在校生致词台语版.DOCVIP

文元國小99年世界母語日宣導活動—母語戲劇跤本 「憨囝婿拜年」 Gōng kiánn-sài pài-n? 演出時間：99年1月20日朝會 演出地點：文元國小司令台 人物介紹：丈人/花菜伯仔/蔡明錡老師飾演 丈姆/花枝姆仔/吳淑媛老師飾演 大漢查囝/花露露/鄭如真老師飾演 大漢囝婿/客家人/林 娟老師飾演 細漢查囝/花葛葛/王金英老師飾演 細漢囝婿/達悟族/曾天來先生飾演 劇情簡介：金虎年到囉！花菜伯仔嫁出去的兩个查某囝佇正月初二欲轉來後頭厝拜年，伊一个囝婿是客家人，一个是原住民(達悟族)，會發生啥物趣味的代誌咧？請逐家看落去…… 花菜伯：老的，今仔日食菜哦！ 花枝姆：毋是啦！今仔日是正月初二，查某囝欲轉來啦！ 花菜伯：真好真好，看時間嘛咧欲到厝啊！ 花露露：阿爸、阿母，我轉來啊！ 花菜伯、花枝姆：是大漢查某囝轉來囉！ 大漢囝婿：阿爸、阿妹…… 花枝姆：那會叫我阿妹咧？我已經無少年囉！ 花露露：毋是啦！「阿妹」是阿母的意思啦！來，逐家對伊讀一遍……(阿妹) 大漢囝婿：這是客家福菜佮桔醬，送予恁食…… 花枝姆：你講啥物「醬」啊？ 花露露：是「福菜」佮「桔醬」啦！來，逐家對伊讀一遍……(福菜、桔醬) 大漢囝婿：這是花露露上愛食的「剁盤雞」(tok-phai-kai)啦…… 花枝姆：是啥物「足歹改」啊？ 花露露：毋是啦！「足歹改」是客家話「白斬雞」的意思啦！來，逐家對伊讀一遍……(剁盤雞) 花枝姆：真好真好，恁先入去歇睏一咧。 花菜伯：細漢查某囝那會抑袂轉來咧？ 花葛葛：阿爸、阿母，我轉來啊！ 花菜伯、花枝姆：是細漢查某囝轉來囉！ 細漢囝婿：Yama Gone, Ina Gone.(爸爸媽媽好) 花菜伯：新正年頭伊那會欲共我摃咧？ 花葛葛：毋是啦！「Yama Gone, Ina Gone.」是達悟族語「爸爸媽媽好」的意思啦！來，逐家對伊讀一遍……(Yama Gone, Ina Gone.) 細漢囝婿：Ma Ga Bi Ya Da Mou.(祝福新年快樂) 花菜伯：伊是欲請我啉咖啡nih？ 花葛葛：毋是啦！「Ma Ga Bi Ya Da Mou.」是「祝福新年快樂」的意思啦！來，逐家對伊讀一遍……(Ma Ga Bi Ya Da Mou.) 細漢囝婿：Wu Ya Wu Wagai, Gano Ben-neou.(這是送給長輩的地瓜和南瓜) 花菜伯：伊是咧講啥物「碗糕」啊？ 花葛葛：毋是啦！「Wu Ya Wu Wagai, Gano Ben-neou.」是欲送予你的番薯佮金瓜啦！來，逐家對伊讀一遍……(Wu Ya Wu Wagai, Gano Ben-neou.) 花枝姆：真好真好，逐家攏出來拜年囉！ 花菜伯、花枝姆：祝逐家恭喜發財、新年快樂！ 花露露、大漢囝婿：祝逐家恭喜發財、新年快樂！(客家話) 花葛葛、細漢囝婿：祝逐家恭喜發財、新年快樂！(達悟族語) 全體演員：多謝逐家！