我的故乡--查某厝文稿.DOC

傑：各位評審、各位貴賓逐家好 阮是查某隊，今仔日我佮阮阿母欲共逐家紹介的是＂我的故鄉－ 　　查某厝，我的故鄉查某厝是佇咧嘉義縣水上鄉的一个庄頭，離 我這馬咧讀的學校—水上國小大約只有五百公尺而已，伊這馬的 名叫做龍德社區。欲講阮的故鄉進前，我先大約的紹介我的學校 乎逐家熟識，我的學校—水上國小。水上國小佇民國前十年以嘉 義公學校分校的名義招生開辦，嘉義公學校亦就是今馬的崇文國 小。到了民國前九年，正式獨立，校名改做水掘頭公學校，創校 當初，因為當時民智未開，又閣觀念保守，來遮就學的囝仔攏是 查圃囝仔佔多數。民國十年因台灣的地方制度改制，水掘頭庄改 名為水上庄，本校校名亦對咧改做水上公學校，當時伊的學區真 濶，親像這馬的柳林國小、大崙國小佮北回國小等等的所在佇當 時攏屬於水上公學校的學區。經過了幾遍的變革了後就是這馬的 水上國小。 母：阮龍德社區佇日本時代社區內就有十一口水井所以對古早時代就 號做「十一井厝」(圖為水井遺址)，後來因為日據時代筆誤寫做 「十一指厝」，而外地人攏叫阮這个社區為『查某厝』，為什麼外 地人會叫阮遮是查某厝呢?因為佇日本時代，阮庄內的查圃人攏去 做兵無返來，庄仔內攏春查某囝仔，所以外地人就佮阮庄號做『查 某厝』，光復了後又閣因為社區的信仰中心「龍德宮」神明起駕指 示，社區地靈人傑有祥龍聚集佇這，因而佇民國三十五年才閣改 名叫做「龍德村」。 傑：阮查某厝的位置佇叨位呢？阮龍德社區的北爿面是萬能路、東爿 以台一線為界、南爿面是東西向（82）號快速道路、西爿面是南 靖大排水溝，交通非常的方便，住佇遮的人大部份攏是做穡人， 社區居民除了外位遷入來的以外、主要以姓林的佔多數，差不多 占七成。 母：這是要進入我們龍德村入口的圓環〈定定有外地人來到遮攏會行 毋對路〉，不張持就行入我們社區～逝逝咧！ 傑：龍德宮是我們社區的信仰中心 ，服侍謝府將軍，我們常佇遮舉辦 　　社區大型的活動，每年的農曆10月是伊的生日，阮攏會舉辦謝神 　　的大拜拜。 母：嫁出去查某囝的尪婿叫做囝婿，下輩稱呼做「姑丈」，龍德社區有 一位很特別的「姑丈」伊不是「人」，而是一位「神」，伊就是「開 璋聖王:陳元光 」 傳說佇真早真早以前佇彼个還無自來水的年 代，社區內的查某人攏會到社區內的嘉南大圳邊洗衫，彼一天都 好有神明迎鬧熱經過省道台一線，一位少年又閣真媠的查某囝仔， 都好佇水圳邊咧洗衫，雄雄水面浮出一个緣投的查甫囝仔，查某 囝仔壞勢毋敢夯頭看，心肝內暗暗仔歡喜，心內咧想講毋知是叨 一家的公子，哪是會凍佮伊結為尪仔某毋知有外好，突然間水面 紲流來一腳戒指，這个查某囝仔就馬上佮挈起來掛佇指頭裡，經 過數日後這位查某囝仔得著了相思病，一病就袂起來，佇彼个醫 療無發達的年代，庄腳人只要有疑難雜症攏會燒香問神，經過神 明的指示知影查某囝仔愛著了「開璋聖王:陳元光 」，無外久查某 囝仔就往生了，村民相信「開璋聖王」來佮她娶走啊！因此就有 『查某厝姑丈』的稱號，每年「龍德宮」謝神做戲村民就會前往 嘉義市城隍廟迎接『查某厝姑丈』返來看戲並接受香火佮參拜。 傑：這條嘉南大圳就是阮遮的稻仔呷的水，阮這的農作物大都數攏種 水稻、引嘉南大圳的水來灌溉。 母：佇阮遮都好有北回歸線經過，佇北緯23.5度閣加上有嘉南大圳的 活水，根據傳說大圳完工了後日本工程師「八田與一」陪同當時 的日本大正天皇巡視並將收成的米品嚐了後呵咾仔會觸舌、才指 定這的米為「御膳專用米」，佮伊號做「大正米」。除了稻仔以外、 瓜仔類的農作物攏真乎人呵咾，真是「好水、好地理、種出好果 子」。 傑：這是我佇咧走找十一口井由來的過程中，無意中發現了阮這的老 祖先留了來hi no ki a的百年古厝佮阮林家祖厝的神桌。 母：阮的新厝邊－白人齒膏工廠，伊這馬有開放予人參觀，毋但按呢， 只要你去參觀伊閣有「有獎徵答」，予你有吃閣有掠哦！ 傑：本社區有「總幹事之故鄉、鄉長的搖籃」的美名，社區的人非常 團結，逐拜選舉只要社區內有人出來選地方官員或是農會總幹 事，逐拜攏會選著。親像………..(說出幾個較有代表性的人物) 母：好水、種出好果子，阮遮介高尚的伴手禮 農民種植的蜜世界佮狀元瓜，甜閣好吃，吃到的人攏呵咾仔會觸 舌，但毋是隨時來攏吃的到的哦! 傑：阮遮的阿嬤攏真勤儉閣抾拾，這馬我就來紹介兩道阮遮的阿嬤做 的營養閣好食的私奇菜；每年那到西瓜咧大出的時，ē佮食賰的 西瓜皮削削咧，也就是佮皮內底的紅果肉佮外面