大埔腔-106全国语文竞赛.doc

106年全國語文競賽客家語朗讀文章高中學生組（大埔腔） 編號1號 【吾个隔壁鄰舍】黃詩婷 原作 人講：「近鄰贏過遠親！」確實無毋著，等生活裡肚，已多事情無辦法單人獨馬去完成，需要隔壁鄰舍來??手，因致，戴在上家下屋 上家下屋：音shong 上家下屋：音shongˋ ga+ ha+ vug^；鄰居。 戴在吾上家个人，大人細人都已良善，對人當好。該做阿奶个，堵著熟事人做下會開容笑面相借問，看著生份人，也會同佢頷頭，打招呼！厥兩公姐，無論莊肚哪家人屋家做好事、抑係歪事，無斯廟項做鬧熱，都會義務踏過去??手，對上鄰下舍乜當親切，當有人緣，大家都當愛同厥等打嘴鼓。厥倈、心臼乜當賢孝，畜个細人，講話細聲細義，當有禮貌，當知人我、知上下，大家已安??！ 戴在吾屋家對面个阿伯婆當煞猛種菜，逐日臨暗會去菜園淋菜，佢講，自家菜園種个菜無農藥，又已萋，食來較安心！見擺有收成，佢都會送兜菜分吾姆煮。 斜對面个阿伯公真涼樂，生活態度係「手疾好過家，腳疾好繡花。」該種人，輒輒會看著佢在禾埕項，坐緊矮凳鋸弦、唱山歌，聽著个人都試著當爽快，無愁無慮！下把下，??會跈吾爹過家去厥屋家泡茶、尞涼，聽厥等講古，試著當生趣，乜分??體會著「敬老得福，敬禾得穀」个道理。 毋過，戴在吾下屋个人，愁慮已多！兩個倈當毋聽講、毋成人，兩兄弟歸日吵吵鬧鬧，冤家羅債，惡擎擎，還長在相打泌背。做爺哀个講無兩句，厥等斯頸偏偏、眼豺豺，