台灣俗語古早話註釋.doc.doc

台灣俗語─古早話 1.???? 一人一家代，公媽隨人栽。 zit l?ng zit gē dāi, gōng mà sūi lāng cāi. 即(chit4)句俗語，強調兄弟成家了後，愛隨人獨立門戶，袂使佫(be7-sai2-koh4)有想卜(beh4)倚靠兄弟的心理。獨立門戶了後，嘛愛隨人盡著對祖先的義務佮責任。 樹仔大欉愛分枝，兄弟大漢著愛分家。一旦分(pun1)家了後，著愛當家做主，家己安排祖先靈位神主牌的順序，唔通(m7-thang1)互外人來干涉。依人來講，每一個人攏是獨立的身軀，有伊家己的意志、思想，袂使隨便互人控制的。共款，每一個家庭，嘛是分門別戶，袂當(be7-tang3)容允外人隨便侵入，干涉家庭的生活方式，有一句英國人的俗語講：「每一間厝，攏親像是一座城堡」，來強調家庭的莊嚴佮神秘。所以佇現代社會裡，咱除了愛學習獨立自主以外，嘛愛對別人的決定有一定尊重。古早人講：「五百冬前共一鼎，恁(lin2)房通阮廳」，雖然算算攏是一家人，唔拘嘛是愛隨人家己去拍拚，以後互相才(chiah4)鬥跤手。就即個觀點，嘛是會當用佇「台灣」佮「中國」的關係，值得逐家去思考。 參即句俗語有相關的： 隨人討掠，隨人落鼎。 一代親，二代表、三代散了了。 一人一家代，無人愛人知。 拍虎掠賊，也著親兄弟。 隔壁親家，禮數原在。 　〔註〕 公媽： 「媽」ma2，音讀「千里『馬』」。原指祖父、祖母。此指男姓祖先曰「公」，女姓祖先曰「媽」。 隨人栽：「栽」chhai7，音如國語「『裁』示」。指隨各人方式來安放、祭拜祖先靈位之意。 2.???? 一人主張，唔值兩人思量。 zit l?ng zu diu°, m dat nng l?ng sū niǔ. 強調團隊的精神，一個人的能力總是有限，往往無法度觀前顧後，若加一個人來鬥參詳，著會當看頭看尾，恰(khah4)無容易出差錯。 每一個人出身的背景，唔(m7)管是家庭環境，人格特質、求學過程、專業訓練、思想形成，因為受著某方面的限制，造成個人一寡(koa2) 仔主觀的看法佮偏見。所以當咱做一個重大決定的時陣，有需要加聽一寡人的意見，唯(ui3)各種無共的角度來討論，突破個人的盲點佮限制，才會當得著一個恰完整的結論。安爾，不但別人有參與的機會，家己嘛有成長的空間。「固執」的人，總是恰無法度變竅，往往誤了大事，家己猶原(iu5-goan5)唔知影，這著是無真正體會「一人主張，唔值兩人思量」的涵意，即句語也就是國語所講的「集思廣益」的意思。 參即句俗語有相關的： 一人智，唔值兩人議。 相佮米，食有申(chhun1)。 三人共一心，烏土變成金。 　〔註〕 兩人：「兩」nng7，音如「卵」。指兩個人，多數之義。 3. 一人煩惱一樣，無人煩惱相親像。 zit lāng hūan lor zit iū°, bhōr lāng hūan lor sā° cīn ciū°. 即句俗語的意思，講出每一個人，攏有伊無共款的苦衷，著像「家家有本難唸的經」一般，所以咱無需要去欣羡別人，咱所看著的別人，攏是表面的風光佮笑容，伊內心的世界，往往唔是咱有法度去體會的，所以咱愛學習做家己，做家己上實在，嘛是上有意義的代誌。 世間人煩惱百百款，有人煩惱「天未光」，有人煩惱「鴨無蛋」，有人煩惱「細(se3)姑卜嫁，無嫁妝」，嘛有人煩腦「細叔卜娶(chhoa7)，無眠床」。人人因為袂(be7)滿意家己的現狀，或者恐驚袂當達成心願，所以定定(tiaN7)煩惱東、煩惱西，總感覺家己上歹運，家己的缺點一大堆，佮人袂比並(pheng1)。其實人生不如意時常事，咱無必要看甲傷嚴重，尤其依佛家的觀點來講，「煩惱，即(chek4)菩提」，所以咱愛學習，卜安怎來解決家己的問題，藉著解決問題的過程，來增加個人的能力佮智慧，唔是食飽干礁(kan1-ta1)會曉怨嘆家己，欣羡別人爾爾(nia7)。 參即句俗語有相關的： 表面笑呅呅，目屎腹內吞。 一人講一項，無人講相共。 做一行，怨一行。 在職怨職，無職思職。 做天，嘛袂中眾人意。 〔註〕 定定：tiaN7-tiaN7，音若「埕」第七調。指經常之意。 干礁：(kan1-ta1)，指只有～；只會～。 4. 一支喙吱吱彈，尻川互人犁田。 zit gī cui gī gī d?n, kā cng ho lāng lē c?n. 即句俗語，原本是咧(le0)講一個囡仔厚話佫愛應話(in3-hoe7)，所以惹大人受氣，結果互大人修理拍尻川髀(kha1-chhng1-phoe2)。即馬(chit4-ma2)的意思，是咧諷刺一個人一支喙講無停，四界臭彈、甚至烏白講，著會互人修理、教示。 古早人講：「言多必失」、「禍從口出」，攏咧強調一個人講話愛慎重。不但講話的內容、講話的時機