《落难三眼小神仙》.ppt

這一次的表演, 對我作為一個母親及自己個人來說, 都有一個非常深刻的體會。佘佘由加入查篤撐至真正踏上舞台演出, 大概只是4個月之時間, 當最初加入時, EVA姐姐已經同我講查篤撐正準備10月之大型演出, 我還記得我第一句已一口拒絕EVA姐姐, 一個剛踏入4歲的小朋友又點可以做得到? 而且她是一張白紙入黎, 佢根本就無可能可以站在台上做到任何野, 我還說到時我的小朋友不受控制自己係台上走來走去影響到其他大的小朋友就不太好啦!! ? 當然, 現在, 我要將我所有的說話及想法推翻。經過馬老師同張老師既悉心指導, 佘佘當日的表現, 已完全不是我能夠預料得到的。佘佘所得到的經驗與過程, 並不是一個普通4歲的小朋友能夠容易得到的。對我及對她來說, 真的非常寶貴。 馬老師, 這一段是特別想寫給你的: 在平日的課堂上, 我已感覺得到你對每一個小朋友的耐心, 不論他們是四歲, 還是十二歲, 你都耐心逐一教導。我不能夠想像我只在網上查閱, 就能搵到一間這麼好的粵劇學校及老師給女兒。當正式在光明學校綵排的時候, 我更發現馬老師你對每一個小朋友都非常有耐心的親切教導。每天一早都有一個親切的笑容, 精神抖抖的同每一個小朋友講早晨, 準時由早上九點到下午五點, 連續兩星期的星期六及星期日, 你? 的聲音從未間段過的在禮堂停過, 無論小朋友有幾不用心綵排,?打機, 傾計, 跑來跑去, 你都好有耐性一次又一次重覆的教導他們, 從不打鬧, 從不發脾氣, 覺得大家有問題就圍在一起做檢討。無論你有幾疲累, 當你知道有一些不開心的事情發生, 你都會致電我們慰問。無論你有幾疲累, 在表演前一天, 你都遂一打電話給每一個小朋友給他們支持同力量。這些我都一一看在眼裡記在心上, 自己作為母親亦自愧不如, 心裡實在感動。亦慶幸佘佘能在你的教導下成長長。 佘佘真的很幸運, 除了得到查篤撐各位老師同師兄師姐的愛錫外, 今次表演亦得到好多同學仔的支持。係最初EVA姐姐叫我們各家長努力為這個劇宣全的時候, 我從沒有想過要介紹給佘佘的同學們, 因為我覺得幼稚園既小朋友同家長又點會有興趣睇啲咁既野呀? 但當佘佘一路將她需要演出的一點一滴的情節在學校表演給同學仔的家長們及老師看的時候 (尤其佈幕那一段, 唱大大個沙包, 舞棍), 佢地都說不相信一個四歲小孩子能夠做到, 問我佢幾時 ? 演出, 佢地都好想睇, 我真的估唔到佢地竟然有興趣, 那兩天亦有5個家庭及老師來捧佘佘的場, 就算無來的同學家長及老師, 都send email比佘佘為她打氣, 有些其實都想黎睇但因為有課外活動黎唔到。我真的覺得很開心, 而且睇完表演的家長同老師個個都話好好睇, 小朋友亦非常有耐性的坐到完場, 佢地話一啲都唔悶! 哈哈! 這些支持亦令佘佘增強左好多的力量, 爸爸在完show後都有問佘佘, “女, 不如唔好學啦! 咁辛苦! 又要早起, 又要綵排, 又 唔食得飽, 又唔可以 v. v.佘佘第一個反應都話好(因為佢實在太疲累), 但唔夠一秒佢就即刻零頭說 學粵劇既小朋友係唔怕辛苦架! 我要繼續學 我好像說了太多無謂野了! 其實最終目的都是想感謝你們每一個人, 非常感謝馬老師咁大膽比佘佘有咁重既戲份, 非常感謝張老師耐心教導佘佘既每一個做手同動作, 非常感謝Daisy媽同Eva姐姐呢兩個月一路病都一路繼續照顧所有既小朋友既需要。一切盡在不言中! ? 套上你們一句話 - 查篤撐! 拜別啦!! ? 佘佘媽媽上 ? ? 自詩驊進入了查篤撐後，我亦隨著參與了數次大型演出的後台工作，每次都與幾位參與義工的家長們及張老師在後台一起幫手，大家都變了專業的無牌服裝師、化裝師、髪型師等等，雖然非常忙碌，但看見各位家長都很合拍地及不分彼此的互相幫忙，没有計較誰做多或做少，大家都是只想做好同一件事，真的很有意義及十分開心。再看見小朋友們演出成功，亦以自己有份參與而自豪。 各界人士分享 (詩驊媽在後台的感想) ?? 正式演出時，小朋友們都很認真及努力地將所學習的表現出來，偶有出錯亦能很淡定地繼續演出，簡直就是“PRO”和“上晒身”，看見觀眾們拍掌以示支持及鼓勵，真的很感動呢。? 記得去年看查篤撐，芷瑩小朋友小朋友還是可可愛愛傻呼呼的模樣坐在台前，靦靦腆腆不敢說話; 反觀今年只四個月的光景, 她的努力真叫人眼前一亮, 唱功口才記憶力都令人拍案叫絕, 希望芷瑩能保持這學習態度, 前途一定無可限量;? ? 各界人士分享 (查篤撐家長 – 基基媽) 除了我想稱讚芷瑩外, 我真要誠心文送馬老師一個服字; 當初, 我帶基基來參加查篤撐時,?我已經聽過她說:放心把小朋友交比我,?別看輕小朋友嘅能力, 佢哋