一袋咖啡豆仔煮几杯咖啡.pptVIP

作者:臺中市陳平國小劉孟宜 一袋咖啡豆仔煮幾杯咖啡 最近物資起價，電費、油錢攏比往過貴真濟，阿明的媽媽想講：一杯咖啡四、五十箍，若是買咖啡豆仔轉來磨做咖啡粉，家己煮咖啡的確算較會和。 阿明的媽媽隨走去咖啡專賣店，伊問頭家講：「頭家，我想欲買『藍山』的咖啡豆仔。」 頭家講：「阮的咖啡豆仔攏是規袋的，無咧賣零星的呢！」 阿明的媽媽講：「無啦，我毋是欲買零星的，我是講藍色的藍，山頂的山——藍山牌的咖啡豆啦！」 頭家講：「謼，按呢喔！阮的咖啡豆仔有分幾若種無仝款的包裝，有兩磅、一磅、半磅、四分之一磅，請問妳欲買佗一種？」 閱讀資訊---1 阿明的媽媽講：「我想欲半个月換一種無仝款口味的咖啡，毋知愛買佗一種較適當？」 頭家問講：「抑，妳是煮大杯抑是細杯的？」 阿明的媽媽講：「喔！我攏用『馬克杯』的！」 頭家閣問講：「抑，妳是啉較厚的抑是較薄的？」 阿明的媽媽講：「我嘛毋知影是較厚的抑是較薄的，毋過，煮出來的咖啡攏是咖啡色的！」 頭家聽甲霧嗄嗄，氣怫怫講：「太太～～，咖啡是按怎號做咖啡咧？因為，咖啡煮出來，本來就是咖啡色的啊！ 兩个大人攏毋知影，一袋咖啡豆仔到底會當煮幾杯咖啡！ 閱讀資訊---2 這个時陣，聰明的阿明問頭家：「請問，恁攏用佗一種湯匙??咖啡豆仔？」 頭家對櫃檯提出一支塑膠湯匙，講：「阮攏用一支，這號做咖啡的『８克匙』，煮一杯咖啡??一湯匙。」 各位小朋友，聰明的阿明敢會當算出一袋咖啡豆仔煮幾杯咖啡？ 閱讀資訊---3