客家语朗读稿-南四县腔.doc

104年全國語文競賽客家語朗讀文章國中學生組（南四縣腔） 編號1號 【百善孝為先】黃詩婷原作 頭擺仔人講：「一等人忠臣孝子，兩件事讀書耕田。」昔時賢文講「千萬經典，孝義為先。」??等這兜對細讀个三字經裡肚乜有講「首孝悌，次見聞。」還過，青年守則第二條「孝順為齊家之本。」這兜全部都係提醒??等「百善孝為先！」做人最基本个就係做一個賢孝个子女。 「食水愛念水源頭，食果子愛拜樹頭！」係同??等講，愛做一個知得感恩个人。「感恩」係盡重要个，知得感恩个人，就定著係一個知好有孝爺哀个人。該愛仰仔做，正係有孝呢？??等除忒愛煞猛讀書、照顧好自家个身體健康、莫分爺哀愁慮以外，平常時一定愛多??手做屋下个事，像洗碗、撿揫、掃地泥、抺地泥、晾衫，還過同自家个書桌仔同間房整理淨俐，都係??等這兜細人仔做得著个輕連事，毋好推懶，毋好同兄弟姊妹奸來奸去。人講个：「家和萬事興！」毋會差，共屋下个人毋好吵事相罵，毋好動啊著就惡桀桀仔，愛聽阿爸阿姆个話，乜毋好同爺哀應話！恁呢，家庭就會和和氣氣，乜正會幸福！ 記得有一日，吾婆在亭仔下同鄰舍譫哆，突然間，??聽著阿婆敨大氣講：「唉，枉費??恁惜吾孫仔孫女仔，佢等緊大嗄緊毋講客，佢這兜講个話??又聽無麼个識，這下啊，兩子阿婆嗄變到無麼个話好講了！」??聽了以後，目汁差一息跌出來！跈等，??又想著阿爸長透咄??講：「細人仔毋講客，祖公都會?起來罵！」知得自家實在不應該！過後，??就盡量用客話去同吾公吾婆打嘴鼓。漸漸仔，看著佢等緊來緊有笑容，??正知，總講係開口多講客，就會緊講緊滑溜，就做得同阿公阿婆溝通，同佢等變啊較有話好講。原來，講客乜係有孝个一種表現哦！ 老上人講：「千跪萬拜一爐香，毋當生前一碗湯。」無毋著，??等毋使等下二擺大了賺錢正來有孝，驚怕到該下仔，想愛有孝就來毋掣了！愛做一個有孝个子女，毋係用嘴講講啊就做得，係愛對平常時个生活裡背做起，愛對這下開始做起！ 104年全國語文競賽客家語朗讀文章國中學生組（南四縣腔） 編號2號 【背影】陳志寧原作 ??還記得，該下仔??正小學三年生。在該時節个??，放尞日毋係搞，嘎無愛做麼个呢？ 同人無共樣个，係吾爸有了年紀正降著??。毋係佢早毋降，係因為佢從細屋下無耕無種，畜自家佢都無把扼畜得起，佢仰會敢討姐仔、降細人仔？下後討了吾姆，兩公婆每日拚到兩頭烏，勉強一家人食歇正無問題，日仔還算得得。 下後吾爸同叔公贌菁仔園來做，蒔禾个田坵拿來種菁仔，事頭較輕鬆，就盡驚菁仔大出愛割菁仔个時節，屋下人手無罅，吾爸就會使??跈佢等去菁仔園做事。問題係一個正十歲仔个細人仔，做得??手麼个？ 去到菁仔園，??愛跈等吾爸割菁仔。佢背等鬥菁鐮仔个竹篙，頭那臥起來看樹頂項个菁芎。佢先割幾粒仔下來試子仔，確定罅大粒，正做得歸芎仔割下來。愛同歸芎仔个菁仔割下來該下，吾爸因為兩隻手愛使鐮仔，佢會喊??在樹頭下用手承等菁仔，等菁芎跌下來个時節用手去接，菁仔正毋會跌到地泥項，橫壞忒，賣半息錢就毋著，該就打爽了。 該下仔菁仔價數十分好，一粒手指公大細个菁仔，做得換一碗麵。有幾下擺，??分該跌下來个菁芎拌到手盡痛。明明伸出去愛接菁芎个手，聽著菁芎跌下來个聲音，??著驚到跔歸來。跈，流一路出。??心肚仔愐：別人都做得放尞，有所費好買糖仔食，做麼个單淨??愛來園仔項做菁仔事？ 二十零年後，??已經大學畢業出社會食頭路賺錢了。還細跈去做菁仔事个菁仔園，在叔公過身前轉手賣分吾爸。無共樣个係這下菁仔無麼个價數，園仔項早就伸無幾多頭菁仔。無經濟壓力个生活，吾爸在園仔項種兜仔青菜，隔壁鄰舍一概都有食祿。 該日仔去園仔項同吾爸??手種菜，在背尾看等厥身影，還細同佢共下割菁仔个情景還愐得起。??同手挲挲啊！愐著揇等吾姆噭眵，對吾姆耳角看吾爸个身影，吾目汁又偷偷仔流下來了。 104年全國語文競賽客家語朗讀文章國中學生組（南四縣腔） 編號3號 【敬字惜紙話聖蹟】部編版客家語分級教材第八冊 「一頭樹仔項，兩個細人仔吊晃槓」，請揣一隻字。答案就係「來」，你有揣著無？ 恁生趣个漢字，係上古時代流傳下來个。頭擺个人，用索仔打結來記事，毋過無法度做過複雜个記載，後來个人就觀察天下萬物个情形，造出代表各種意義个符號，這種符號就安到「字」。相傳倉頡造字个時節，「天雨粟，鬼夜哭」，可見得文字个發明，係一項驚天動地个大事，後世就尊佢為「制字先師」，所用个文字就係「聖蹟」，並起亭臺來奉祀，將文字神聖化。 因為尊重知識、看重讀書个觀念，寫有文字个字紙也有吔神聖性，後來就變成敬字惜文个風俗。特別係對敬重文風、晴耕雨讀个客家人來講，該兜字紙，像有神靈樣仔，毋好坐著也做毋得??著。大人登常會對細人仔講：「係坐著啊！會讀書毋識唷！」係無，就嚇佢講：「坐著字，尸朏會爛核哦！」連無愛个廢字紙，都做毋得儘採擳，定著愛先放在神桌腳下个字紙籠仔肚，