家务一再多。 洗衫煮饭把地拖， 我嚟搞掂冇啰嗦。 我洗碗时你睇ball， 为你打造安乐窝。 晚晚陪你唱情歌， 包你冧到笑嗬嗬! 老婆老婆我爱你， 今生今世在一起。 时时刻刻牵你手， 共你一生到白头。 （二）粤语搞笑结婚誓言：《爱的宣言》 1. 老婆话一，我唔会话二 2. 洗衫煮饭我乐意 3. 人工全部都奉献 4. 孝顺双亲我愿意 5. 行街买野我卑钱 6. 无论大小事，都问过老婆意见 7. 百般迁就，永不返议 8. 一心一意，无微不至 9. 服侍老婆系我大志 本人在此立誓，请各位兄弟姐妹见证 签署:--------- （三）粤语搞笑结婚誓言：宾仔娶老婆 我 (新郎名称) 娶靓老婆，洗衫煮饭唔厌多 买餸拖地兼按摩，做埋宾仔唔太过 全副身家归你管，出粮过户俾老婆 求求老婆帮帮我，快快趣趣生番个 咁样唔算好太过，齐齐开心过世啰! 总之我保证我会比之前更加爱妳、钖妳、令妳成为呢个世界上最幸福快乐既x师奶。 (新娘名称) 我爱妳! 见证人：各位乡亲父老、叔伯兄弟、靓仔靓女 一生一世爱妳既宾仔 (新郎名称) 老公仔 签署：________________ 终身合约做宾仔 日期：________________ （四）粤语搞笑结婚誓言：最听话的老公 给至爱的老婆大人 (新娘名称)： 经济大权在妳手，每日廿蚊我就够 洗衫煮饭无叫抖，做牛做马又做狗 老婆生日年年有，一定送车又送楼 外母竹战场场赢，斟茶递水好帮手 猪朋狗友约饮酒，老婆say no无得走 见到靓女掉头走，如果唔系打到呕 努力搵钱养成窦，朝六晚九唔驶抖 床上功夫识唔够，记得请教d老友 今日决定接妳走，与妳永远长厮守 儿孙满堂福气够，共谐连理到白头! 最听话的老公仔 (新郎名称)上 （五）粤语搞笑结婚誓言：老婆嫁俾我 今日我要娶老婆，因为我已经大个 最想有个安乐窝，仔仔女女一箩箩 唔驶一世食白果，从此生活乐趣多 老婆规矩虽然多，对我严厉要求苛 终日啰啰又唆唆，对我日哦又夜哦 但求老婆笑嗬嗬，一一遵守又如何 成份粮比晒老婆，速磅cash快夹妥 每月家用任你攞，剩番散银得几个 无得再饮酒唱歌，乖乖在家同妳磨 捶骨推拿同按摩，家务我做快又妥 洗衫煮饭唔懒惰，洗完碗切埋生果 用完扫把用地拖，顺手洗埋个厕所 若然我有咩做错，激到老婆把几火 跪地斟茶勐耳朵，以后只企唔敢坐 日后唔敢口多多，求求老婆饶恕我 将来我头发稀疏，大肚腩个背又驼 痴痴呆呆戆夹傻，如果你唔嫌弃我 在座各位听清楚，老婆老婆嫁俾我! （六）粤语搞笑结婚誓言：锡晒老婆仔 (新娘名称)、(新娘名称)我爱妳 老婆大人今日起，以后生活幸褔到痺 供楼水电我咩起，我d零用由妳俾 prada、gucci随妳喜，最紧要系妳欢喜 对妳家人体贴又入微，欢迎外母住埋我地屋企 对妳朋友关照到飞起，介绍好仔俾佢地 对妳我就温柔到痺，生生世世陪住妳 总之我由今日起，生命里面只有妳 (新娘名称)、(新娘名称)、我锡晒妳! （七）粤语搞笑结婚誓言：一生一世只爱妳 一生一世只爱妳，我爱(新娘名称)情不变 一生为奴无怨言，买餸煮饭我做先 洗衫拖地我都掂，家用俾足无拖欠 名牌任买随得妳，最紧要系妳欢喜 唔嫖唔赌唔食烟，笃波赌马问你先 总之我由今日起，生命里面只有妳 以后妳话点就点，立下此誓永不变! (新娘名称)、(新娘名称)、我爱妳 (新娘名称)、(新娘名称)、我爱妳! （八）粤语搞笑结婚誓言：爱妻十条 老婆冲凉时要量好水温，捶骨擦背：不得有贪图私欲之行为。 老婆扫货时要勇于付款，帮手拎野：不得有不情不愿之行为。 老婆煮饭时要赞不绝口，食多几碗：不得有厌叁厌四之行为。 老婆训觉时要炎夏扇风，寒冬暖被：不得有打唿抢被之行为。 老婆训话时要两手贴紧，立正企好：不得有心不在焉之行为。 老婆不在时要朝思暮想，守身如玉：不得有偷鸡摸狗之行为。 老婆敷脸时要提供方法，以身试法：不得有哈哈大笑之行为。 老婆生气时要扮猪扮狗，讨你欢喜：不得有不理不睬之行为。 老婆打我时要任其蹂躏，谢主隆恩：不得有还手瞪眼之行为。 老婆审问时要发誓赌咒，以表忠诚：不得有漫不经心之行为。