四腔-106全国语文竞赛.DOCVIP

106年全國語文競賽客家語朗讀文章國小學生組（四縣腔） 編號1號 【??行過个一條山路】黃火盛原作 記得??略略仔知人我个時節，有一擺阿公摎阿爸講，想愛去仙山擐仙水，該央時??想：仙山怕係歇當多神仙，該兜神仙逐日食个水，就怕係安到仙水，食吔仙水會像神仙樣仔無愁無慮，日日就做得樂線樂線。 過幾日，吂天光，阿公七早八早就?床，喊阿爸載佢去擐仙水，??同阿爸講??乜想愛去，阿爸講做毋得，阿公顛倒講毋怕，分佢跈，係講半路仔打頓屈毋行，轉來皮愛弓較緪兜仔，??摎阿公打賭絕對毋會。就恁樣??跈阿公坐等阿爸个車仔出發去仙山，上車無幾久，??目珠眨等一下仔就睡忒，等到阿爸喊??，車仔既經來到仙山腳下了，阿爸講著加一領衫，朝晨頭清冷清冷莫寒著，??衫加啊等，一下車就走當遽，阿公大嫲牯聲喊??毋好走恁遽，一來驚毋堵好會跌倒，二來等一下上崎毋得半崎坐，故所??就乖乖仔跈佢兩儕定定仔行。 蹶到半山排，腳當軟，歸身仔汗流脈落，遠遠看著一隻涼亭，??就煞煞走去坐在該石凳仔項，風輕輕仔吹來，心肝肚想愛打潑賴，緊敨大氣摎阿爸講無想再過行。阿爸就講：「喊你毋好來，你就硬愛跈，今這下愛仰結煞正好。」阿公接嘴講：「神仙打鼓有時錯，腳步踏差麼人無，應著你來打毋著算。」 聽著阿公恁樣講，??高不而將又繼續行，毋過這下行無恁遽了！翻轉頭，看著無幾遠有一對公婆牽等一個比??還較細个細阿妹仔，佢兜定定仔一步步行上來，就像會逐著??這兜了，阿爸就趕這機會講龜仔同兔仔走相逐个古，害??聽到面紅濟炸當見笑，連該細阿妹仔就比毋得！蹶呀蹶仔總算到崠頂最高點了，群山眾嶺盡在眼前，耳公聽著竹雞仔、山阿鵲這兜鳥仔个叫聲，鼻公頭鼻著夜合花个清香，樣仔。阿爸牽等阿公去裝仙水，乜裝一細罐愛??背等轉屋下，??問阿爸這仙水同屋下个自來水有麼个無共樣呢？佢講來到這位裝水个心情同屋下裝自來水个心情係無共樣哦。 到這下來，??正知頭擺人講个：「路毋行，草會塞；心毋開，會打結。」來到這往所在，保證心肝活活開。 106年全國語文競賽客家語朗讀文章國小學生組（四縣腔） 編號2號 【客家美食】徐貴榮原作 頭擺，客家人一直歇在山項、田莊，耕田打林，愛用當多个體力，故所，食雜摎一般人無共樣，變到客家「食」个文化。講著這客家美食，吾口涎水強強就會溚溚跌了！ 在吾个印象中，酸酸个豬腸炒薑絲，薑絲嫩嫩、豬腸脆脆，食起來有一息仔酸酸，客家人就係好食這味緒。叔公、阿伯長透講：「食加兩碗飯，做起事來較有力頭，豬腸無了味也好，同飯攪攪啊，當扯飯哦！」 頭擺吾公不時講：分人請，無食著炒肉就像無食著豐沛樣仔。原來這炒肉就係今晡日大家講个「客家小炒」，裡背用蔥白、魷魚、三層肉，加兜仔香料，大火炒到噴香。魷魚當香，三層肉毋會肥，食過个人都會講：恁平常个東西，仰會炒到恁香、恁有味緒呢？這就係客家人料理食品个本等，也係客家美食个代表菜。 其他像筍乾摎封肉、清甜个雞盤、酪酪个豬腳、一垤一垤搵蒜仁醋个鹹豬肉，還有清清个覆菜排骨湯，食起來就係有客家人个味緒。 另外，客家人長透用自家種个米穀來做各種點心。最有名个就係莊頭莊尾一到做鬧熱、做好事个時節，家家屋屋就會打粢粑、搵糖粉來請人客！講著這粢粑，??就會想著還細个時節，不時跈等吾婆去分人請，食飯前，總有一大群人手拿筷仔，緊斷粢粑搵香香个番豆粉，緊摎親戚朋友打嘴鼓，又食又講，看啊過去，逐儕都笑弛弛仔，該種親切个感覺，只有客家人正會了解。 客家人个點心，還有包蘿蔔絲个菜包，軟軟韌韌个水粄仔、比大麵還較好食个粄條仔、又韌又滑个米篩目，現下，客家美食既經變到大眾化个食品了。 這下，不管係在屋下也係在外背，??輒輒會想著還細个時節，吾婆做分??食个點心。下二擺，??定著愛學做客家美食，做出阿婆个味緒，分大家來認識客家食个文化。 106年全國語文競賽客家語朗讀文章國小學生組（四縣腔） 編號3號 【火雞咕嚕咕嚕】劉玉蕉原作 「咕嚕，咕嚕」園肚个火雞，看著??這兜細孲仔，撐開像扇仔个尾翼，兩隻腳踢啊踢行等過來，緊行喉嗹還「咕嚕，咕嚕」緊叫，下??該垤紅色皺皮，跈等叫聲顫顫掣掣，看著實在得人畏！分毋清佢係歡迎??這兜，抑係抗議??兜忒吵，看佢恁仔面紅紅，眼視視仔，尖尖个觜又像關刀，隨時愛劈過來个樣相，這勢面，??看莫惹佢有較贏！ 還記得該年，轉姐婆屋下，一下車，無等阿爸阿姆擐好等路，就衝等入伙房屋去尋姐婆，姐婆無尋著，嗄來惹著屋角歇睏个兩隻大火雞，緊恅著像阿婆畜个該隻烏狗共樣，恁溫馴，鼻得出吾个味緒，就無加注意，無想著該火雞「咕嚕，咕嚕」就拂等來哩，兩隻大火雞齊齊對??飆過來，正看著佢兜下??个紅肉，晃啊晃，一斡頭，屎朏就畀觜著吔，「阿姆哀唷～！」??拚等走往出，吂知該火雞看??好欺負，也逐等來，「媽～」??放聲噭，喊阿姆，阿爸對地泥下抓著一枝竹仔，就??過去，兩隻火雞「咕嚕，咕嚕」真毋甘願个樣仔，眼視視仔，走