第1A级阅读理解测验1-1 －Ka-sàu (咳嗽).PDFVIP

第 1A級閱讀理解測驗 1-1. －Ka-sàu (咳嗽 ) Ka-sàu (咳嗽 ) 張復聚 先生驚治嗽，塗水驚lih 漏，總舖師驚食晝。世間三項 pháiⁿ剃頭， ka-sàu 排做頭。 Ka-sàu ê 原因真 chē ，上根本--ê 是 Sàu-kin(cough receptor)受刺激； Sàu-kin 主要tòa tī呼吸系統（咽喉、肺管、細肺管、幼肺管 kap 肺 phk-á ），mā 有 tòa tī食道 kap 胃 --ê 。刺激分四種： 1.化學性 --ê ，像空氣--ni ê 硫化物 (sulfur dioxide) 、臭氧(ozone) 、一氧化碳 (carbon monoxide) 、鉛(lead) ，也就是工廠kap 汽機車放 -- 出來ê 「臭屁」--la ！ 2.溫度變化， siuⁿ kôaⁿ 、siuⁿ 熱。 3. 物理性--ê ，肺管內iah 是肺管外有血筋瘤、生癌 ê時，會 teh 著肺管。 4.發炎，像 K.M. （感冒）、肺管炎、肺癆。 這四種原因，有 kóa 重疊 ê 所在，有 ê嗽，原因 mā ˜-tāⁿ kan-taⁿ 一種 niâ 。 Lán lóng 知影 he-ku喘 (bronchial asthma) 『氣喘』ê 人éng-éng lóng 會嗽， mā會喘， ˜-koh 有一種號做 Cough asthma ê 病，患者kan-taⁿ會嗽， bē喘。 Lán teh嗽 ê時， ài 考慮幾點： 1. 急性iah 慢性？ 2.有發燒 -- 無？會hihⁿ--bē？ 3.有痰 -- 無？若有，siáⁿ 款痰？ 4.有特殊病況 -- 無？（同性性關係？食薰？環境因素？注m-hui ？） 急性ê ka-sàu 普通 lóng 是 K.M. ，若無就是肺炎；若肺炎，一定有發燒， 而且會燒到40 度 C. hia 。若ka-sàu koh嚨喉會疼、 sau 聲， he 就是咽喉肺 管炎； Iah 若鼻 á 過敏 --ê ，鼻水倒流（tó tī眠床 ê時） mā會引起 ka-sàu ， 這款嗽是慢性 --ê 、久長--ê （鼻á 過敏是醫 bē 離療--ê ）。 有一款嗽，嗽聲像狗 leh吠，破 chhh 破 chhh ，台語我kā號做「破 chhh 嗽」 (barking cough) ，若兩三歲 ê 細漢 gín-á 有這款症頭， chiok pháiⁿ-khang ， ài 緊送去入院做呼吸補助治療 （插一條管入去肺管內），若無，發炎siuⁿ嚴 重會 kā肺管 that掉 -- 去，有可能幾點鐘內一命烏有-- 去，這種病叫做Croup 『哮吼』。 時間 mā ài 考慮，暝 --時 khah gâu嗽，可能是鼻水倒流， mā可能是心臟 衰弱， tó tī眠床 khah 會嗽 ，peh 起來坐 --le 就 khah bē 。 我bat tú 過一個嗽 chiok 久lóng bē 好--ê ，尾--a 為著胃 cho-thiàⁿ 去做胃 鏡，發現胃潰瘍，食胃藥 á kā胃醫好，嗽也就好 --去a 。Che 就是講胃 --ni mā 有 sàu-kin 。 1 檢查痰 mā 真要緊，痰真chē 、味臭臭、黃gìm-gìm ，可能是肺管擴大破 --去，可能是肺eng(lung abscess) ；痰有血絲koh 生波，可能是心臟無力引起 肺積水 (pulmonaryedema) ；痰chiok chē chiok chē，像lô-liâm-nōa ，可能是肺癌。 身體檢查mā ài 注意，嗽chiok 久，有時發燒，人sán-- 去，ài 想