第一场（家中客厅有点零乱，地上放着几个纸皮箱。妈呆没精打采地整理杂.PDFVIP

第一场 （家中客厅有点零乱，地上放着几个纸皮箱。妈呆没精打采地整理杂物，大姐Jessica忙 于执拾杂物，二妹阿君在窗台料理盆栽，三妹拿着放大镜，伏在玻璃窗前，像在研究 甚么似的。） 细妹 ： 话！原来我对面屋咁近…咦？对面嗰个女仔着得咁似熊猫慨。（笑） Jessica ：（烦躁地）快执埋你啦！ 细妹 ：（紧张地）大家姐，我发现窗上面有好多手指摸呀。窗门明明抹干净哂…… 一定有可疑 ！ Jessica ：（大声责骂）拎翻你侦探小说入房呀！ 细妹 ：（自言自语）而家间房咁细，拎入去都唔知摆去边！（不愿意地拿着小说入房） （突然发现盛小说的纸皮箱内有一张相片）咦？全家福嚟嗰喎！ （阿君听到全家福三个字立刻走去看看） 阿君 ：我 ！（抢回相片后回到窗前） （Jessica手提电话响起，她一面执拾，一面接听。） Jessica ：喂！乜嘢话？佢明明擒日系老细面前哋个喎，口是心非！……咁又系，呢 人Office都见唔少……系呀，（故意大声）都话搬屋咯，仲执紧呀，迟 啲先同你讲啦！（挂线） （细妹自房中出） 妈 ：你咁唔钟意话咪搬番去同你Daddy住啰。 Jessica ：你估我唔想牙！如果唔系担心两个妹，我根本唔会跟你走。（说罢入房） 妈 ：你……（对阿君）你睇下你家姐…… 阿君 ：（听得不耐烦，欲离家。）我落街买饮呀。 妈 ：咁你顺便拎埋呢盒垃圾DUM啦。 阿君 ：（走近妈前拿起那盒垃圾，望望纸盒内的一盏灯）呢个都DUM ？ 妈 ：正话搬跌烂啦！ 细妹 ：爸爸送俾你慨生日礼物嚟嗰喎！整唔番咩？ 妈 ：（激动地）烂就烂啦！边有得整慨啫？ （阿君刚开大门，惊见门外站着一名穿黑白衣服、打扮入时的少女。） 佳佳 ：你好！……哎，吓亲你牙？其实我准备钟喇。 阿君 ：你……（佳佳被室内布置吸引着，探头入内。） 细妹 ：咦！我头先咪窗度见到你慨？ 佳佳 ：（热情地）系呀，我住隔离，我间房个窗可以望到你，可以随时打招呼 ！ Jessica ：（自房中出）你系边个呀？ 佳佳 ：（伸手）我姓方，叫方小佳，你叫我佳佳，亲切嘛！ 细妹 ：佳佳？（失笑）你真系叫做佳佳牙？ 佳佳 ：系呀！你哋执日一定好喇，呀！我嗰边有好多呀，我拎过嚟 妈 ：唔驶客气喇，我个女会落去买喇！ 佳佳 ：（热情地对阿君说）你买饮唔好去楼下间超级市场呀，行多两步去街口间陈记 ，平好多 ！……咦！想DUM 垃圾牙？等我啦！（抢过纸盒）我帮你拎去后 楼梯 ！（看见盒内那盏灯）咦！仲好靓喎！…… 妈 ：阿君，仲企做咩呀，快啲行啦！ 佳佳 ：咁……咁好啦，走先喇，有乜要帮手随时搵我 ！ Jessica ：唔送喇！（细妹关上大门） 有乜要帮手随时搵佢？呢个世界仲边有咁好人！ 信佢都傻。 妈 ：细妹，你去冲凉先啦，费事一阵又争厕所用呀。（细妹入房） （电话响，妈接听，Jessica在旁留神地听。） 喂……你仲打做咩呀？……平心静气？我好声好气咁问多你一两句，你就嫌我烦， 话我唔信你……而家好啦，系你自己话要离婚咁我咪同啲女搬走啰，你仲想点 啫？……总之……我同你冇讲，唔该你以后唔好再打。 （挂上电话）（望向Jessica ）唔知点解你Daddy有我新电话号码呢？ Jessica ：我点知呀……（明白）仲咩呀？怀疑我牙？……有咪直接问啰！ 妈 ：冇呀！我冇话系你呀！ Jessica ：你冇？傻都听得出啦！ 妈 ：我就咁问之嘛！ Jessica ：系咩？你根本就系唔信人，而家搞到要搬屋，都系因为你唔信Daddy 。 妈 ：因为我？而家系佢话要离婚 ！ Jessica ：就系因为你成日唔信佢，佢忍无可忍，先至会冲口而出话要分开。 妈 ：总之呢系我同你爸爸之间事……你唔会明喇。 细妹 ：（在洗手间大喊）妈咪，妈咪，毛巾呀！（妈离开客厅） （阿君拿着饮品回家） Jessica ：你同Daddy之间？咁我同你呢？咪又系一样。（落漠地坐在沙发上） 阿君 ：（把饮品递给Jessica ）饮嘢啦！ Jessica ：（难过）我都唔明妈咪，仲乜要搞到个屋企散晒！ 阿君 ：（平静地）佢都唔想。 Jessica ：如果佢唔想搞成咁，佢就唔应该成日怀疑Daddy ，分分钟都check住Daddy做紧 乜。 （Jessica 的手提电话响起）喂！…嗰份嘢点