〈世界文化多样性宣言〉全文.PDFVIP

〈世界文化多樣性宣言〉全文 【漢羅 白話字 台文版】 UNESCO 2001 年 11 月初 2 tī巴黎 第 31 次全體會議通過 ê 決議 大會 大會為著重視完全實現《世界人權宣言》kap 1966 年有關公民權 kap 政治權，以 及有關經濟、社會 kap 文化權 ê 兩項國際公約，hām 其他普遍認同 ê 法律文件中 所宣布 ê 人權 kap 基本自由， 咱看早前 UNESCO 《組織法》踏話頭內底所確認 「文化ê 大力宣傳 kap 為著正義、 自由 hām 和平所做 ê 教育，是維護人類尊嚴 bē-sái 欠缺 ê 行為，嘛是逐國關心互 助 ê 精神 kap ài 實踐 ê 神聖義務， 咱 koh 看，《組織法》第一條特別規定UNESCO ê 宗旨之一是「制訂必要 ê 國際協 定，方便咱運用文字 kap 圖像來促進自由思想 ê 交流」， 1 參照 UNESCO 所頒布國際文件內面， 有關文化多樣性 hām 文化權利行使 ê 逐項 條款 ， 內面重申應該 kā文化看做是某一个社會抑是某一个社會群體特有 ê 精神、物質、 智力 kap 感情方面無仝特點 ê 總合。除去藝術 kap 文學之外，文化 koh 包含生活 方式、鬥陣做伙 ê 方式、價值體系、傳統 kap 信仰，2 警覺著文化是咱當代關係特性，社會凝聚力 kap 用智識做基礎 ê 經濟發展所引起 ê 辯論中心點 ， 阮 mā確認佇互相信任 kap 理解 ê 氣氛中，注重文化多樣、寬容、對談 kap 合作， 1 Chia ê 國際文件主要有：1950 年《Florence Agreement 》，1976 年《Nairobi Protocol 》，1952 年 《Universal Copyright Convention 》，1966 年《Declaration of Principles on International Cultural Cooperation 》， 1970 年《Convention on the Means of Prohibiting and Preventing the Illicit Import, Export and Transfer of Ownership of Cultural Property 》， 1972 年《Convention for the Protection of World Cultural and Natural Heritage 》，1978 年《UNESCO Declaration on Race and Racial Prejudice 》，1980 年《Recommendation concerning the Status of the Artist 》，1989 年《Recommendation on Safeguarding Traditional and Popular Culture 》。 2 這是根據世界文化政策會議（MONDIACULT ，Mexico City ，1982 年），1995 年 ê 世界文化 kap 發展委員會 kap 政府之間文化政策促進發展會議（Stockholm ，1998 年）綜合結論所落 ê 定義。 1 這是國際和平 kap 安全上好 ê 保障， Ǹg-bāng 咱會使佇確認文化多樣性，認識著人類一體，kap 文化間交流發展 ê 基礎 頂面建立 koh khah 闊 ê 團結， Koh 顧慮著雖然因為新 ê 資訊 kap 傳播技術 ê 快速發展造成全球化 ê 進行，這對 文化多樣性來講，chiâⁿ做另外一項 ê 挑戰，̄-koh 這嘛創造一个新 ê 文化 kap 文 明中間對談 ê 環境， 阮體認 UNESCO 佇 UN 系統中，受付託保護 kap 促進豐富多彩 ê 文化多樣性 ê 特 殊職責， 宣布下面 ê 原則，koh 通過下底 ê 宣言： 特性，多樣性 kap 多元化 第1 條 文化