「年輕時光好、爛賭毀人生」青少年劇本創作比賽.docVIP

「年輕時光好、爛賭毀人生」青少年劇本創作比賽 參加學校：長洲聖心學校 參加學生：5A梁婕琳、5A黃芷盈、5B周嘉寶、5B張儷藍、5B郭芷晴、5B李焯欣 角色：阿女、女婿、阿爸、阿媽、細佬、鄰居、大耳窿 人物性格：阿女—懷有身孕的家庭主婦,閒時會打麻將、買六合彩,因一段時期不斷贏錢, 認為自己運氣好而在賭船借賭本,因而欠下大耳窿…… 女婿—阿女丈夫,貨車司機,認為少賭怡情,大賭亂性。 阿爸阿媽—不愛賭博,經常提點愛賭的女兒不要沈迷賭博。 細佬—良好青年,發現家姐欠下大耳窿數萬元,被追數而暗中報警。 第一幕 (阿女在家中客廳全神貫注地看着電視現場直播的六合彩攪珠) 阿女：(不忿地嘆氣)咁多人中獎,都唔明點解無我份!(撕毀六合彩,扔到垃圾桶)期期都買 成100蚊啦,都話曬幫左唔少窮人,幾時到我呢個窮人中獎…(電話響起)鈴…鈴… 阿女：(誨氣地)喂！ 女婿：老婆,做乜咁嬲？成日叫你放鬆心情,係就唔聽,真係怕第時個BB出世,會學你咁蚊憎。係呢,阿黃生話聽日果場馬有內幕貼士,叫我買第五場3號獨嬴，唉!你記唔記得上次信佢既山埃貼士,結果無端端跌左500蚊落鹹水海,心都痛埋,今次都唔知好唔好再信佢!嗱,今次我尊重你既決定咯! 我唔想到時隻馬真係跑出黎,你話心傷,又話無左隻鑽石介指…… 阿女：(心郁郁,心情立刻轉為愉快) 緊係信啦,內幕貼士喎,博得過,一於