一甲国中台语教材我共你讲-一甲国中YIJIA2018.DOCVIP

一甲國中台語教材 班級: 年 班 姓名: 座號 我共你講 曾啟茂 我共你講，你毋通共別人講 毋通共別人講我共你講 別人若講我共你講 你就講我無共你講 你若共別人講我共你講 我就無愛共你講 你若聽著別人佇咧烏白講 你就要恬恬 (tiām-tiām)毋通講 閣愛注神專心聽(in)講 聽了閣愛趕緊走來共我講 你聽了若無趕緊走來共我講 我共你講，毋是我咧講 一定是你想欲烏龍踅桌， 假仙假觸(tak),激空激戇(gōng)亂使(sú)講 若無就是你根本就是大舌興喋(hìng-thi?h)閣袂曉講 毋管你是想欲講，無想欲講，認真講，凊彩 (tshìn-tshái)講 會使講，袂使講，會曉講，袂曉講 抑是敢講，毋敢講，癮( giàn)講，無癮(giàn)講 我閣再實實在在坦白共你講 毋管按怎講，無論如何你一定愛緊來共我講 若無緊來共我講，表示妳會一支喙胡lùi-lùi烏白講 講罔講，毋是我咧愛講，我閣規氣tuah-白的共你講 你一定感覺攏是我咧講 我是誠愛講，閣誠愛覆 (phak)--咧偷聽人講 講規晡(poo),講那咧講，無采我咧講 自頭到尾，你攏是干焦(kan-na)恬恬(tiām-tiām)佇遐咧聽我講 原來你是臭耳聾，又閣啞口袂曉講 我共你講，以後你攏免數想我會閣共你講 一無要緊b? iàu-kín　合音唸