105年客家语朗读文章.doc

105年全國語文競賽客家語朗讀文章高中學生組（海陸腔） 編號1號 【人公仔】徐月里原作 記得??讀國民學校一年生該下，已驚生份。等到??讀三年生該年，膽量就越來越大了，成下??會在街路頭踔上踔下見世面。有一日，??著等該雙既經著有兩年，無已合腳又還好好个屐仔，在市場脣个街路肚踔來踔去。 該舊街路頭有一間洋品店，聽講店肚賣已多洋貨。有賣該紅色布面、白色鞋帶、細妹仔著个關公鞋，過年時，??姆識摎??買過一雙，講??讀書時節正好著。店仔面前擺一隻做得徙停動个細糖攤仔，有賣抽糖仔个東西，乜有賣兜仔假銃仔啦、紙牌啦、人公仔啦這兜細人仔搞尞个東西。下把仔??討著五角銀，就會去抽糖仔食。該日餳著??个東西，係用枋仔釘起來个架仔頂吊等該隻－－用光面塑膠紙包起來个塑膠人公仔。 該隻塑膠人公仔已無共樣，佢个頭那毛虬虬膨膨；目珠圓圓金金，會停動，目睡毛翹翹，鼻空刀利利，鼻空頭錐錐，鼻空空細細，手腳幼幼長長，做得變換動作，該兩隻手髀略略仔彎彎，做得擐東西，手指尖尖翹翹，兩支腳長長躡腳尾，有一雙滴滴仔个高?鞋做得替換，高?鞋呢！會企又會坐。著一領到腳膝頭个洋裝，上身胸脯大大，腰仔細細，下身係攝幼褶个膨裙，實在還靚个人公仔哦！??實在當想買。 頭家看??企在擔仔前看恁久，就行上前問：「細阿妹仔，有想愛買無？轉去摎屋下人討錢來買！」該正經係嚇死人个價數，你知無？??愛幾下隻禮拜正討得著五角銀好買食，該下五角銀斯做得買著甜甜又透心涼个清冰一支呢！頭家講該身人公仔愛「十七箍」！ ??緊拚拚仔走轉去摎??姆講。大氣轟天，講都毋會清楚，還緊揪??姆个手去現場看。噭乜噭了，嘺也嘺過了，??舞到自家目汁濫泔。??姆講：「這下屋下哪有恁樣个閒錢好買呢？莫過噭了！阿姆用花布仔做一隻得人惜个布人公仔分你搞。莫再噭到像食著死雞腸樣，好恬了，這五角銀囥好！」??毋甘願完毋甘願，一時乜想無計。自家乜知實在係嘺人，鼻空摸摸啊，目汁捽燥來，就恬恬無過再吵佢了。 105年全國語文競賽客家語朗讀文章高中學生組（海陸腔） 編號2號 【阿煥伯个想望】邱一帆原作 熱天，都市肚冷氣緊開緊大，有錢人享受冷氣，無錢个人忍受排出來个熱氣、廢氣，分人走無空囥，斯因為想愛戴在都市，分莊下人認為有出息，就算仰般無品質个生活也愛忍耐過……，講正經！ 還係莊下較贏！阿煥伯緊想緊有道理，莊下个隔壁鄰舍，純樸、善良，仰般熱情；莊下个自然、恬靜絕對比都市贏加十倍百倍。退休過轉莊下，阿煥伯特別有感受。 蛤蟆ebˋ ebˋ，屙屎相擲。阿煥伯還記得頭擺有當多个蛤蟆，就在這山溝、山壢肚。暗晡頭，特別係落水過後个暗晡頭，山田石駁崁下，蛤蟆ebˋ ebˋ滾个聲，響透山林、這下嗄毋知走到哪位去？聽隔壁對山林河壩當熟絡个阿亮講，這位還有蛤蟆嘿！ 毋過，歸隻山頭，會分阿煥伯翻透透、翻遍了，還係尋毋著ebˋ ebˋ个蛤蟆，阿煥伯毋相信這係事實，阿亮講話應該毋會騙人，這下來轉屋下一隻半隻都無捉著，見笑哦！阿煥伯行轉茄苳樹下，等看啊！心肝肚想，係有，蛤蟆應該會出來啊，請遽遽出來哦！ 涼風陣陣吹來，阿煥伯耳空聽著緊來緊多个聲音。風吹竹林疏疏滾个聲，穿過娘花欉沙沙滾个聲，茄苳樹頂飛鼠尋食唧唧喊个聲，還有毋知名个蟲聲，這就安到天籟，天籟就在阿煥伯个身邊、四圍啊！阿煥伯恁樣想。竹樹花草自由搖擺，自然个聲響、自然个節奏、自然个律動，全下分人仰般自然个感受，無食酒也會有息仔醉意噢！就算暗晡夜無捉著蛤蟆，也值得啦！ 105年全國語文競賽客家語朗讀文章高中學生組（海陸腔） 編號3號 【養成好个讀書習慣】徐貴榮原作 當多做阿爸、阿姆个人，長透會問：佢个細人仔生來已精靈，仰般書會讀毋來呢？有兜人就去廟肚燒香、拜佛、求靈丹，有兜人就怪交著壞朋友，還有兜人就怪學校个先生毋會教。大家來試想啊：恁樣，敢著？ 記得頭擺讀國中个時節，??一日到暗捩捩轉、想空想缺、企坐毋核、坐無兩分鐘，屎胐就像生竻共樣，企起來摸這摸該、看電視、打電動。逐擺發成績單，無一科見人得。有一暗晡，??姆渡??去??姨屋下，看??表姊仰般讀書。??兩儕一落門，就看著??姨丈恬恬仔在廳下整理資料，??姨在該看書，??表姊摎表老弟共下在該寫課題。??跈等就分醒過來了︰佢屋下讀書个習慣恁好，難怪細人仔盡會讀書！可見讀書習慣係盡重要个。 到底愛仰般養成好个讀書習慣呢？??看著??姨屋下个情形，想著下背三點來分大家參考一下： 第一、讀書心愛專，毋好花娘心捩捩轉。人講：「心專石穿」，毋過，盡多人讀書，一本書拿等，就像該「細和尚念經－－有嘴無心」，心肝肚緊想別个事情。一下仔想搞電腦，一下仔又想出去尞。讀無兩下書，又分當多別樣个事情插落來。心毋定，想愛摎書讀好，該就「等雞公生卵－－哪有希望」。所以，毋好摎電腦、收音機、漫畫書、好搞个東西放到書桌个脣頭，恁樣，正會專心。